Yith 21:1 - JAM DE NHIALIC 2011

¹ Kënë ee jam në biäk de Babilonia. Cït man ye kɔc piny nap ë jɔ̈ɔ̈ric, yen abï riääk bɛ̈n piny de yic riɔ̈ɔ̈c.

Yith 21:1 ပူးပေါင်းရင်းမြစ်များ

Jop 37:9

Yom de kɔɔr ee bɛ̈n në wöuwic, ku bɔ̈ yom lir ëbɛ̈n rut,

Yith 13:1

Kënë ee jam në biäk de Babilon, jam wään cïï Nhialic gäm Yithaya wën de Amodh.

Yith 13:13

Yɛn bï paannhial niɛŋ, ku ta piny lɛthë abï rɔt wuuk tëde, në kööl bän agönhdï nyuɔɔth, Yɛn Bɛ̈nydït de rɛm.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 14:14

Acï lueel an, bä kɛɛc nhial në luäät kɔ̈ɔ̈th ku bä ciët Awärjäŋ.

Yith 14:23

Yɛn bï Babilon puk ke ye bäc, ka agumuut abïk ceŋ ëtɛ̈ɛ̈n. Yɛn bï Babilon napic në wëëny ee këriëëc ëbɛ̈n nap wei. Acä lueel, Yɛn Bɛ̈nydït de rɛm.”

Yith 17:1

Go Bɛ̈nydït lueel an, “Damathko acï bï bɛ aa pänydït, abï ya dhuur de ɣööt cï riääk.

Yith 47:1

Aye Bɛ̈nydït lueel an, “Babilon bäär piny në thöönydu nɔm, ku nyuc piny abuui yic ee tënë. Yïn aacï kɔn ciët nyan dhueny kën kɔn yök ke moc, pänydïït kënë kɔn peec, ku yïn cï kɔ̈c ku yïn cïï be ciët täu ɣɔn ril yïn! Yïn cï ya lïm ënɔɔnë!

Yith 5:28

Wiɛth ke dhɛ̈ŋken amothkï, ku acï röt guiir ke ke muc. Ku miɔt ke jöŋgöörken arilkï ëtör cï kuur, ku cök ke abëël ke jöŋgöörken ayek wïc cï kɔɔr.

Jeremia 51:1

Aye Bɛ̈nydït lueel an, “Yɛn bï yom de riääk, bän Babilonia riɔ̈ɔ̈k kekë kɔcke bɛ̈ɛ̈i.

Jeremia 51:42

Wɛ̈ɛ̈r acï rɔt laar ë Babilon kɔ̈u, ku kum piny në apiöŋdɛn ee wuur.

Jeremia 51:51

Ayak lueel an, ‘Wok cï yɔ̈ɔ̈r, ku tɔ wo yäär gup, wok ee röt yök ke wo cïn kony taitai, në biäk cï alɛi ɣään ɣer yiic nööm ë Luaŋdït yic.’

Edhekiɛl 1:4

Na wën aa tiëŋ tënhial, ke ya tïŋ amaŋdïït e yom ke bɔ̈ në biäk të lɔ rut. Ke ye wil ë biliny në luändïtic, ku tënhial nu ë yelɔ̈ɔ̈m aa lɔ biɔ̈rbiɔ̈r. Ku të ye mac lɔ bilinyë, ade kë ee riau ke cït Maläŋ.

Edhekiɛl 30:11

Yen kekë remdɛn cïn piɔ̈u ë juööriic, abïk bɛ̈n bïk piny bɛ̈n riɔ̈ɔ̈k. Abïk Rip mak në abätɛ̈ɛ̈u, ku piny abï thiäŋ ke gup ke kɔc cï thou.

Edhekiɛl 31:12

Abï alɛi cïn piɔ̈ɔ̈th yiɛp piny ku nyiëëŋkï piny. Kërkɛn cï dhuɔɔŋ ku yïthke abïk lööny në kur nïïm ku wɛ̈k yiic në baai yic ëbɛ̈n. Juöör ɣɔn rɛ̈ɛ̈r në atïmde yic kedhie abïk jäl.

Edhekiɛl 38:9

Yen kekë remdɛn ë tɔŋ ku jɔ ya juöör kɔ̈k tɔ̈u në yen ëtök, abïk kɔc mak cït man amaŋ ku kum piny cït luäät.”

Danyel 11:40

“Ke të cï kööl ciëën ke melik de Thiriya thiɔ̈k në bɛ̈n, abïï melik de Rip yen yiɛ̈n tɔŋ, ku melik de Thiriya abï tɔŋ looi në riɛlde ëbɛ̈n, abï tɔŋ looi në abëël ke tɔŋ, ku joŋgöör, ku abëël wïïr juëc. Abï wuöt juëc luöi tɔŋ cït man ë pïïu ke amool.

Dhek 9:14

Ku ëtɛ̈ɛ̈n, Bɛ̈nydït abï tuöl në kɔcke nïïm, abï wiɛth ke moc cït man ë wil de deŋ. Bɛ̈nydït Awärjäŋ abï kaaŋ kooth, abï jäl në amaŋic të lɔ wöuwic.