Yith 2:19 - JAM DE NHIALIC 2011

¹⁹ Kɔc abïk mol në pɔ̈liic piny, ku lɔ kɔ̈k thiaan në kɔ̈k ke kuriic, themkï bïk röt kual në agönh ë Bɛ̈nydït, ku riɛldïïtde ku dhuëëŋ, të le Yen Bɛ̈n bïï piny bɛ̈n lath.

Yith 2:19 ပူးပေါင်းရင်းမြစ်များ

2 Tham 22:46

Acïk guɔ riɔ̈ɔ̈c ku ayek bɛ̈n bei ke ke lɛthë, tëdɛn ë cï kek thiaan.

Jop 9:6

Raan ee mëën ke piny lath abï piny tieŋ ku wuuk tëde.

Diɛt 7:6

Yïn Bɛ̈nydït jɔt rɔt! Kääcë nhial ke Yï cï gɔ̈th, ku riäk tuöc ë piɔ̈u de kɔc ke aterdï, Jɔt rɔt ku kony ɛn, Ee yic yen ye kɔɔr,

Yith 13:13

Yɛn bï paannhial niɛŋ, ku ta piny lɛthë abï rɔt wuuk tëde, në kööl bän agönhdï nyuɔɔth, Yɛn Bɛ̈nydït de rɛm.

Yith 2:10

Abïk thiaan në pɔ̈liic piny ku lɔ kɔ̈k thiaan në kuriic, themkï bïk röt kual në agönh ë Bɛ̈nydït ku riɛldïïtde ku dhuëëŋ!

Yith 2:21

Të le Bɛ̈nydït piny bɛ̈n lath, kɔc abïk thiaan në pɔ̈liic, ku kɔ̈k ke kuriic, themkï bïk röt kual në agönh ë Bɛ̈nydït, në biäk de riɛldïïtde ku dhuëëŋ.

Yith 24:1

Bɛ̈nydït abï piny riɔ̈ɔ̈k ku nyiëëŋ piny ke cï riääk. Abï niɛŋ nɔm ku thiɛ̈i kɔc nu thïn.

Yith 24:18

Raan lɔ kak ë riɔ̈ɔ̈c abï lööny ë pulic, ku raan raan lɔ ban në pulic abïï wïn ë dɛ̈p dɔm. Amaŋ de deŋ abï bɛ̈n tënhial, ku këërkëër ë piny abï lath.

Yith 24:19

Piny abï ɣaar ku nieeŋ rɔt ku liep rɔ.

Yith 30:32

Të ye Bɛ̈nydït ke yup ku be ke yup, kɔcke abïk lɔ ke ke koth kɛŋ ku thoom ku gutkï lɔ̈r. Nhialic guöpde abï thɔ̈ɔ̈r kekë kɔc ke Athiriya.

Yith 33:10

Aye Bɛ̈nydït lɛ̈k juöör an, “Yɛn bï rɔt jɔt ku luööi. Ku nyuɔɔth riɛldiën lëu En këriëëc.

Yith 7:19

Ku abïk bɛ̈n ku piɔ̈ɔ̈tkï në kur nïïm ku wëk yiic ku kɔ̈k ke kur yiic ku abïk roor thiɔ̈ɔ̈ŋ yic ëbɛ̈n ayï të ye puur.

Jeremia 16:16

Aye Bɛ̈nydït lueel an, “Yɛn cï kɔc juëc ee dep ë rec cɔɔl, bïk ee kɔckë bɛ̈n dɔm. Ëtɛ̈ɛ̈n Yɛn cï kɔc juëc ee yäp cɔɔl, bïk ee kɔckë bɛ̈n yɔ̈ɔ̈p, ë kuriic ëbɛ̈n, ku kurthii nïïm ëbɛ̈n ku kɔ̈kkiic ku ë kur dït nïïm.

Jeremia 4:29

Në awuööu de kɔc ke jöŋgöör, ku kɔc ke dhɛ̈ŋ raan ëbɛ̈n abï kat. Kɔc kɔ̈k abïk kenïïm cɔ̈k roor, ku kɔc kɔ̈k abïk lɔ ë kur nïïm. Wuöt ëbɛ̈n abïk döŋ ke ke cïn yiic kɔc, ku acïn raan bï ke bɛ cieŋ.

Jeremia 48:28

“Wek kɔc ceŋ Mowap, nyääŋkï wuötkun piny! Lak ciëŋkï në kur nïïm! Takkï röt cït guuk ee ɣönde yïk në kök thok.

Edhekiɛl 33:27

“Lɛ̈kë keek an Yɛn Bɛ̈nydït Awärjäŋ ajääny keek, në yic, kɔc rɛ̈ɛ̈r në pɛ̈ɛ̈ny cï riɔ̈ɔ̈k yiic abïï ke nɔ̈k. Kɔc rɛ̈ɛ̈r në wuöt biic yiic abïï läi roor ke cuet. Kɔc cï thiaan në kur nïïm ku në kök ke kur yiic abïk thou në jɔɔk.

Ɣodh 10:8

Ku ɣään thöny ke Aben, ye kɔc ke Yithriɛl yiëth lam thïn, abïï keek riɔ̈ɔ̈k. Ee läm de yiëth yen aye awänydïït de Yithriɛl. Ka abï keek riɔ̈ɔ̈k, ku kuɔɔth, ayï thil abïk lɔ̈ɔ̈k cil në yïïkken nïïm. Ku kɔc abïk kur aa yɔ̈ɔ̈k an wïïkkï në kenïïm, ku lëkkï kur kor an, “Kuömkï wo piny!

Maika 7:17

Abïk aa ɣöc piny cït karɛc, ku molkï piny cït käm. Juöör abïk bɛ̈n bei në ɣäänkɛn ke thiaan yiic ke ke lɛthë. Ku pukkï kenïïm Bɛ̈nydït Nhialicda ke ke cï riɔ̈ɔ̈c në Yen.

Naɣum 3:11

Ayï yïn, yïn Ninebe ayadäŋ, yïn bï nɔm mum cït raan cïï mɔ̈u wit. Ka yïn bï të thiɛɛn yïn aa kɔɔr në biäk de kɔc ke ater.

Ɣagai 2:6

Aye Bɛ̈nydït de rɛm lueel an, “Në ee nïn likë, Yɛn bï tënhial kekë piny niɛŋ, ku niɛŋ wɛ̈ɛ̈r, ayï tëril.

Ɣagai 2:7

Aye Bɛ̈nydït de rɛm lueel an, Yɛn bï juöör pɔ̈k piny kedhie, ka wëuken abïk guëër eenë, ka Luaŋdït abï thiäŋ ke athiɛɛi.

Luk 23:30

Ë aköölkë abï kɔc kurdït yɔ̈ɔ̈k an, ‘Wiëëkkï ë wonïïm!’ Ku yöökkï kur kor an, “Kuömkï wo piny!’

2 Theth 1:9

Kɔckë abïk këdɛn tuc yök, yen aye riääk bï ceŋ athɛɛr, riääk bɔ̈ ë Bɛ̈nydït nyin ku bï në dhuëëŋ de riɛlde,

Ɣeberuu 11:38

Piny aacïï rɔ̈ŋ kekë ee kɔc piɛthkë! Aake ye tai në jɔ̈ɔ̈riic ku kur nïïm ku yek rëër në kɔ̈kiic ku puɔ̈liic piny, aake cït kamaan.

Ɣeberuu 12:26

Të ɣɔn kɔn ë Nhialic jam në jamdɛn tueŋ, rölde yetök ë piny bɛ̈n nieeŋ. Ku ënɔɔnë acï lueel luɔi bï Yen piny nyɔk ë niëŋ nieeŋ En en, ayï ka nu nhial ayadäŋ.

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 11:19

Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

Nyuuth 16:18

Ku jɔ deŋ wil aläl, ku nu röt ke kɔc, ku määrëdeŋ, ku bɔ̈ niëŋ dïït nieeŋë piny rɔt, acïn kë cï kɔn ciët en ëcaŋɣɔn nu kɔc ë piny nɔm, yen dït ë niëŋ cï piny rɔt niɛŋ arëëtdïïtë!

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.

Nyuuth 9:6

Ku në aköölkë yiic kɔc abïk thuɔɔu kɔɔr, ku acïkï bï yök, ku abïk piɔ̈ɔ̈th dɛ thuɔɔu arëët, ku thuɔɔu abï kat ë keek.

1 Tham 13:6

Na wën ke ke mɛk kɔc ke Yithriɛl, agokï keek tɔ mum nïïm. Go kɔc kɔ̈k ke Yithriɛl lɔ thiaan ë kur thäär, ku pɔ̈l yiic, ku yïth yiic,

1 Tham 14:11

Agokï röt nyuöth nëëm ke Pilithiin kedhie, go Pilithiin lueel, an, “Tiëŋkï Ɣeberuu, amulkï bei në pɔ̈liic të wën cï kek thiaan thïn.