Yith 19:25 - JAM DE NHIALIC 2011

²⁵ Bɛ̈nydït de rɛm abïï ke thieei ku lueel an, “Wek bä thieei, Rip, kɔckï, ku Athiriya wek aa cak keek, ku wek Yithriɛl wek ee kɔckiën cä lɔc.”

Yith 19:25 ပူးပေါင်းရင်းမြစ်များ

Diɛt 100:3

Ku ŋiɛckï nɔn Ye Bɛ̈nydït Nhialic. Ee Yen ë cak wook, ka wok ee kake, Wok ee kɔcke, wok ee thökke.

Diɛt 115:15

Athiɛɛi de Bɛ̈nydït abï tɔ̈u ke yïn, raan ë cak paannhial kekë piny!

Diɛt 138:8

Yïn bï këriëëc cï yïn gutguut lueel ëbɛ̈n looi, Bɛ̈nydït nhiëërduön agɔk ee tɔ̈u athɛɛr! Thöl luɔiduön cï gɔl.

Yith 19:24

Të lee köölë bɛ̈n, Yithriɛl abï mat ke Rip ku Athiriya, ku ee juöörkë kadiäk abïk aa thiɛɛi de piny nɔm ëbɛ̈n.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 29:23

Të la wek mïth bä gäm week tïŋ, abäk jɔ ŋic nɔn ee Yɛn, Nhialic Ɣeric de Yithriɛl. Wek bï A riëëu guöp ku gäikï në Yɛn.

Yith 45:11

Bɛ̈nydït, Nhialic Ɣeric de Yithriɛl, aye raan ee yen ee kë wadäŋ thɔ̈ɔ̈ŋ lueel: “Yïn cïn nɔm yic bä ya thiëëc në biäk de mïthkï, ku nɔn lɛ̈k yïn ɛn kë bä looi.

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:9

Abïk dɛk kɛk në juööriic ëbɛ̈n, raan ëbɛ̈n raan lɔ keek tïŋ abïï ŋic nɔn ye kek kɔc cä keek thieei.”

Yith 63:17

Eeŋö yïn wo tɔ mär kueerdu? Eeŋö yïn wo tɔ ril nïïm abuk röt yal wei në kueerdu yic? Bä ciëën, në biäk de kɔc ee yïn luööi, ku në biäk de dhiëën ee kaku.

Yith 64:8

Ku yïn ee wääda, Bɛ̈nydït. Wok cït tiɔp tei ku yïn ee cuëny de töny. Ee yïn aa cak wook,

Yith 65:23

Kë bïk aa looi abï ya tiam ku mïthken acïn kërɛɛc bï keek aa yök. Abä ke thieei ku thiɛɛi kuatden ayï akööl bï bɛ̈n kedhie.

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 2:7

Acä keek bɛ̈ɛ̈i piny ee ŋiëc luɔk, bïk kak ee luɔk cam ku kapiɛth kɔ̈k. Ku acïk pinydï riɔ̈ɔ̈k, acïk pinydiën cä gäm keek jɔ dhiöök.

Ɣodh 2:23

“Ku Yɛn bï kɔckï tɔ ye kɔc ke nɔmdï, ku nyuööc keek pinyden. Ku nhiaar raan ë cï cɔɔl ɣɔn an, “Yïn kɛ̈n nhiaar. Ku abä lɛ̈k kɔc ë cie cɔɔl ɣɔn an kɔckï an, ‘Wek ee kɔckï.’ Ku abïk puk nɔm an, “Ee Yïn aye Nhialic.

Dhek 8:13

Cït man cä wek kɔn aa kɔc ke aciɛɛn në juööriic baai de Juda wekë baai de Yithriɛl, wek bä bɛ kony ku ta we ye athiɛɛi. Riɛtkï wepiɔ̈ɔ̈th, duökï riɔ̈c.

Kuɛ̈n 24:1

Ku ëtɛ̈ɛ̈n, aa ŋic ë Balaam nɔn kɔɔr ë Bɛ̈nydït en nɔn thieei yen kɔc ke Yithriɛl, ka aken bɛ̈n bɛ lɔ tëde Bɛ̈nydït cït man yen lɔ. Ë yenyin bɛ̈n wɛl ë jɔ̈ɔ̈ric.

Kuɛ̈n 6:24

Bɛ̈nydït abï yï thieei ku döt yïn,

Kuɛ̈n 6:27

Ku lueel ë Bɛ̈nydït an, “Të cï kek ya cɔɔl rin të thieei kek kɔc ke Yithriɛl, abä keek aa thieei.”

Romai 3:29

Ku ye Nhialic de Judai kapäc? Cie Nhialic de Juöör ayadäŋ? Ɣɛɛ, ee këde Juöör ayadäŋ,

Galatai 6:15

Ku cuɛ̈l ayï luɔi kënë raan cueel, acïnkï naamden ë Yecu Kërtho yic, ee raan cï piac cak, yetök.

Epethiei 1:3

Thieithieei ë Nhialic, Wun Bɛ̈nydan Yecu Kërtho, Raan cï wo thieei ë athiɛɛi de wëi ëbɛ̈n, athiɛɛi de ka ke paannhial, në Kërtho yic.

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

Nyöŋ 32:9

Në baŋ ye biäk de Bɛ̈nydït kɔcke ku Jakop ee këdɛn cï gäm en.

Pilipoi 1:6

Ku cöökë aŋiɛc ëgɔk an, Raan ë cak luɔi piɛth ë weyiic abï thöl abïï piath ë kööl ë Yecu Kërtho.

1 Pet 2:10

Ɣɔn wek ë cie kɔc, ku ënɔɔnë we cï aa kɔc ke Nhialic: wek aa kën kokdepiɔ̈u yök ɣɔn, ku ënɔɔnë acäk ja yök.