Yith 19:23 - JAM DE NHIALIC 2011

²³ Të lee köölë bɛ̈n, abï dɛ kueer lääuwic në kaam de Rip ku Athiriya. Kɔc ee wuötkë kaarou abïk aa lɔ ku lek bɛ̈n në kɛmken, ku ee juöör kaarou abïk aa lam ëtök.

Yith 19:23 ပူးပေါင်းရင်းမြစ်များ

Diɛt 87:4

Yɛn bï Rip kekë Babilon tääu thïn ku kɔc ke Pilithiin kekë Tayer ku kɔc ke Kuc, abä keek kuɛɛn ë kɔc ceŋ Jeruthalemic të la Yɛn juöör ee Yɛn riëëu gɔ̈ɔ̈r rin.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 11:16

Abï dɛ kueer dït ee jäl në Athiriya, bïï kɔckɛn ke Yithriɛl cï döŋ apïïr ëtɛ̈ɛ̈n tëëk ke ke bɔ̈, cït man ɣɔn de yen kueer ë bïï kuarken bei paan ë Rip.

Yith 19:24

Të lee köölë bɛ̈n, Yithriɛl abï mat ke Rip ku Athiriya, ku ee juöörkë kadiäk abïk aa thiɛɛi de piny nɔm ëbɛ̈n.

Yith 2:3

Ku abï kɔcke aa lueel an, “Bäkkï, lokku ë kuur ë Bɛ̈nydït nɔm të nu ë Luaŋdïït de Nhialic de Yithriɛl thïn, ku ëtɛ̈ɛ̈n abï wo nyuöth kë buk looi, wok bï cath në kueerdɛn cï lɔcic. Në biäk ye wëët ë Bɛ̈nydït bɛ̈n ë Dhiɔn, në Jeruthalem yen En jam ke kɔcke.”

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 49:11

“Yɛn bï kueer dït looi në kur kɔ̈ɔ̈th ku guiɛɛr kueer bïï kɔckï cath thïn.

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Yith 62:10

Kɔc ke Jeruthalem, lakkï biic në pänydït yic Ku luɔikï kueer de kɔckuön dök ciëën! Guiɛɛrkï kueer dït yic, nyaaikï kur thïn! Tääukï beer nhial ke bï ë juöör ŋic.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Maika 7:12

Ku ëtɛ̈ɛ̈n, kɔcku abïk bɛ̈n ciëën në Athiriya, ku në wɛ̈ɛ̈r ë Yuparat, ku bɔ̈ kɔ̈k ciëën në Rip. Ku puk kɔ̈k röt në wɛ̈ɛ̈r yɔu, agut cï wɛ̈ɛ̈r däŋ mecë yɔu. Ku bɔ̈ kɔ̈k ciëën në kur yiic, ayï tëde kur kɔ̈k mec aläl.