Yith 19:21 - JAM DE NHIALIC 2011

²¹ Bɛ̈nydït abï rɔt nyuöth kɔc ke Rip, ku abïk ŋic ku lamkï, ku abïk gäm ka näk ku miɔ̈c. Ku abïk gutguut aa lɛ̈k Bɛ̈nydït ku gɛmkï kë cïï kek gutguut lueel.

Yith 19:21 ပူးပေါင်းရင်းမြစ်များ

1 Mel 8:43

ke Yï jɔ lɔ̈ŋden piŋ. Paannhial të rëër Yïn thïn, ku luöiyë ke kë cïk thiëc tëde Yïn, ago kɔc ke pinynɔm ëbɛ̈n Yïn ŋic, ku rïïukï Yïn cït nɔn ye kɔckuön ke Yithriɛl ye looi, ku ëtɛ̈ɛ̈n abïk ŋic an Luaŋdïït cä looiyë, ee të bï Yïn aa lɔ̈ŋ thïn.

Diɛt 61:8

Aguɔ Yïn aa piɔɔny në diɛt aköölnyïïn, të yan Yïn miɔɔc aköölnyïïn, në ka cän gutguut lueel.

Diɛt 67:2

ago pinynɔm ëbɛ̈n këde piɔ̈ndu ŋic, ku ŋic juöör ëbɛ̈n konyduön ë wëi.

Diɛt 68:31

Abï kɔc ke Rip yɔ̈ɔ̈k bïk miɔ̈c de maläŋ bɛ̈ɛ̈i, ku kɔc ke Kuc abïk kecin täär Nhialic ke ke läŋ.

Diɛt 68:32

Pianykï Nhialic, wek ciɛɛŋ ke pinynɔm. Pianykï Bɛ̈nydït në diɛt,

Wɛ̈ɛ̈t 5:4

Ka të lëk yïn Nhialic gutguut, du ee gääu ke kɛ̈në looi, ye gutguutdu looi. Acïï piɔ̈u ee miɛt ke raan piɔlpiɔ̈u.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 11:9

Në Dhiɔn nɔm kuur ɣeric de Nhialic, abï ciɛ̈n kë bï raan luöi buɔ̈t ku nɔn ee kërac. Piny abï nɔm thiäŋ ke ŋïny de Bɛ̈nydït cït man ee wɛ̈ɛ̈r thiäŋ në pïïu.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 44:5

“Abïï kɔc aa lueel ëtök tök nɔn ee Yɛn Bɛ̈nydït. Abïk bɛ̈n mɛ̈tkï röt kɔc ke Yithriɛl. Ku raan ëbɛ̈n abï kïn de rin ke Bɛ̈nydït aa gɔ̈ɔ̈r në ye kaam ku yek röt cɔɔl an wok ee kɔc ke Nhialic.”

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Yith 55:5

Ënɔɔnë yïn bï juöör ke pinynɔm cɔɔl, aa e kööl ë kuc kek yïn, ku ënɔɔnë abïk aa bɛ̈n ke ke kɔt bïk röt bɛ̈n mät yïn! Yɛn Bɛ̈nydït Nhialicdun, Nhialic Ɣeric de Yithriɛl, yɛn bï ee kënë tɔ loi rɔt ëbɛ̈n, yïn bä gäm dhuëëŋ ku riëëu.”

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Yith 60:7

Thök ke Kedar ku Nebayɔth abï ke yiɛ̈n week ke ke ye miɔ̈c näk ku abï ke gam në yïk nɔm agokï Bɛ̈nydït miët piɔ̈u. Bɛ̈nydït abï ɣönde gäm dhuëëŋ dït cïn kë kït kek.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Jona 1:16

Ku kënë, acï kɔc lui abël wïïric tɔ rïïu Bɛ̈nydït aläldïïtë ku nɛ̈kkï käŋ lueelkï gutguut an, bïk Bɛ̈nydït aa lam ku luuikï.

Ɣabakuk 2:14

Ku piny abï thiäŋ kekë ŋïnydekäŋ de dhuëëŋ de Bɛ̈nydït, cït wɛ̈ɛ̈r thiäŋ kekë pïïu.

Dhep 3:10

Ayï kɔckiën cï thiäi piny, kɔc cieŋ wɛ̈ɛ̈r ë Ethiopia yɔu abïk A bɛ̈n gäm miɔ̈cden.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Tham 17:46

Bɛ̈nydït abï yï gäm ɛn ee köölë, yïn bä nɔ̈k ku tɛ̈ɛ̈m yïnɔm bei. Ku gup ke rem de tɔŋ ë Pilithiin abä ke tɔ ciɛm ë diɛt ee köölë ayï läi roor. Yen abï piny nɔm e jɔ ŋic nɔn de Yithriɛl nɔm Nhialic.