Yith 19:2 - JAM DE NHIALIC 2011

² Aye Bɛ̈nydït lueel an, “Yɛn bï tɔŋ tɔ loi rɔt ë Rip, ku ta raan kekë mänhë thäär, ku raan ke raan thiëëk kek. Pänydït kekë pänydït, ku melik de ciɛɛŋ kekë melik de ciɛɛŋë abïk bääny tɛ̈ɛ̈r.

Yith 19:2 ပူးပေါင်းရင်းမြစ်များ

1 Mel 16:21

Kɔc ke Yithriɛl aake cï ke yiic tek: kɔc kɔ̈k acïk Tibini wën de Ginath looi ke ye melik, ku kɔc kɔ̈k aake nhiaar Omri.

2 Lëk 15:6

Jur ee jurdäŋë yɔŋ, ku pänydït ee pänydït däŋ yɔŋ, në biäk cïï Nhialic riääk ku nuɛɛn bɛ̈ɛ̈i ë kegup.

Yith 3:5

Kɔc abïk röt yɔŋ, dhuök acïkï kɔcdïtken bï riëëu, ku cïï kɔc cïn naamden acïkï adhuëëŋken bï riëëu.

Yith 9:21

Kɔc ke Manatha ku kɔc ke Eparaim abïk röt mak piɔ̈tkï, ku bekï mat ëtök ku mɛkkï Juda. Ku ŋoot agönh ë Bɛ̈nydït ke cïï thök, aŋoot ke nu ciin biic ke kɔɔr bï këtuc looi.

Jeremia 46:12

Juöör acïk ayärdu piŋ, dhiëndu acï piŋ ë raan ëbɛ̈n. Raan de tɔŋ ee löny ë raanë kɔ̈u, ku wïïkkï piny kedhie.

Jeremia 51:46

Duökï röt pɛ̈l wei, ku duökï riɔ̈c në biäk de tuum yak piŋ. Në ruöön thok ëbɛ̈n tuum däŋ ee bɛ̈n, tuum në këde akuöörkuöör loi rɔt baai, ku melik athäär ke melikdäŋë.

Edhekiɛl 38:21

Yɛn bï Gok riääc në kuat de riääk tuc thok. Acä lueel, Yɛn Bɛ̈nydït Awärjäŋ. Kɔcke abïk abätɛ̈ɛ̈uken pɔ̈k röt kapäc.

Dhek 8:10

Acïn ariöp ë nu në akööl wään kë nïïm tueŋ ariöp de raan, ku nɔn yen ariöp de läi. Ku acïn kë ë ye raan kony në kɔckɛn ke ater. Yɛn aacï kɔc kɛ̈ɛ̈k.

Math 10:21

Raan abï mänhë aa yiɛ̈n kɔc lek nɔ̈k abï thou, ku wun meth abï mɛnhde yiɛ̈n kɔc lek nɔ̈k abï thou, ku mïth abïk ater cak në wärken nïïm ayï märken nïïm, agokï ke tɔ näk.

Math 10:36

Ku kɔc de ater në raan abïk aa kɔc ke dhiënde guöp.

Math 12:25

Go Yecu kë cïk tak ŋic, ku yöök keek an, “Ciɛɛŋ ee gɔ̈m etök ee riääk abï aa jɔ̈ɔ̈ric, ku pänydït ayï ɣöt, të gɔ̈m en etök, ka cïï bï kɔ̈ɔ̈c,

Math 24:7

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë, ku cɔŋdït abï nu, ayï jɔɔk ë kɔc thöl, ayï nieŋ ye piny rɔt niɛŋ, abïk nu tɛ̈ɛ̈n ku tɛ̈ɛ̈n.

Mak 3:24

Ku na cï ciɛɛŋ e yic tek në ater, yen ee ciɛɛŋë acïï duëër kɔ̈ɔ̈c.

Bäny 7:22

Të wën koth ë rem de tɔŋ de Gidiɔn tuŋ, go Bɛ̈nydït rem de Midian tɔ guut röt kapäc në abätɛ̈ɛ̈u, gokï kat ke ke lɔ Dhereda thiääk ke Bethcita të lɔ aken de Abel Meɣola thiääk kekë Tabath.

Bäny 9:23

Go Nhialic jɔŋ rac tuɔɔc ë kaam de Abimelek kekë kɔc ke Cekem, agokï Abimelek rɛɛc.

1 Tham 14:16

Na wën aa lɔ kɔc ke Thaulo tɔ̈u ë Gibia de Benjamin lieec, gokï rem de tɔŋ ë Pilithiin tïŋ ariŋkï ke ke cï nuɔɔn arëët.

1 Tham 14:20

Ago Thaulo kekë remdɛn ë tɔŋ lɔ thɔ̈ɔ̈r ë Pilithiin, agokï Pilithiin yök ke ke cï nuɔɔn aläl, ka anɛ̈kkï röt kapäc.