Yith 19:19 - JAM DE NHIALIC 2011

¹⁹ Të lee köölë bɛ̈n, abï dɛ yïïŋ ë Bɛ̈nydït piny de Rip, ku mën ë kuur bï gäm En në aken ë Rip nɔm.

Yith 19:19 ပူးပေါင်းရင်းမြစ်များ

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 28:18

Go Jakop pääc ɣɔn amiäk aduduur, ku nööm kuurdɛn ë thïïr en enɔm, ku ciëp thar piny, tɔ kääc ke ye mën. Ku wɛ̈l nɔm miök.

Diɛt 68:31

Abï kɔc ke Rip yɔ̈ɔ̈k bïk miɔ̈c de maläŋ bɛ̈ɛ̈i, ku kɔc ke Kuc abïk kecin täär Nhialic ke ke läŋ.

Bɛ̈n 24:4

Go Mothe ka cï Bɛ̈nydït lueel gäär piny kedhie. Na ɣɔn amiäk aduduur, ke ke yïk yïk në kuur thar, ku ciëp kur thäär piny kathiëër ku rou mɛ̈c kenïïm dhiëën ke Yithriɛl kathiëër ku rou.

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Yith 60:7

Thök ke Kedar ku Nebayɔth abï ke yiɛ̈n week ke ke ye miɔ̈c näk ku abï ke gam në yïk nɔm agokï Bɛ̈nydït miët piɔ̈u. Bɛ̈nydït abï ɣönde gäm dhuëëŋ dït cïn kë kït kek.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Jeremia 46:2

gɔl në Rip. Kën ë lueel kï në biäk de rem ë tɔŋ de Neko melik de Rip, wään bïï Nebukadnedhar melik ë Babilonia tiaam, në Karcemic tëthiääk ke wɛ̈ɛ̈r ë Yuparat, ë ruöön ë ŋuan ye Jeɣoyakim melik de Juda.

Edhekiɛl 29:1

Në kööl de thiëër ku rou, në pɛɛi de thiëër, në ruöön ye run ë peec ë wook thiëër, go jam de Bɛ̈nydït bɛ̈n tëde yɛn an.

Edhekiɛl 30:1

Go jam de Bɛ̈nydït bɛ̈n tëde yɛn an:

Edhekiɛl 31:1

Në kööl tueŋ, në pɛɛi de diäk, në ruöön ye run ë peec ë wook thiëër ku tök, go jam de Bɛ̈nydït bɛ̈n tëde yɛn an:

Edhekiɛl 32:1

Në kööl tueŋ de pɛɛi de thiëër ku rou, në ruöön ye run ë peec ë wook thiëër ku rou, go jam de Bɛ̈nydït bɛ̈n tëde yɛn an:

Dhek 6:15

Ku kɔc mec, abïk bɛ̈n bïk kɔc bɛ̈n kuɔny në yïŋ de Luaŋdït. Yen abä wek en jɔ ŋic ë gɔk nɔn cï Bɛ̈nydït de rɛm ya tuöc week. Ku kënë abï rɔt looi ëbɛ̈n të cä wek Bɛ̈nydït Nhialicdun gam thok në piɔ̈ndun ëbɛ̈n.

Ɣeberuu 13:10

Ku wook, wo de nïïm yïïŋ de läm gɛ̈ɛ̈iyë ku bäny ke kake Nhialic ee luui ë paany de Judai yic acïnkï nïïm kë cït ee kënë.

Jocua 22:10

Na wën, acï dhiën ë Ruben, ku dhiën ë Gad, ku biäk de dhiën ë Manatha nu të lɔ aköl amiäk ɣet Geliloth piny nu ë Jordan lɔ̈ɔ̈m, piny de Kanaan thok, ke ke yïk yïïŋ dïït cï kuöc läk.

Jocua 22:26

“Agoku röt yiëk yïk. Ku acie yïïŋ de miaac.

Jocua 22:27

Ee yïïŋ bï ya cäätɔ në kaamda në week, ku mïth bï lɔ̈ɔ̈k tɔ̈u në wocök, nɔn ye wok Bɛ̈nydït lam në miɔ̈c ye nyop ëbɛ̈n, ku miɔ̈c ë rɛɛp cï geet, ku miɔ̈c de mät. Aa yïkku ke cïï mïthkun bï lɛ̈k mïthkuɔ wadäŋ an, “Wek cie kɔc ke Bɛ̈nydït.’

Jocua 22:28

“Na wadäŋ ale mïthkun ye lɛ̈k mïthkuɔ aya, ke bïï mïthkuɔ puk nɔm, an, “Kɛ̈nkï yïïŋ ë yïk ë kuarkuɔ tïŋ ka. Akït ke yïïŋ de Bɛ̈nydït guöpde, ku acuku bï tɔ ye yïïŋ de miɔ̈c ye nyop ëbɛ̈n, ku cie këde ka näk. Ee yïïŋ bï wook aa nyuɔɔth nɔn ye wok kɔc ke Yithriɛl.”

Jocua 22:34

Go dhiën ë Ruben kekë dhiën ë Gad yïk cäk an, “Cäätɔ’’ luelkï an ee cäätɔ në kaamda në keek nɔn ye Bɛ̈nydït Nhialicda.”