Yith 18:7 - JAM DE NHIALIC 2011

⁷ Kööl abɔ̈, kööl bïï Bɛ̈nydït de rɛm miɔ̈c de dɔm tëde kɔc ke piny cï tekic në kiɛɛr, jur ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm. Abïk bɛ̈n ë kuur ë Dhiɔn nɔm, të ye Bɛ̈nydït de rɛm lam thïn.

Yith 18:7 ပူးပေါင်းရင်းမြစ်များ

2 Lëk 32:23

Go kɔc juëc lɔ Jeruthalem ke ke yïn miɔ̈c Bɛ̈nydït, ku gëmkï miɔ̈c kɔ̈k melik Ɣedhekia, gɔl ëtɛ̈ɛ̈n juöör ëbɛ̈n acïk Ɣedhekia bɛ̈n riëëu guöp.

Diɛt 68:32

Pianykï Nhialic, wek ciɛɛŋ ke pinynɔm. Pianykï Bɛ̈nydït në diɛt,

Yith 16:1

Në Thela ë kueer ë jɔ̈ɔ̈ric kɔc ke Mowap, acïk amääl tuöc kuur de nyan de Dhiɔn, ke ye miɔ̈c de miɛtëpiɔ̈u.

Yith 18:2

Në ye pinyë yic tuuc ayek bɛ̈n ke ke cath Kiir në abël ë cuëc aguöt. Pɔ̈kkï röt wutic, tuuc ŋic riŋ! Pɔ̈kkï jam nɔm pinyduön cï tekic në kiɛɛr, yiɛ̈nkï juöörkuön ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm ëbɛ̈n.

Yith 18:4

Go ë Bɛ̈nydït lɛ̈k ɛn an, “Yɛn bï piny lieec ëmääth ke Ya nu paannhial cït man ye thɛ̈c rɔt looi në wɛ̈ɛ̈ric në tuöc ë piny akööl ke tëm, ku cït man ye akɔ̈l riau ë tuöc de aköl.

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Ɣabakuk 1:7

Ee kɔc ye ke riɔ̈ɔ̈c në keek arëët. Ku ɣɛ̈ɛ̈cdɛn ye kek kenïïm ɣääc aye kek röt yök ke ke ye löŋ gupken.

Dhep 3:10

Ayï kɔckiën cï thiäi piny, kɔc cieŋ wɛ̈ɛ̈r ë Ethiopia yɔu abïk A bɛ̈n gäm miɔ̈cden.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 2:11

Na wën, acïk bɛ̈n ɣöt, ke ke tïŋ mɛnhthiinë kekë Meri man, agokï röt cuat piny, ku lamkï, ku të cï kek wëuken liep nïïm, ke miɔckï ë käŋ, adhääp ayï wal ŋïr, ayï mer.