Yith 18:6 - JAM DE NHIALIC 2011

⁶ Gup ke rem ë tɔŋden abïï ke päl diɛt nhial ku läi roor. Abï diɛt ke ŋueet mɔ̈i ku ciɛm läi keek rut.”

Yith 18:6 ပူးပေါင်းရင်းမြစ်များ

Yith 14:19

ku yïn cïn nɔm raŋ, guöpdu ë cuat wei cï mɛnh athɔ̈ɔ̈r bei, acï kum në gup ke rem de tɔŋ cï keek nɔ̈k tɔŋ, go cuat ë pul ë kuuric në keek ëtök, ku jɔ ke dumiic.

Yith 23:13

(Aa ye kɔc ke Babilonia, acie kɔc ke Athiriya kek ë tɔ läi roor nöm Tayer. Aa ye kɔc ke Babilonia kek ë took wut në aloc bär, ku dhoŋkï ɣään ke riɛl de Tayer piny, ku nyiëëŋkï pänydït piny ke cï riääk)

Yith 46:11

Yɛn cɔl raan bï bɛ̈n të lɔ aköl amiäk: abï lööny piny cït cuɔɔr, ku looi kë cä guiir. Yɛn cï jam ku abïï looi.

Yith 56:9

Bɛ̈nydït acï juöör kɔ̈k yɔ̈ɔ̈k bïk bɛ̈n cï läi roor, ku bïk kɔcke bɛ̈n cuääl.

Jeremia 15:3

Acä guiir Yɛn Bɛ̈nydït nɔn bïï karil yiic kaŋuan rö luöi keek: Abï keek nɔ̈k në abätäu, gupken abïï jɔ̈k keek thɛl wei, abïï diɛt keek ŋueet, ku läi roor abïk ka cï döŋ cuet.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 7:33

Ku gup ke kɔc cï thou abïk aa këcam de diɛt ku läi roor, ku acïn raan bï keek tuur.

Edhekiɛl 31:13

Diɛt abïk bɛ̈n aa nyuc në tim cï wïïkë kɔ̈u, ku läi roor abïk aa cath në kërke kɔ̈ɔ̈th.