Yith 18:4 - JAM DE NHIALIC 2011

⁴ Go ë Bɛ̈nydït lɛ̈k ɛn an, “Yɛn bï piny lieec ëmääth ke Ya nu paannhial cït man ye thɛ̈c rɔt looi në wɛ̈ɛ̈ric në tuöc ë piny akööl ke tëm, ku cït man ye akɔ̈l riau ë tuöc de aköl.

Yith 18:4 ပူးပေါင်းရင်းမြစ်များ

2 Tham 23:4

acït ɣɛɛr de aköl amiäk ee riau të cïn luät, aköl ee wal tɔ lɔ bilbil të cïï deŋ thëu.”

2 Lëk 6:21

Piŋ lɔ̈ŋdï ku lɔ̈ŋ de kɔckuön ke Yithriɛl, të le kek kenïïm wël ee tënë ku lɛ̈ŋkï. Piŋ baaidu paannhial, ku päl ë wook awɛ̈ɛ̈ckuɔ.

Diɛt 72:6

Tɔ melik cït deŋ tueny ë duumiic, ku cït nyieer ee lööny piny.

Kɛ̈ŋ 19:12

Ŋeeny ë bɛ̈ny acït ŋäär ë köör, ku cït miɛt de piɔ̈nde thɛ̈c kekë wal tɔ̈c.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Yith 14:32

Eeŋö buk lɛ̈k tuuc ke jur? Abuk lɛ̈k keek an Bɛ̈nydït ë Dhiɔn yïk ke kɔckɛn kuanynyïïn ke ke bï mät yök ëtɛ̈ɛ̈n.

Yith 18:7

Kööl abɔ̈, kööl bïï Bɛ̈nydït de rɛm miɔ̈c de dɔm tëde kɔc ke piny cï tekic në kiɛɛr, jur ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm. Abïk bɛ̈n ë kuur ë Dhiɔn nɔm, të ye Bɛ̈nydït de rɛm lam thïn.

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Yith 26:21

Bɛ̈nydït abɔ̈ të rëër en thïn paannhial, bï kɔc ke piny nɔm bɛ̈n luöi këtuc në biäk de awɛ̈ɛ̈cken. Kɔc ɣɔn ye luc në cuëër abïk ke nyuɔɔth, ku piny acïï kɔc ɣɔn cï nɔ̈k bï bɛ thiaan.

Yith 31:9

Melikden abï kat në riɔ̈ɔ̈c dït, ku bänykɛn ke tɔŋ abïk riɔ̈ɔ̈c arëët, ka abïk beerdɛn ë tɔŋ nyääŋ piny.” Acïï Bɛ̈nydït lueel, Bɛ̈nydït ye lam në Jeruthalem, ku ye manydɛn de miɔ̈c näk dëp ë Dhiɔn.

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Ɣodh 14:5

Yɛn bï ciët thäc tëde kɔc ke Yithriɛl. Abïk gaak moc cït man agurbiök, Abïï keek riɛɛt piny ka meiken abïk ɣet piny ya cït man ë mei ke tim de thidar de Lebanɔn.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.