Yith 18:2 - JAM DE NHIALIC 2011

² Në ye pinyë yic tuuc ayek bɛ̈n ke ke cath Kiir në abël ë cuëc aguöt. Pɔ̈kkï röt wutic, tuuc ŋic riŋ! Pɔ̈kkï jam nɔm pinyduön cï tekic në kiɛɛr, yiɛ̈nkï juöörkuön ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm ëbɛ̈n.

Yith 18:2 ပူးပေါင်းရင်းမြစ်များ

2 Lëk 14:9

Na ɣɔn ke raan de Kuc cɔl Dhera ë yïn tɔŋ Juda ke cath ke aguum kathiëër ke aguum 1,000,000 de rem de tɔŋ, ku aguum bot kadiäk 300,000 de abëël ke tɔŋ, abïï ɣet Mareca.

2 Lëk 16:8

Kɔc ke Ethiopia ku kɔc ke Libiya ë ke cïï nïïm de rem de tɔŋ dït arëët, ku abëël ke tɔŋ juëc, ku kɔc juëc cath ë jöŋgöör kɔ̈ɔ̈th? Në biäk cïï yïn rɔt kan në Bɛ̈nydït wään, acï keek bɛ̈n tiaam.

Jop 9:26

Ayek dap riŋ cït thiɛɛk de aguöt kuɛɛth yom wïïr, ku cïtkï cuɔɔr bɛ̈k këciɛm.

Bɛ̈n 2:3

Na ɣɔn, aa cïï be lëu ë thiën, ke nöm diöny cï cuëëc ë aguöt, ku boot kɔ̈u në wɛ̈ɛ̈r col nyin cɔl tar, gël en pïïu ë ke cï bï lɔ thïn. Ku tɛ̈ɛ̈c meth thïn, ku jɔt le tääu aguötic ë kiir yɔu.

Yith 18:7

Kööl abɔ̈, kööl bïï Bɛ̈nydït de rɛm miɔ̈c de dɔm tëde kɔc ke piny cï tekic në kiɛɛr, jur ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm. Abïk bɛ̈n ë kuur ë Dhiɔn nɔm, të ye Bɛ̈nydït de rɛm lam thïn.

Jeremia 49:14

Guɔ lueel an, “Edom, Yɛn cï jam yök tëde Bɛ̈nydït. Acï tuc tooc bïï juöör lɔ yɔ̈ɔ̈k, bïk rɛmkɛn ke tɔŋ lɔ määt yiic, ku bïk röt kiëët bïk yïn mak.

Edhekiɛl 30:9

“Të le ee köölë bɛ̈n ku cï Rip riɔ̈ɔ̈k, ke Yɛn bï tuuckï tooc në abëël wïïr bïk kɔc ke Ethiopia cie diɛɛr lɔ jat nhial, ku abïk riɔ̈ɔ̈c arëët. Yen ee köölë abɔ̈!

Obadaya 1:1

Nyuuth de Obadaya kï, nyuuth ë nyuth ë yen kë cïï Bɛ̈nydït Nhialic lueel në baŋ de kɔc ke Edom. Bɛ̈nydït acï tunyde tuöc juöör, ku jamde acuk piŋ ke lueel an, “Bäk kïïtku röt! Yïnku tɔŋ kɔc ke Edom!

Ɣabakuk 1:7

Ee kɔc ye ke riɔ̈ɔ̈c në keek arëët. Ku ɣɛ̈ɛ̈cdɛn ye kek kenïïm ɣääc aye kek röt yök ke ke ye löŋ gupken.

Luk 10:19

Tïeŋkï, wek gäm riɛl bä wek karɛc käc ë wecök, ayï manciëëi, ku gäm wek riɛl bä wek riɛl dïït ë raan de ater tiaam ëbɛ̈n: ku acïn kë bï week nɔ̈k anandun.