Yith 17:6 - JAM DE NHIALIC 2011

⁶ Ee kɔc lik tei kek abï döŋ apïïr, ku Yithriɛl abï ciët tim de olip cï tet nɔm ëbɛ̈n në mïth, ale döŋ ke ye mïth kaarou ku nɔn yek diäk në yenɔm nhial ya, ku nɔn ee ka lik cï döŋ në kër nu të lɔ pinyë. Acä lueel, Yɛn Bɛ̈nydït Nhialic de Yithriɛl.”

Yith 17:6 ပူးပေါင်းရင်းမြစ်များ

1 Mel 19:18

Ku yɛn cï rɔt bɔ̈th aguum kadhorou 7,000 në Yithriɛl, kɔc kën kemiɔl tuök Baal ëbɛ̈n, ku kënkï ciim ë kethook.”

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 10:22

Cakaa nɔn juëc ë kɔc ke Yithriɛl ënɔɔnë cït liɛɛt ë wɛ̈ɛ̈r yɔu, ee kɔc lik kek abï lɔ bɛ̈n ciëën. Në biäk cïï riääk thiäŋ ke piathëpiɔ̈u täu keek ku arɔ̈ŋ ke keek ë liŋliŋ.

Yith 24:13

Kë bï tuöl kï të de juöör ë piny nɔm ëbɛ̈n. Abï ciët thök de tëm, të cï ë mïth ke olip yuöp bei në tiim gup ëbɛ̈n, ku jɔ mïth ke enap ciëën lɔ̈ɔ̈k tɛ̈t bei në tim guöp aya.

Yith 27:12

Në ë köölë, gɔl në wɛ̈ɛ̈r ë Yuparat ɣeet në aken ë Rip, Bɛ̈nydït abï kɔcke määtiic ëtök ëtök, cït man ye raan rap pɔ̈c bei në ayiɛlic.

Jeremia 4:27

(Aa cïï Bɛ̈nydït lueel nɔn bïï piny nɔm aa dhuur, ku lueel nɔn cïï Yen en bï riɔ̈ɔ̈k taitai.)

Edhekiɛl 39:29

Yɛn bï wëikï wäl në baai de Yithriɛl guöp, ku Yɛn cïï rɔt bï bɛ yal wei tëde keek. Acä lueel, Yɛn Bɛ̈nydït Awärjäŋ.”

Obadaya 1:5

“Të bïï cuɛ̈ɛ̈r bɛ̈n cuëër wakɔ̈u, ee ka kɔɔrkï kapäc kek ayek jɔt. Të mɛ̈ɛ̈t ë kɔc mïth ke enap yiic, mïth kɔ̈k cïkï ee döŋ piny? Kɔc de ater në week acïk week riɔ̈ɔ̈k taitai.

Maika 7:1

Amawoou, yɛn cïï gök yök! Yɛn cï ciët raan nɛ̈k cɔk, ku cïn mïth ke tiim amäi nhiɛɛr ye cam cï yök në tim nɔm.

Romai 11:26

Ago Yithriɛl kony wëi ëbɛ̈n aya, acït man cï e gɔ̈ɔ̈r an, “Raan ë kɔc luök abï bɛ̈n bei ë Dhiɔnic, Go reec reec kek Nhialic dak wei ë käu de Jakopic.

Romai 9:27

Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.

Nyöŋ 4:27

Bɛ̈nydït abï week thiäi piny ë juööriic, të bïï kɔc liaakäŋ kapäc lɔ pïïr ë we yiic.

Bäny 8:2

Go lɛ̈k keek an, “Kë cä looi acïn naamde na thööŋë kekë këduön cäk looi. Ku këthiin cäk looi wek kɔc ke Eparaim adït arëët awär kë cï dhiënda looi ëbɛ̈n.