Yith 16:12 - JAM DE NHIALIC 2011

¹² Kɔc ke Mowap anɛ̈kkï röt piny ke ke lɔ në kuurdɛn yaath nɔm, ku lek lɔ̈ŋ tëdɛn ɣeric, ku acïn piath bïï luöi keek.

Yith 16:12 ပူးပေါင်းရင်းမြစ်များ

1 Mel 11:7

Go Tholomon të ye Cemoc yanh de Mowap lam thïn yïk në kuur nɔm, në Jeruthalem biäk të lɔ aköl amiäk, ku yïk të ye Molek lam thïn, yanh de Ammon.

1 Mel 18:29

Gokï cool ë wou ë ke riäŋ abï akɔ̈l thëi, ku cïn raan piŋ këdäŋ, ku cïn röl cï bɛ̈n piŋ.

2 Mel 19:12

Juöör ɣɔn cïï kuarkuɔ ke kɔn riɔ̈ɔ̈k cït yï Godhan ku Ɣaran ku Redhep ku nɛ̈k kɔc ke Betheden ɣɔn rɛ̈ɛ̈r ë Telathar, ku acïn yanhdɛn töŋ cï juöör bɛ̈n kony.

2 Mel 3:27

Go wëndɛn dït ee yen duëër lɔ̈ɔ̈k bɛ̈n ë yecök ke ye melik nööm, ku gɛm ke ye miɔ̈c nɛ̈kë yanh ë Mowap në kal ë pänydït nɔm. Go riɔ̈ɔ̈c dït kɔc ke Yithriɛl dɔm, gokï röt pɔ̈k ciëën, bïk pinyden.

Kɛ̈ŋ 1:28

Ëtɛ̈ɛ̈n, wek bï ya jɔ aa cɔɔl an pɛlënɔm, ku acä bï bɛ piŋ. Wek bï ya kɔɔr në ɣääniic ëbɛ̈n, ku cäkï ya yök.

Yith 15:2

Kɔc nu Dibon abïk yïïŋden dhiëëu. Kɔc ke Mowap akïmkï në dhiën ë piɔ̈u në këde wuöt ke Nebo ku Medeba, acïk kenïïm muut ku kethook në dhiën ë piɔ̈u.

Yith 16:13

Yen jam cï Bɛ̈nydït kɔn lueel ka në biäk de Mowap.

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Yith 37:38

Na ɣɔn ë kööl tök aa läŋ yanhdɛn Nithrok luaŋdɛn yaath, go wɛ̈ɛ̈tke kaarou Adramelek ku Caredher ye nɔ̈k në abätɛ̈ɛ̈u, ku kuɛlkï röt ke ke lɔ piny de Ararat, go wëndɛn dït cɔl Etharɣadon lɔ në nyinde yic ke ye melik.

Yith 47:13

Yïn cï ciën riɛl cakaa nɔn ye kɔc yïn jääm. Tɔ kɔckuön ee kanhial ŋic bɔ̈ tueŋ, bïk yïn bɛ̈n kony, kɔc ee kuɛl nhial ŋic, ku kɔc ee ɣään nhial luöi akɛɛth, ku lëkkï yïn në pɛ̈i thook ëbɛ̈n kë bï rɔt dhil looi tëde yïn.

Jeremia 10:5

Kek ee yiëthkë acïtkï gɛk kɔt ë dom de abuth yic, acïkï ee jam, aye keek ɣääc, në biäk cïï kek ee cath. Duökï riɔ̈c ë keek, acïn kërɛɛc duëërkï luöi week, ku cïn këpiɛth luikï week.”

Jeremia 48:13

Ëtɛ̈ɛ̈n kɔc ke Mowap abïk gup riɔ̈ɔ̈c në yanhden Cemoc, cït man ɣɔn cï baai de Yithriɛl gup kɔn riɔ̈ɔ̈c në Bethel, yanh wään yek ŋɔ̈ɔ̈th.

Jeremia 48:35

Acä lueel Yɛn Bɛ̈nydït an, Yɛn bï kɔc ke Mowap pɛ̈n luöi bï kek miɔ̈c nyop në ɣäänkɛn ke lam, ku abä ke pɛ̈n luɔi bï kek yiëthken nyuöp wal ŋïr.

Jeremia 48:46

Amawoou në kɔc ke Mowap! Kɔc ke Cemoc acï ke riɔ̈ɔ̈k, ku wɛ̈ɛ̈tken ku duetken acï ke peec ke ke mac.

Jeremia 48:7

“Mowap yïn ŋäth riɛldu ku wëuku, ku ënɔɔnë yïn bï peec, yanhdu Cemoc abï peec, kekë kɔc ee ye luööi ku gucke.

Kuɛ̈n 21:28

Ɣɔn në Ɣecbon eenë, rem de tɔŋ de melik Thiɣon ë bɛ̈n jäl cït man ë mac. Ku le Ar riɔ̈ɔ̈k päny de Mowap ku riëëk Kur ke Arnon.

Kuɛ̈n 22:39

Na wën, ke Balaam ë jël kekë Balak, lekkï pänydïït de Ɣudhoth.

Kuɛ̈n 22:41

Na ɣɔn amiäk, ke Balak ë leer Balaam nhial në Bamoth Baal, le tɔ tïŋ të rëër ë kɔc ke Yithriɛl.

Kuɛ̈n 23:14

Go lɛɛr dom de Dhopim në kuur ë Pithga nɔm. Ku le yïk kadhorou yïk ëtɛ̈ɛ̈n, ku gɛm miöör kadhorou në kenïïm, ku amɛ̈l kadhorou. Thɔn kekë amääl në yïk nɔm.

Kuɛ̈n 23:28

Go Balaam lɛɛr ë kuur ë Peyor nɔm, ku woikï jɔ̈ɔ̈r piny.

Kuɛ̈n 24:17

Yɛn ë ke bɔ̈ tueŋ tïŋ, aguɔ Yithriɛl tïŋ. Melik riäu cït man ë kuel abï tïc paan ë Jakop, Ku tiëc thieny ë baai de Yithriɛl. Abï bäny ke Mowap riɔ̈ɔ̈k, ku nɛ̈k kɔc ke Theth kedhie.