Yith 16:10 - JAM DE NHIALIC 2011

¹⁰ Acïn raan mit piɔ̈u në duum ŋic luɔk yiic. Acïn raan kit dit ku nɔn moc kiɛɛu de miɛtëpiɔ̈u në duum yiic. Acïn raan ee enap dhiim looi yen mɔ̈u, kiɛɛu de miɛtëpiɔ̈u acï thök.

Yith 16:10 ပူးပေါင်းရင်းမြစ်များ

Jop 24:11

Ku loikï miök në mïth ke tiim ke olip ayï mɔ̈u, ku ŋootkï ke ke nɛ̈k rou.

Yith 24:11

Kɔc adhiaukï në kuɛɛriic në biäk de ciɛ̈n mɔ̈u. Miɛtëpiɔ̈u ë jäl athɛɛr, ë määr ë piny nɔm.

Yith 32:10

Wek bï dɛ ka kueth week ënɔɔnë, ku na lë ruöön wälë, wek bï nuan në luɔi bä wek nïïm ciën mïth ke tiim cï luɔk bäk tet.

Jeremia 48:33

Miɛtëpiɔ̈u ku dɔl acï keek jɔt piny piɛth de Mowap. Yɛn cï mɔ̈u pën wat tëde dhiëm de mɔ̈u, acïn raan ee mɔ̈u bɛ dhiim ë miɛtëpiɔ̈u, cöt acie cöt ë miɛtëpiɔ̈u.

Edhekiɛl 7:7

Thök abï tëde week wek kɔc ceŋ ee pinyë. Akööl abïkï, akööl bïï ciën dhuëëŋ be ë looi në yïk ke kur yiic, abï ya anuɔɔn yetök.

Jowɛl 1:12

Tiim ke enap acïk riɔu, ku biɔɔr tiim ke ŋaap, ku tiim nu ë duum yiic kedhie acïk riɔu: tiim ke pomegraneet, ku akööt, ku tiim ke tupa. Ka kɔc acïkï piɔ̈ɔ̈th be miɛt.

Amoth 5:11

Ku wek ee kɔc kuanynyïïn yɔŋ, ku ruömkï agamɔden. Ku ënɔɔnë, na cakaa nɔn cä wek ɣöötdït ajämjäm yïk në kuur, wek cï bï rëër thïn. Ku na cakaa nɔn cä wek duum lɛ̈k ke tiim ke enap com, wek cïï mɔ̈nden bï dek.

Amoth 5:17

Ku anuɔɔn abï lɔ pat ë duum yiic kedhie, në luɔi cän bɛ̈n bä week bɛ̈n luöi këtuc. Yen kë cïï Bɛ̈nydït lueel ka.

Amoth 9:13

Aye Bɛ̈nydït lueel an, “Akööl abïkï, akööl bï kɔc ee pur ka temkï yök, ku enap abï dap luɔk ke të ye ë ye nyiith ŋoot wei. Ku kur abïk nïïm aa thuat në mɔ̈n mit, ku kuëër kur kor kɔ̈ɔ̈th ëbɛ̈n në mɔ̈u aya, abï piny mool.

Dhep 1:13

Kaken abïï keek peec, ku riäk ɣöötken, acïkï ɣööt yïkkï bï cieŋ, ku nɔn dekï mɔ̈n de mïthkɛn ke tiim ë comkï.

Bäny 9:27

Kɔc acïk lɔ ë duumken yiic kedhie lek mïth ke enap tet ku loikï mɔ̈u. Gokï dhuëëŋ jɔ looi në luaŋdɛn ë yathic të wën ciëm kek ku dëkkï aake ye Abimelek läät në acieer piny.