Yith 15:5 - JAM DE NHIALIC 2011

⁵ Yɛn dhiau piɔ̈u në këde Mowap! Kɔc acïk kɛt wutic Dhowar ku Eglath Celicia. Kɔ̈k acïk kueer ë Luɣith dɔmic ke ke dhiau, ku lɔ kɔ̈k thiaan ë Ɣoronaim ke ke cï piɔ̈ɔ̈th jiɛth arëët.

Yith 15:5 ပူးပေါင်းရင်းမြစ်များ

Cäk 13:10

Go Lɔt yenyin jat nhial, go wak ë Jordan tïŋ ke ee yic dɛ pïïu juëc ë cieŋ, cït man ë dom de Bɛ̈nydït, ku cït piny ë Rip të lɔ wun cɔl Dhowar. Ku ëtɛ̈ɛ̈n, ee të ɣɔn ŋoot ë Bɛ̈nydït ke kën Thɔdom guɔ riɔ̈ɔ̈k kekë Gomoora.

Cäk 14:2

cï gɔ̈m në meliik kɔ̈k kadhïc, yï Bira melik de Thɔdom, kekë Birca melik de Gomoora, ku Cinap melik de Adma, ku Cemeber melik de Dheboyim, ku melik de Bila (yen aye Dhowar).

Cäk 19:22

Riɛŋë, dap lɔ, acïn kë bä looi agut të bä wek kɔn ɣet wut.” Ku në luɔi ë cï Lɔt en cɔɔl an wun koor, ke wut acï bɛ̈n cäk an Dhowar.

2 Tham 15:23

Go kɔc dhiau kedhie ë röldït të wën tëëk jël ë Debid kekë kɔcke. Na wën ke melik ë tem nyin ë Kidron lee lɔŋ tui, ku kuany cök në kɔcke, ku jɔkï jäl kedhie ke ke lɔ në jɔ̈ɔ̈ric.

2 Tham 15:30

Ago Debid lɔ nhial në kuur de Olip nɔm ke dhiau, ku ë yenɔm kuöm piny ë dhiën ë piɔ̈u ku ciɛth ë yecök ke cïn war. Ago kɔc cath ë yen kedhie kenïïm kuöm piny ku dhiaukï ayadäŋ.

Yith 16:14

Ku ënɔɔnë aye Bɛ̈nydït lueel an, “Në run kadiäk yiic ëdhöc, kuɛth dïït de Mowap abï määr. Ayï kɔc juëcke abïk thök, ee kɔc lik kek bï döŋ apïïr, ku abïk nïïm ciën riɛl.”

Yith 22:5

Kënë ee kööl de riɔ̈ɔ̈c, ku tiëm, ku anuɔɔn në Wak ë Nyuuth yic, ku acïï Bɛ̈nydït Awärjäŋ tuöc wook. Kal ë pänydïïtda Jeruthalem acï thuöör piny, ku kɔc dhiën kɔɔrë kuɔɔny acï piŋ ë kur yiic.

Yith 59:7

Wek ee kiɛɛr de riääk looi ë ceŋ, ku acïï ë tiit bä looi, ku ayak dap looi. Wek cie gääu ë näŋ de kɔc cïn gup awɛ̈ɛ̈c. Wek ee dhuur ku riääk nyääŋ të cä wek lɔ thïn ëbɛ̈n,

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 17:16

Ku Bɛ̈nydït, yïn kɛ̈n lɔ̈ŋ bä keek yiɛ̈n riääk, yɛn kën akööl ke rac kɔ̈ɔ̈r keek. Bɛ̈nydït, yïn ŋic ee kënë. Yïn ŋic kë cä lueel.

Jeremia 4:19

Arɛɛm! Yɛn cïï arɛɛm bï lëu në guöm! Ya piɔ̈u! Yɛn cï piɔ̈u lɔ lik arëët! Yɛn cïï duëër mim, yɛn cï röl de kɛŋ piŋ akoth, ku awuɔɔu de tɔŋ.

Jeremia 4:20

Riäŋë ee bɛ̈n në riäŋë cök, piny ëbɛ̈n acï döŋ ke cï riääk. Ago pɛɛnykuɔ riɔ̈ɔ̈k ëthiäu aya, ku retë lupɔɔ ke awëërken nyïïn, ku temë keek.

Jeremia 48:3

Kɔc ke Ɣoronaim ayek cööt an, ‘Akuöörkuöör! Riääk!’

Jeremia 48:5

Piŋ luöi ye kek tiäk në kueeric ke ke lɔ Luɣith, adhiaukï ë jiɛthëpiɔ̈u, ke ke lɔ Ɣoronaim.

Jeremia 50:46

Të lee ë Babilon löny, abï dɛ awuɔɔudït arëët, ka piny nɔm abïï lath nɔm ëbɛ̈n, ku awuɔɔu de lëk lëk ë kɔc abïï piŋ ë juöör kɔ̈k.”

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Kuɛ̈n 21:29

Amawoou në week, wek kɔc ke Mowap! Wek kɔc ee yanh cɔl Cemoc lam, wek cïï riääk yök! Yanhdun acï röör tɔ peec, ku diäär acï meliŋ de kɔc ke Amor keek peec.