Yith 15:1 - JAM DE NHIALIC 2011

¹ Kënë ee jam në biäk de Mowap. Pɛ̈ɛ̈nydït ke Ar ku Kir acï ke riɔ̈ɔ̈k në wɛ̈ɛ̈r tökic, ku jɔ piny de Mowap lɔ dïu ëbɛ̈n

Yith 15:1 ပူးပေါင်းရင်းမြစ်များ

2 Mel 3:25

Ku riäkkï wuötken ku duum ke tiim ee luɔk ë mïth piɛth ëbɛ̈n, acïk duum ëbɛ̈n cuɛ̈t yiic kur, arëk abïk yiic thiäŋ, ku tɔkï nyïïn ke pïïu kääc ëbɛ̈n, ku yepkï tiim piɛth ëbɛ̈n. Ee wun cɔl Kirɣereth yen aa dɔ̈ŋ kekë kurke, go rem ee moc ë kɔi ye lɔ̈ɔ̈k tuɔɔk ku dɔmkï.

Yith 11:14

Keek kedhie abïk Pilithiin aa mak të lɔ aköl athɛ̈i, ku yiɛkkï kɔc rɛ̈ɛ̈r të lɔ aköl amiäk. Ku abïk piiny ke kɔc ke Edom ku Mowap peec, ku abï ë kɔc ke Ammon keek riëëu.

Yith 13:1

Kënë ee jam në biäk de Babilon, jam wään cïï Nhialic gäm Yithaya wën de Amodh.

Yith 14:28

Kënë ee jam ë bɔ̈ në ruöön ɣɔn thouwë melik Aɣadh.

Yith 16:11

Yɛn kïm në dhiënëpiɔ̈u në biäk de Mowap, ku jiɛth piɔ̈u në biäk de Kirɣereth.

Yith 16:6

Aye kɔc ke Juda lueel an, “Acuk piŋ luöi ye kɔc ke Mowap kenïïm ɣääc. Aŋicku nɔn ye kek kɔc aluɛth ee röt leec, ku lɛcden ee ɣɔ̈ric.”

Yith 16:7

Kɔc ke Mowap abïk dhiau në biäk de nuan cï ke yök. Abïk dhiau kedhie të le kek këcam mit ɣɔn yek cam në Kirɣereth tak. Abï keek thɛl ë bäp ë piɔ̈uwic.

Yith 25:10

Bɛ̈nydït abï kuur ë Dhiɔn gël, ku kɔc ke Mowap abï ke dum yiic ë kɔc cök, cït man ye anin dum yic të nuɛɛi ë tiɔp.

Yith 25:12

Abï ɣään bär ke Mowap cï gël riɔ̈ɔ̈k, ku jiëp kɛ̈l ke piny në abuui yic.

Jeremia 9:26

Kɔc ke Rip, ku Juda, ku Edom, ku wɛ̈ɛ̈t ke Ammon, ku Mowap, ku kɔc ee rëër ë jɔ̈ɔ̈ric kedhie, kɔc ë nhïmken tem nïïm, kek e juöörkë kedhie akënë keek cueel, ku baai de Yithriɛl ëbɛ̈n akën ë keek cueel piɔ̈ɔ̈th.”

Kuɛ̈n 21:28

Ɣɔn në Ɣecbon eenë, rem de tɔŋ de melik Thiɣon ë bɛ̈n jäl cït man ë mac. Ku le Ar riɔ̈ɔ̈k päny de Mowap ku riëëk Kur ke Arnon.

Nyöŋ 2:18

‘Ë köölë wek bï tëëk ë wuöt ke Mowap yiic, në kueer de Ar.

Nyöŋ 2:19

Ku ëtɛ̈ɛ̈n wek bï jɔ thiääk në paan de kɔc ke Ammon. Duökï kɔc ke Ammon yɔŋ, ku duökï keek köör akɔ̈ɔ̈k, wek cä bï gäm piny de kɔc ke Ammon. Acä gäm wɛ̈ɛ̈t ke Lɔt ke ye këden.

Nyöŋ 2:9

Ago Bɛ̈nydït ɛn yɔ̈ɔ̈k an, ‘Duökï kɔc ke Mowap yɔŋ, ku duökï keek köör akɔ̈ɔ̈k, në biäk cän week bï gäm tëthiinakäŋ ë pinyden yic, yɛn cï Ar gäm wɛ̈ɛ̈t ke Lɔt ke ye këden.’ ”