Yith 14:6 - JAM DE NHIALIC 2011

⁶ kɔc ee kɔc yɔŋ në agɔ̈th ku cïkï yaaŋ de juöör cïk peec ee tɔ kääc.

Yith 14:6 ပူးပေါင်းရင်းမြစ်များ

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Jop 9:13

Nhialic acïï agönhde ë pɔ̈lic, ayï kɔc ee ŋuäldïït wïïr cɔl Raɣap luööi, ayek kenïïm guöt piny ë Yecök.

Kɛ̈ŋ 21:30

Na cak raan nɔm pɛl ku ye käŋ yökiic ku ŋic kïït, ka cïï kïït de Bɛ̈nydït duëër tiaam.

Kɛ̈ŋ 28:15

Bɛ̈ny rac tëde kɔc kuanynyïïn ee ciët ŋäär ë köör ku kac de kuac.

Yith 10:14

Juöör ke piny nɔm aake cït ɣön amɔ̈ɔ̈r, aguɔ kajuëcken guɔ määtiic cït man ë raan mɛ̈ɛ̈t toŋ yiic. Ku cïn raan töŋ cï a tuur, ku acïn thoŋ cï rɔt ŋaam ke rël ɛn!”

Yith 14:5

Bɛ̈nydït acï riɛl de meliik ee karɛc looi tɔ thök,

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 48:17

“Dhiëëukï ee jurë, wek kɔc rëër tëthiɔ̈k në yen, wek kɔc kedhie kɔc ŋic kɛkde. Luɛlkï an, ‘Bäänydɛn ɣɔn muk në riɛl acï dhoŋ kɔ̈u, dhuëëŋde ku riɛldɛndït acïï be tɔ̈u.’

Jeremia 50:31

“Babilonia, yïn cï thiäŋ we lɛc, ka Yɛn Bɛ̈nydït Awärjäŋ, Yɛn göth wo yïn! Akööl acïk bɛ̈n, akööl bän yïn luöi këtuc.

Dhiëëu 1:21

“Tïŋ teerdï, acïn raan dut ɛn piɔ̈u. Kɔc ke aterdï amitkï piɔ̈ɔ̈th në biäk cï yïn riääk tɔ bɔ̈ në yaguöp. Tɔ kööl wään cï lueel ë gutguut tɔ bɔ̈, tɔ kɔc ke aterdï tɔ nuan cït man ë yɛn.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Ɣabakuk 1:17

Bïk abätɛ̈ɛ̈uken jɔ muk ananden, ku kurkï juöör të cïn kokdepiɔ̈u?

Ɣabakuk 2:5

Kuɛth ë mɔ̈u ee mɛth, ku röördït piɔ̈ɔ̈th ayek kenïïm ɣääc ku acïkï ee lɔ̈ŋ cït man ë paan ë thuɔɔu guöpde, acïkï ee kuɛth. Yeka ye kek juöör ke pinynɔm määt yiic ku pëckï ke röt.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.