Yith 14:32 - JAM DE NHIALIC 2011

³² Eeŋö buk lɛ̈k tuuc ke jur? Abuk lɛ̈k keek an Bɛ̈nydït ë Dhiɔn yïk ke kɔckɛn kuanynyïïn ke ke bï mät yök ëtɛ̈ɛ̈n.

Yith 14:32 ပူးပေါင်းရင်းမြစ်များ

2 Tham 8:10

Go Tɔi Joram wënde tuöc melik Debid, bï lɔ gäm lɛc, ë biäk cïï yen Ɣadadedher tiaam. Ku Ɣadadedher aa ke cï thɔ̈ɔ̈r kekë Tɔi raan juëc. Ago Joram Debid yiɛ̈n miɔ̈c cï looi në adhääp, ku ateek, ku maläŋ.

Diɛt 102:16

Rial të le Bɛ̈nydït Dhiɔn nyɔk ë yïk, abï dïtde nyuɔɔth.

Diɛt 102:28

Mïth ke awuutku, abïk rëër ë nɔm lääu, ku Yïn abï keek gël. Ku kuatden abïï ke kony.

Diɛt 48:4

Meliik ayek keyiic määt, ku bïk kuur de Dhiɔn bɛ̈n mak.

Diɛt 87:1

Bɛ̈nydït ë pänydïïtde yïk në kuur cï thieei nɔm,

Diɛt 87:5

Ku abï lueel në këde Dhiɔn an, “Juöör kedhie aake tɔ̈u ëtɛ̈ɛ̈n” ku acï Bɛ̈nydït Awärjäŋ tɔ ril.

Kɛ̈ŋ 18:10

Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Yith 25:4

Kɔc kuanynyïïn ku kɔc cïn käŋ acïk kɔt të nu Yïn ku acï ke kony në akööl ke nuan. Acï ke gäm gëlgël në amaŋ ku atïm gël keek në atuöc kɔc ke akuöörkuöör ayek kɔc mak cït man amaŋ de rut ë ɣöt kɔ̈u.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 37:32

Abï dɛ kɔc ke Jeruthalem ku kuur de Dhiɔn bï döŋ apïïr, cït man cïï Bɛ̈nydït de rɛm e lueel an bï rɔt looi.

Yith 37:9

Go thok ɣet Athiriya an rem de tɔŋ de Rip kuɛɛthë melik cɔl Tiriɣaka, raan de Ethiopia abɔ̈ bï keek bɛ̈n mak. Të wën jɔ melik de Athiriya ee kënë piŋ, ke jɔ awerek gäär melik Ɣedhekia an,

Yith 39:1

Në ee kaamë yic, melik de Babilonia, Merodak Baladan wën ë Baladan, ɣɔn cï yen Ɣedhekia piŋ nɔn de yen guöp juäi ku ë guöp pial, acï Ɣedhekia bɛ̈n tuöc awerek ku miɔ̈c.

Yith 4:6

Dhuëëŋde abï pänydït aa gël në tuöc ë piny aköl, ku tɔ ye tëde thiaan, bï yen gël në deŋ kekë amaŋ.

Yith 44:28

Guɔ lɛ̈k Thairuth an, “Ee yïn abï bääny muk në nyindï yic, yïn bï kë kaar bä looi looi: yïn bï löŋ tääu piny bïï Jeruthalem nyɔk në yïk ku bä këërkëër de Luaŋdït tɔ tɛ̈ɛ̈uwë piny.’”

Yith 54:11

Aye Bɛ̈nydït lueel an, “Jeruthalem oou, pänydïït gum këtuc tɔ̈u në guömic, ku cïn raan töŋ riit yepiɔ̈u, Yɛn bï këërkëërdu bɛ nyɔk në yïk në kur piɛth.

Yith 57:13

Të Dhiaau wek ke we kɔɔr kuɔɔny, takï yiëthkun kony week! Yom thiin put aduëër ke jat wei! Ku kɔc ŋäth Ɛn abïk tɔ̈u ë piny yic ku abïk Ɛn aa lam në kuurdiën ɣeric nɔm.”

Edhekiɛl 48:35

Bɛ̈ɛ̈r de päny ëbɛ̈n në biäk ke pänydït kedhie kaŋuan, ee agum kathiëër ku thiërbɛ̈t (10,080) de akeem. Ku rin ke pänydït gɔl ënɔɔnë leer wadäŋ abï aa, “Bɛ̈nydït anu ee tënë!”

Dhep 3:12

Ku yɛn bï kɔc kor piɔ̈ɔ̈th ee rö kuɔɔr piny nyääŋ ëtɛ̈ɛ̈n, kɔc bï kuɔɔny bɛ̈n kɔɔr tëde Yɛn.

Dhek 11:11

Go mät riääk ëtɛ̈ɛ̈n ee kööl manë. Ku ëtɛ̈ɛ̈n, kɔc ë ɣɔɔc thök, ayï kɔc ë ɣɛɛc thök aake woi yɛn. Gokï ŋic nɔn ë jiɛɛm ë Bɛ̈nydït në kë cä looi yic ëbɛ̈n.

Dhek 11:7

Ku kɔc ë ɣɔc thök, mɛ̈tkï në kɔc ë ɣɛɛc keek acïk yɛn riöp tiët, ka yɛn cï ya tïn ë thök wään bïï tɛm röt. Ka yɛn ë thieec nööm kaarou, thieny tök acä cäk an, “Kokdepiɔ̈u. Ku cäk däŋë an, “Mät. Ka yɛn aa tit luny de thök.

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Ɣeberuu 11:10

Abraɣam aa tit jäl le yen wun nu paannhial kɛ̈ɛ̈c ë këërkëërde aril aɣet athɛɛr. Wun ë keer Nhialic yic ku yïk.

Ɣeberuu 12:22

Ënɔɔnë we cï bɛ̈n paannhial në kuur ë Dhiɔn nɔm, Jeruthalem pänydït de Nhialic pïïr, kekë aguum ke tuucnhial loi miɛtëpiɔ̈u.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?