Yith 14:25 - JAM DE NHIALIC 2011

²⁵ Yɛn bï Athiriya riɔ̈ɔ̈k pinydiën ë Yithriɛl, ku duöm ke yiic në kurkï nïïm. Yɛn bï kɔckï luöny bei në yaaŋ de Athiriya yic, ku bɛ̈ɛ̈i kathiek ɣɛ̈ɛ̈ckï bei.

Yith 14:25 ပူးပေါင်းရင်းမြစ်များ

2 Lëk 32:21

Go Bɛ̈nydït tunynhial tuööc ku nɛ̈k rem de tɔŋ ku bäny ke rem ë tɔŋ de Athiriya. Go melik yenɔm pɔ̈k Athiriya ke cï yäär. Na ɣɔn ë kööl tök ke tɔ̈u ë luaŋ yaathde yic, go nɔ̈k në abätäu në wɛ̈ɛ̈tke.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 14:5

Bɛ̈nydït acï riɛl de meliik ee karɛc looi tɔ thök,

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Yith 52:2

Teŋ rɔt abä nɔm lääu, Jeruthalem! Jɔt rɔt në abuui yic ku nyuc në thöönydu nɔm! Däkkï kuɛɛt cïï ë we duöt, wek yï nyan de Dhiɔn cï peec!

Yith 9:4

Në biäk cï yïn jonh cï ke duut dhuööŋ kɔ̈ɔ̈th ku thieec ɣɔn ye ke dui kët. Yïn ë juöör tiaam ɣɔn ee kɔcku yɔŋ ku rumkï keek, cït man wään tiɛɛm Yïn rem de tɔŋ de Midian.

Edhekiɛl 32:22

“Athiriya atɔ̈u ëtɛ̈ɛ̈n, në rɛ̈ŋ ke remdɛn ë tɔŋ ke ke ë yelɔ̈ɔ̈m ëbɛ̈n. Aake näk keek ë tɔŋic kedhie.

Edhekiɛl 39:4

Gok kekë remdɛn ë tɔŋ ku kɔc mät në yen ëtök, abïk löny kedhie thoukï në kur ke Yithriɛl nïïm, ku yɛn bï gupken tɔ ye këcam ke diɛt ku läi roor ëbɛ̈n.

Maika 5:5

ku abï mät bɛ̈ɛ̈i. Të le Athiriya wo yiɛ̈n tɔŋ, ku lek ɣään riilkuɔ reet yiic, abuk keek kuɛ̈ny bänykuɔn ril arëët kadhorou, lek gɔ̈m në keek.

Maika 5:6

Abïk Athiriya peec në riɛl, ku rumkï piny de Nimrɔt kuɛɛrëden në tɔŋ. Abïk wook luök në Athiriya të le kek akenda lïïr nɔm, ku konykï wook të le kek tɔŋ bɛ̈ɛ̈i pinyda.

Naɣum 1:13

Wek bä waar yiëth në ciɛɛŋ cieŋ Athiriya week, ku tɛɛm wïïn cïï ke we duut kɔ̈ɔ̈th.

Dhek 10:11

Wadäŋ të teem wɛ̈ɛ̈r de katuc, yɛn bï apiöök yupic, yɛn Bɛ̈nydït, ku Kiir abï dëu taitai. Lɛc de Athiriya abï kuɔɔr piny, ku nyiɛɛi yë riɛl de Rip.