Yith 14:1 - JAM DE NHIALIC 2011

¹ Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 14:1 ပူးပေါင်းရင်းမြစ်များ

Ethta 8:17

Në pɛ̈ɛ̈nydït ë wuötiic kedhie, wuöt cïï ke lööŋ ke melik piŋ thïn, aaye miɛtëpiɔ̈u tëde kɔc ke Judai, agokï lɔ̈ŋ ku loikï dhuëëŋ. Ku kɔc juëc ke ee paanë, acïk röt bɛ̈n aa cɔɔl an yek kɔc ke Judai, në riɔ̈ɔ̈c riɔ̈ɔ̈c kek në keek.

Diɛt 102:13

Yïn bï rɔt jɔt ku kokë piɔ̈u we Dhiɔn, akööl acïk bɛ̈n akööl bï Yïn piɔ̈u kok wekë yen, kööl rɔ̈ŋ kï ee kënë.

Diɛt 102:14

Awuutku anhiaarkï Jeruthalem, cakaa nɔn cïï ë yen riɔ̈ɔ̈k, ayek piɔ̈ɔ̈th kok në yen, cakaa nɔn cïï ë yen thuöör piny.

Diɛt 143:12

Ku në biäk de nhiëërduön agɔk, näk kɔc ke aterdï ku riäk kɔc ee kɔc yɔŋ, në biäk ee yɛn awundu.

Diɛt 98:3

Ee Yenɔm tak në nhiëërdɛn agɔk ku piɔ̈ndɛn adöt në biäk de baai de Yithriɛl. acï piny thar ëbɛ̈n tïŋ, yen tiëm de Nhialinyda.

Yith 19:18

Të lee köölë bɛ̈n, pɛ̈ɛ̈nydït ke Rip kadhïc abïk aa jam në thoŋ de Ɣeberuu. Kɔc nu ëtɛ̈ɛ̈n abïk aa kuëëŋ në rin ke Bɛ̈nydït de rɛm. Pänydïït tök abïï cäk an, “Pänydïït de akɔ̈l.”

Yith 21:1

Kënë ee jam në biäk de Babilonia. Cït man ye kɔc piny nap ë jɔ̈ɔ̈ric, yen abï riääk bɛ̈n piny de yic riɔ̈ɔ̈c.

Yith 27:6

Në akööl bɔ̈ kɔc ke Yithriɛl, kuat ë Jakop abïk mei nööm cït man ë tim, ku abïk nyok ku mockï gaak. Piny nɔm abï thiɔ̈ɔ̈ŋ në mïth bïk keek bɛ̈ɛ̈i.

Yith 41:8

“Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 41:9

Wek kɔc cä ke bɛ̈ɛ̈i ë piny thar, wek aa caal ke në aguuk mec ke piny thar, ku lɛ̈k week, an, wek ee awuutkï. Wek kɛ̈n keek rɛɛc, wek cä ke lɔc.

Yith 44:1

Aye Bɛ̈nydït lueel an, “Piɛŋkï ënɔɔnë wek awuutkï, kɔc ke Yithriɛl, kɔckiën cä lɔc, kuat de Jakop.

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 47:1

Aye Bɛ̈nydït lueel an, “Babilon bäär piny në thöönydu nɔm, ku nyuc piny abuui yic ee tënë. Yïn aacï kɔn ciët nyan dhueny kën kɔn yök ke moc, pänydïït kënë kɔn peec, ku yïn cï kɔ̈c ku yïn cïï be ciët täu ɣɔn ril yïn! Yïn cï ya lïm ënɔɔnë!

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Yith 49:15

Go Bɛ̈nydït bɛ̈ɛ̈r an, “Duëër tik nɔm määr në mɛnhde ku cïï mɛnhdɛn ë dhiëëth nhiaar? Na cak man meth nɔm määr në mɛnhde, Yɛn cïï nɔm duëër määr ë week.

Yith 49:25

Go ë Bɛ̈nydït bɛ̈ɛ̈r an, “Kë bï rɔt looi ka ë dhöc. Kë cï raan de tɔŋ dɔm abïï jɔt, ku kë cï raan rac peec abïï dɔm. Yɛn bï thɔ̈ɔ̈r wo raan thäär ke week, ku yɛn bï mïthkun kony.

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Yith 54:3

Yïn bï akɛɛthku rat nïïn tueŋ në tuŋ thook kedhie, kɔcku abïk pinyden bɛ puk nɔm, piny cieŋ ë juöör kɔ̈k ënɔɔnë. Wuöt cï nyääŋ piny ënɔɔnë abïk bɛ thiäŋ në kɔc.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 56:3

Alen cï rɔt mät kɔc ke Bɛ̈nydït. Në cïï ee lueel an, “Bɛ̈nydït abï ya pöc bei në kɔcke yiic.” Ku raan cï roc ë cïï be tak an, në biäk cïï yen duëër bɛ dhiëth. Acïï duëër bɛ aa raan töŋ de kɔc ke Nhialic.

Yith 60:10

Aye Bɛ̈nydït lɛ̈k kɔc ke Jeruthalem an, “Alɛi abïk pänydu nyɔk në yïk, ku meliikken abïk week luööi. Në agönhdï wek bä luöi këtuc ku ënɔɔnë wek bä guɔ nyuöth nhiëër ku kok de piɔ̈ndï.

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Jeremia 16:15

Abïk aa kuëëŋ në Yɛn, ke ya ye Nhialic pïïr, Raan ë bïï kɔc ke Yithriɛl bei piny de rut, ku në wuöt kɔ̈k yiic, wuöt cän keek thiäi piny. Abä keek bɛ̈ɛ̈i ciëën pinyden, piny cä gäm kuarken. Acä lueel, Yɛn Bɛ̈nydït.”

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 30:8

Acïï Bɛ̈nydït de rɛm lueel an, “Të le ee köölë bɛ̈n, yɛn bï tïm cï duööt ë keyiëth dhoŋ kɔ̈u, ku bɛ̈ɛ̈i joth rek kek bei, ku acïkï bï bɛ aa lïïm ke alɛi.

Jeremia 31:4

Ku wek bä bɛ nyɔk ë yïk. Ku wek bï göölkun bɛ nööm ku cäŋkï ë miɛtëpiɔ̈u.

Jeremia 50:33

Aye Bɛ̈nydït de rɛm lueel an, “Kɔc ke Yithriɛl ku kɔc ke Juda ayɔŋ keek. Kɔc ë pec keek kedhie, yek keek tiit aläl, ku acïk ë keek duëër tɔ jäl.

Jeremia 51:51

Ayak lueel an, ‘Wok cï yɔ̈ɔ̈r, ku tɔ wo yäär gup, wok ee röt yök ke wo cïn kony taitai, në biäk cï alɛi ɣään ɣer yiic nööm ë Luaŋdït yic.’

Edhekiɛl 16:60

Ku yɛn bï män cä looi wo yïn wään koor yïn riëëu, ku yɛn bï mät looi we yïn män bï tɔ̈u aɣet athɛɛr.

Edhekiɛl 47:22

abäk nööm ke ye këdun anandun. Alɛi rɛ̈ɛ̈r në weyiic ku kɔc cï mïthken bɛ̈n dhiëëth ee tënë, abïk biäkden de piny nööm aya të la wek en tek. Abï keek dhil aa luööi cït man ë dïïl ke dhiëën ke Yithriɛl, ku abïk deeny ë gɛk në mïth ke Yithriɛl ëtök.

Dhek 1:17

Ku be ë tunynhial lɛ̈k ɛn nɔn luɛɛl ɛn en an, “Acï Bɛ̈nydït de rɛm lueel nɔn bï pɛ̈ɛ̈nydïtke bɛ bäny, ku lueel nɔn bï yen Jeruthalem bɛ kuɔny, ku nyuooth nɔn yen wunde.’’

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Luk 1:54

Acï Yithriɛl awunde kony, Në täŋ cï en kok de yenpiɔ̈u tak,

Luk 2:32

Abï aa many bï juöör aa nyuööth, ku bï aa dhuëëŋ de jurduön Yithriɛl.”