Yith 13:20 - JAM DE NHIALIC 2011

²⁰ Acïn raan töŋ bï bɛ rëër ëtɛ̈ɛ̈n. Acïn Arab bï paanyde bɛ piäät ëtɛ̈ɛ̈n, ku acïn tïn bï ɣɔ̈kke bɛ aa nyuääth ëtɛ̈ɛ̈n.

Yith 13:20 ပူးပေါင်းရင်းမြစ်များ

2 Lëk 17:11

Ago kɔc ke Pilithiin acïk melik Jeɣocapat gäm ateek juëc aläl ku lɔ miɔ̈c kɔ̈k aya, ku lɔ kɔc kɔ̈k ke Arab acïk yen yiɛ̈n aguum kadhorou ku bot kadhorou 7,700 de amɛ̈l, ku aguum kadhorou ku bot kadhorou 7,700 de nyök bɔɔth.

Jop 3:7

Ee yen, adï jɔ ë wɛ̈ɛ̈rë ciët dom cï dhiai, ku cïï kiɛɛu de miɛt ë piɔ̈u be piŋ thïn.

Diɛt ke 1:7

Raandiën nhiaar, lɛ̈kë yɛn, Ee tënou bï yïn lunyduön ë thök tɔ lɔ nyuäth thïn? Ee tënou bï yïn luny tɔ lɔ lɔ̈ŋ thïn aköl, të cïï akɔ̈l tuöc? Eeŋö bï yïn yɛn tɔ kɔɔr yïn në luuny ke tïït kɔ̈k yiic?

Yith 14:23

Yɛn bï Babilon puk ke ye bäc, ka agumuut abïk ceŋ ëtɛ̈ɛ̈n. Yɛn bï Babilon napic në wëëny ee këriëëc ëbɛ̈n nap wei. Acä lueel, Yɛn Bɛ̈nydït de rɛm.”

Yith 21:1

Kënë ee jam në biäk de Babilonia. Cït man ye kɔc piny nap ë jɔ̈ɔ̈ric, yen abï riääk bɛ̈n piny de yic riɔ̈ɔ̈c.

Yith 25:2

Yïn cï pɛ̈ɛ̈nydït puk ke ke ye dhuur nɔm ku riäk ɣäänkɛn cï gël. Ɣään ë yïk ë kɔckuɔn ke ater keek acï jäl aɣet athɛɛr.

Yith 34:17

Ee Bɛ̈nydït Yen abï ke tɛ̈k piny, ku ee raan gäm këde. Abïk piny cieŋ ë run juëc, ku abï aa këden aɣet athɛɛr.

Jeremia 49:33

Ɣadhor abïï tɔ ee jɔ̈ɔ̈r aɣet athɛɛr, të bïï kɔ̈ɔ̈rgɔl aa ceŋ thïn kapäc. Acïn raan bï bɛ rëër ëtɛ̈ɛ̈n. Acä lueel, Yɛn Bɛ̈nydït.”

Jeremia 50:13

Në biäk de agönhdï acïn raan bï ceŋ ë Babilon, abïï nyääŋ piny ke cï riääk, ku kɔc bï aa tëëk ëtɛ̈ɛ̈n abïk päu ku gɛ̈ikï.

Jeremia 50:21

Aye Bɛ̈nydït Lueel an, “Makkï kɔc ke Merathaim ku Pekot. Näkkï ku riäärkï keek. Loi këriëëc cä lɛ̈k week ëbɛ̈n. Acä lueel, Yɛn Bɛ̈nydït.

Jeremia 50:3

“Jur täu të lɔ rut acï bɛ̈n bïï Babilonia bɛ̈n mak, ku abïï tɔ ee jɔ̈ɔ̈r. Kɔc ku läi abïk kat, ku acïn raan bï rëër ëtɛ̈ɛ̈n.”

Jeremia 50:39

“Ka Babilon abïï läi roor ku aŋuööth cieŋ, ku wuut, ku jɔɔk rac, ku diɛt de gup acuɔl. Acïn kɔc bï bɛ ceŋ ë tɛ̈ɛ̈n aɣët rɛm bï bɛ bɛ̈n.

Jeremia 50:45

Jɔ kë cä kiëët ë biäk de pänydït Babilon piŋ, ku kë kaar bä luöi kɔcke. Ayï mïthken abïï keek thɛl wei, ka raan ëbɛ̈n abï riɔ̈ɔ̈c aläl.

Jeremia 51:25

Babilonia, yïn cït kuur ee piny nɔm riɔ̈ɔ̈k ëbɛ̈n, ku Yɛn, Yɛn Bɛ̈nydït, Yɛn ee Raan de aterdu. Yïn bä dɔm, ku raai yïnɔm piny, ku nyääŋ yï piny ke yï ye ŋeth.

Jeremia 51:29

Piny alɛthï, ku ee rɔt nieeŋ në biäk looi ë Bɛ̈nydït guiɛɛrde, në baŋ bï yen Babilonia tɔ ee jɔ̈ɔ̈r, të cïn raan bï ceŋ thïn.

Jeremia 51:37

Yen ee paanë abï ya akut de ka cï riääk, të bïï kɔ̈ɔ̈rgɔl aa ceŋ thïn. Abï kɔc aa tïŋ ku dɔm riɔ̈ɔ̈cdït keek, acïn raan bï ceŋ ëtɛ̈ɛ̈n, ku kɔc bï yen aa tïŋ ëbɛ̈n abïk aa riɔ̈ɔ̈c.

Jeremia 51:43

Wuöt acïk aa kak ee kɔc gäm riɔ̈ɔ̈cdït të tïŋ ë keek, ku acïk ciët jɔ̈ɔ̈r cïn yic pïïu, të cïn raan ee ceŋ thïn, ku cïn mɛnh ë raan ee tëëk thïn.