Yith 13:19 - JAM DE NHIALIC 2011

¹⁹ Babilonia yen aye ciɛɛŋ dik në wuötiic ëbɛ̈n, yen ee kë ye kɔcke röt lɛɛc. Ku Yɛn Bɛ̈nydït, Yɛn bï Babilon pɔ̈k piny cït man ë kë cä luöi Thɔdom ku Gomoora!

Yith 13:19 ပူးပေါင်းရင်းမြစ်များ

Cäk 19:24

Ago Bɛ̈nydït many de thulpuur dap guɔ wäl Thɔdom kekë Gomoora ëthiäu.

Cäk 19:25

Ku riëëk pɛ̈ɛ̈nydït ayï wak ëbɛ̈n, mɛt ke në kɔc nu ë pɛ̈ɛ̈nydït yiic ëbɛ̈n, agut cï ka ee cil piny.

Yith 13:1

Kënë ee jam në biäk de Babilon, jam wään cïï Nhialic gäm Yithaya wën de Amodh.

Yith 21:9

Kɔc acïk guɔ bɛ̈n ëthiäu! Kɔc nu ë jöŋgöör kɔ̈ɔ̈th aciɛthkï ë rou ku rou. Aŋoot raan tït ke ciɛɛl thok an, “Babilon ë wïïk! Yiëthkɛn yek lam adhɔtkï piny ke ke cï dhuɔɔŋ.”

Yith 47:5

Aye Bɛ̈nydït lɛ̈k kɔc ke Babilon an, “Nyuc ke yï mim në mɔ̈ɔ̈thic, acïk yïn bï bɛ aa cɔɔl an nya bɛ̈ny de juöör!

Yith 48:14

“Matkï röt ku piëŋkï, week wedhie! Acïn yanh duëër e caar an raan cä lɔc duëër Babilon mak, abï kë kaar bïï looi lɔ looi.

Jeremia 25:12

Ku në ee kënë cök Yɛn bï melik de Babilonia kekë jurë luöi këtuc ë biäk de karɛcken. Yɛn bï ee pinyë riɔ̈ɔ̈k ku nyääŋ piny ke cï riääk aɣet athɛɛr.

Jeremia 49:18

Yen ee kë bï tuöl tëde Edomë abï ciët kë wään bï tuöl tëde Thɔdom ku Gomoora, wään cïï ë keek riɔ̈ɔ̈k ku riäk wuöt thiääk në keek. Acïn raan bï bɛ ceŋ ëtɛ̈ɛ̈n. Acä lueel Yɛn Bɛ̈nydït.

Jeremia 50:40

Kë wään cï rɔt luöi Thɔdom kekë Gomoora abï rɔt luöi Babilonia, wään bän keek riɔ̈ɔ̈k në wuöt thiääk ë keek. Acïn mɛnh ë raan bï bɛ rëër ëtɛ̈ɛ̈n. Acä lueel, Yɛn Bɛ̈nydït.

Jeremia 51:26

Acïn kuur tök në kurkuön cï riääk yiic bï bɛ röŋ kekë yïk. Yïn bï ciët jɔ̈ɔ̈r aɣet athɛɛr. Acä lueel, Yɛn Bɛ̈nydït.

Jeremia 51:29

Piny alɛthï, ku ee rɔt nieeŋ në biäk looi ë Bɛ̈nydït guiɛɛrde, në baŋ bï yen Babilonia tɔ ee jɔ̈ɔ̈r, të cïn raan bï ceŋ thïn.

Jeremia 51:41

Aye Bɛ̈nydït lueel në biäk de Babilon an, “Pänydïït wään ye piny nɔm leec ëbɛ̈n, acï peec! Ee tëde riɔ̈ɔ̈cdïït cït ŋö, yen cï ciët Babilon tëde juöör!

Jeremia 51:62

Ku jɔ lɔ̈ŋ an ‘Bɛ̈nydït acï lueel nɔn bïï yïn ee tënë riɔ̈ɔ̈k, abïï ciën kë cak kë pïïr bï bɛ tɔ̈u thïn, ayï kɔc, ayï läi, ku abï ciët jɔ̈ɔ̈r aɣet athɛɛr.’

Danyel 4:30

ke lueel an, “Tiëŋkï luɔi dïït ë Babilon! Aa yiɛ̈k ke ee pänydiëndït bän riɛldï kekë bäänydï ku dhuëëŋdï nyuɔɔth.

Amoth 4:11

“Yɛn ë kɔckuön kɔ̈k riɔ̈ɔ̈k cït man wään riääk Ɛn Thɔdom kekë Gomoora. Kɔc cï pïïr ë we yiic, wek cït luny ë tim ë göpë bei mɛɛc. Ku wek ŋoot ke we kën röt pɔ̈k Ɛn.” Kë cïï Bɛ̈nydït lueel ka.

Dhep 2:9

Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.

Romai 9:29

Ku acït man cïï Yithaya ye kɔn lueel an, “Tëë Bɛ̈nydïït de Rɛm ë kën wo nyäŋ käu, adï cuk ciët Thɔdom, ku adï cï wo tɔ cït Gomoora.”

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

Nyuuth 18:11

Ku dhiëëu ajalɛɛp ke piny nɔm ku biëkkï keyöth, në ciën cïn en raan ee kaken bɛ ɣɔɔc,

Nyuuth 18:19

Agokï abuui dɛɛny ë kenïïm, kiiukï, ku dhiaukï, ku biëkkï keyöth, luelkï, an, “Amawoou! Madinoou, gök de pänydït oou! Pänydïït cï kɔc tɔ kueth ë wëu thïn kedhie, kɔc de abëëlkɛn ee cath ë wɛ̈ɛ̈ric, në juëc juëc ë wëuke! Ee thaar tök tei en aa tɔ ye kuany nyin oou!”