Yith 13:17 - JAM DE NHIALIC 2011

¹⁷ Aye Bɛ̈nydït lueel an, “Yɛn tooc jur cɔl Mede bïï Babilonia lɔ mak. Acïkï atek ee cieŋ, ku cïkï piɔ̈ɔ̈th mit në ciëŋ de adhɛ̈p

Yith 13:17 ပူးပေါင်းရင်းမြစ်များ

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

Yith 21:2

Yɛn ë nyuuth de yic riäŋ rac ku riɔ̈ɔ̈c tïŋ. Rem de tɔŋ de Eelam ku Media amɛkkï rem de tɔŋ ë Media, ku tookkï pɛ̈ɛ̈nydït! Bɛ̈nydït abï nuan cïï Babilon luöi kɔc tɔ thök.

Yith 41:25

“Yɛn cï raan lɔc, raan rɛ̈ɛ̈r në biäk të lɔ aköl amiäk. Abä bɛ̈ɛ̈i bïï kɔc mak në biäk të lɔ rut. Abï bäny dum yiic cït kë nuai tiɔ̈k, abï ciët raan ee töny cuëëc dum tiɔp piny.

Jeremia 50:3

“Jur täu të lɔ rut acï bɛ̈n bïï Babilonia bɛ̈n mak, ku abïï tɔ ee jɔ̈ɔ̈r. Kɔc ku läi abïk kat, ku acïn raan bï rëër ëtɛ̈ɛ̈n.”

Jeremia 50:30

Ka dhuökke abïk keek nɔ̈k në kuɛɛr ke pänydït yiic, ku remdɛn ë tɔŋ ëbɛ̈n abïï riɔ̈ɔ̈k ee köölë. Acä lueel, Yɛn Bɛ̈nydït.

Jeremia 50:42

Acïk dhɛ̈ŋken ku tɔɔŋken nööm, keek ayek juöör tuc piɔ̈ɔ̈th cïn kokdepiɔ̈u. Awuööuden acït awuööu de wɛ̈ɛ̈rdït, të cï kek kɛɛc ë jöŋgöör kɔ̈ɔ̈th. Acïk röt kiëët në tɔ bïk yiɛ̈n Babilonia.

Jeremia 50:9

Yɛn lɔ akut de juöör ril tuök nhial të lɔ rut, ku abä keek tɔ mɛk Babilonia. Abïk röt mac ke ke mɛk ee pinyë ku abïk tiaam. Ayek yiëëp atëët, ayek dhaŋ muɔc, dhaŋ cïï të cï giit ee wuööc.

Jeremia 51:11

Bɛ̈nydït acï meliik ke Media tuök nhial, në biäk cï Yen ye guiir nɔn bïï En Babilonia riɔ̈ɔ̈k. Yen kueer bïï Yen riääk de luaŋde guöör ka. Bɛ̈ny de rem mɛk wut ee kɔc yɔ̈ɔ̈k an, “Cuɔthkï wiɛthkun thook! Guiirkï köötkun apiɛth!

Danyel 5:26

Ku kë lueel kï: Nhialic acï nin bï ciɛɛŋdu thök kueen, ku acï jɔ tɔ thök thok.