Yith 12:5 - JAM DE NHIALIC 2011

⁵ Pianykï Bɛ̈nydït në biäk de kadït cï looi. Tɔ thok piŋ ë piny nɔm ëbɛ̈n.

Yith 12:5 ပူးပေါင်းရင်းမြစ်များ

Diɛt 105:2

Kɛ̈të Bɛ̈nydït diɛt ke piɔ̈ny, luɛɛlë ka gɛ̈iyë cï keek looi.

Diɛt 72:19

Pianykï rinkɛn ke dhuëëŋ aɣet athɛɛr! Në dhuëëŋde thiɔ̈ŋ pinynɔm ëbɛ̈n. Amiin! Amiin!

Diɛt 98:1

Kɛ̈tkï Bɛ̈nydït din ë piac cak, në biäk cïï Yen kake gäi looi! Në riɛlde ku në köŋdɛn ɣeric acï Yen tɔ tiëm.

Bɛ̈n 15:1

Na wën, ke Mothe kekë kɔc ke Yithriɛl ë ke piɔny Bɛ̈nydït në ee dinë an, “Yɛn piɔny Bɛ̈nydït në yöŋ cï Yen dhuëëŋ yök, në tiëm dïït cï Yen tiam. Ë jöŋgöör cuat wïïr, në kɔc cath në kekɔ̈ɔ̈th.

Bɛ̈n 15:21

Go Mariam ke kiët dit, lueel an, “Piɔnyku Bɛ̈nydït, në baŋ cï yen dhuëëŋ yök, Në tiëm cï Yen tiam. Ë jöŋgöör cuat wïïr në kɔc cath në kekɔ̈ɔ̈th.”

Yith 24:14

Kɔc bï döŋ apïïr, abïk ket në miɛtëpiɔ̈u. Kɔc nu në lɔ de aköl athɛ̈i abïk dït ë Bɛ̈nydït leec,

Yith 40:9

Dhiɔn, lɔ nhial në kuur bäär nɔm ku luel wëlpiɛth! Dhiɔn, cɔ̈t në röl dït, caalë wëlpiɛth! Luel këriëëc ku du riɔ̈c, lɛ̈kë wuöt ke Juda, nɔn bïï ë Nhialicden!

Yith 42:10

Kɛ̈të Bɛ̈nydït din piac cak, kɛ̈tkï lɛcde, wek pinynɔm ëbɛ̈n! Lɛckï wek kɔc ee cath në wïïr, lɛckï wek ka cï cak në abäpdit yic! Kɛ̈tkï wek piiny mec, ku kɔc ëbɛ̈n rɛ̈ɛ̈r ëtɛ̈ɛ̈n!

Yith 42:11

Takkï jɔ̈ɔ̈r ku pɛ̈ɛ̈nydïtke piɔny Nhialic, takkï bɛ̈i ke Kedar piɔny Yen! Takkï kɔc rɛ̈ɛ̈r në pänydïït de Thela moc kiɛɛu de miɛtëpiɔ̈u, në kur nïïm.

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Ɣabakuk 2:14

Ku piny abï thiäŋ kekë ŋïnydekäŋ de dhuëëŋ de Bɛ̈nydït, cït wɛ̈ɛ̈r thiäŋ kekë pïïu.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!