Yith 12:1 - JAM DE NHIALIC 2011

¹ Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 12:1 ပူးပေါင်းရင်းမြစ်များ

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Jop 11:16

Nuandu ëbɛ̈n abï yïn nɔm määr në yen, cït man cïn en raan ee pïïu riŋ wïïr bɛ tak.

Jop 13:16

Kënë abï ya tiëmdï, në luɔi cïï kɔc ee karɛc looi duëër lɔ ë Yelɔ̈ɔ̈m.

Diɛt 30:5

Agönhde ee guɔ thök ëthiäu, ku piathëpiɔ̈nde ee tɔ̈u në pïïric ëbɛ̈n. Dhiëëu aduëër rɔt cuuth ë wɛ̈ɛ̈ric ëbɛ̈n, ku miɛtëpiɔ̈u ee bɛ̈n adurduur.

Diɛt 71:21

Yïn bï yɛn tɔ ril anandï, Yïn bï yɛn be duut piɔ̈u.

Diɛt 85:4

Nhialic Bɛ̈nyda pɔ̈kë wonïïm ciëën, ku päl luɔi yïn piɔ̈u diu we wook.

Diɛt 86:17

Bɛ̈nydït nyuöthë yɛn piathdu, ago kɔc ee yɛn man yäär, të le kek e tïŋ nɔn cïï Yïn ya gäm kuɔɔny kekë duöt de piɔ̈u.

Diɛt 9:1

Yïn bä piɔɔny Bɛ̈nydït, në piɔ̈ndï ëbɛ̈n, yɛn bï kakuön ke gäi cï ke looi kedhie luɛɛl.

Yith 10:25

Ee kaam thiin akäŋ tei, yen abï këtuc luöi week thök, ku ëtɛ̈ɛ̈n abä ke jɔ riɔ̈ɔ̈k.

Yith 10:4

Wek bïï nɔ̈k tɔŋ ku nɔn thel week ke we mac. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 11:16

Abï dɛ kueer dït ee jäl në Athiriya, bïï kɔckɛn ke Yithriɛl cï döŋ apïïr ëtɛ̈ɛ̈n tëëk ke ke bɔ̈, cït man ɣɔn de yen kueer ë bïï kuarken bei paan ë Rip.

Yith 14:3

Bɛ̈nydït abï kɔc ke Yithriɛl tɔ dem në arɛɛmden ku nuanden ku luɔi tuc ɣɔn ye kuöt keek në riɛl an loikï.

Yith 2:11

Ade kööl bɔ̈, kööl bïï dït ye raan rɔ tɔ dït kääc, ku riäk lɛc. Ku ëtɛ̈ɛ̈n Bɛ̈nydït Yetök Yen abï aa mɔ̈k nhial.

Yith 25:1

Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 26:1

Ade kööl bɔ̈, kööl bï kɔc dinë kiit piny ë Juda: Pänydïïtda aril! Nhialic guöpde Yen agël kɛ̈lke!

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Yith 54:7

“Yïn aa nyääŋ piny në kaam thiinakäŋ, yïn bä pɔ̈k nɔm ciëën në nhiëër dït.

Yith 54:8

Yɛn cï rɔt rat wei në agɔ̈th në kaam thiin koor, ku yïn bä nyuöth nhiëërdï aɣet athɛɛr.” Yen kë cïï Bɛ̈nydït lueel ka raan ee yïn kony.

Yith 54:9

“Ɣɔn në run ke Nowa, Yɛn cï gutguut lueel, nɔn cän piny bï bɛ tɔ mol. Ku ënɔɔnë yɛn cï gutguut lueel nɔn cän bï bɛ gɔ̈th wo week, wek cä bï bɛ gɔ̈k ku cä we be luöi këtuc.

Yith 60:10

Aye Bɛ̈nydït lɛ̈k kɔc ke Jeruthalem an, “Alɛi abïk pänydu nyɔk në yïk, ku meliikken abïk week luööi. Në agönhdï wek bä luöi këtuc ku ënɔɔnë wek bä guɔ nyuöth nhiëër ku kok de piɔ̈ndï.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 64:5

Wek ee kɔc loor nïïm kɔc ee miɛtëpiɔ̈u yök në luɔi de piathëpiɔ̈u, kɔc ee kathɛɛr tak në kueer kɔ̈ɔ̈rë keek bïk pïïr. Yïn aa göth we wook, ku lokku ke wo loi awɛ̈ɛ̈c, cakaa wään cï yïn göth aläl, wo cï bɛ̈n lɔ tueŋ në luɔi de awɛ̈ɛ̈c gɔl ee të thɛɛr ɣɔn.

Yith 65:18

Jakï piɔ̈ɔ̈th miɛt, ku lak piɔ̈ɔ̈th yum aɣet athɛɛr në ka cä keek cak. Jeruthalem cä piac cak, abï yic thiäŋ ke miɛtëpiɔ̈u, ku kɔcke abïk piɔ̈ɔ̈th miɛt.

Yith 66:13

Yïn bä luk piɔ̈u në Jeruthalem cït man ye man meth mɛnhde luk piɔ̈u.

Jeremia 30:19

Kɔc rɛ̈ɛ̈r ëtɛ̈ɛ̈n abïk diɛt ke thieithieei kiit, abïk aa kïïu ë miɛtëpiɔ̈u. Ku abïk kenyïïn ŋuak në athiɛɛidï, ku abï athiɛɛidï ke yiɛ̈n riëëu.

Jeremia 31:13

Ka diäär kor abïk aa cöŋ ku mitkï piɔ̈ɔ̈th, ku röördït ku dhuök abïk dhuëëŋ looi. Abä keek luk piɔ̈ɔ̈th, ku pɔ̈k dhiënden ke ye miɛtëpiɔ̈u, ku pɔ̈k jiɛthëpiɔ̈nden ke ee piɔ̈n mit.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Dhek 1:16

Ku ënɔɔnë, kë cï Bɛ̈nydït de rɛm lueel kï an, ‘Yɛn puk a nɔm Jeruthalem në kokdepiɔ̈u. Ku Yɛn bï ɣöndï bɛ tɔ yïk. Ku wïn ë thëm abï riɛny piny Jeruthalem.’ Kë cï Bɛ̈nydït lueel ka.

Dhek 14:20

Në ee köölë cakaa töör de lööth ke jöŋgöör abï keek aa gäär kɔ̈ɔ̈th wëlkë an, “Kë cï gäm Bɛ̈nydït. Tööny ye thät Luaŋdït abï yic ɣɛɛr cï guöl nu ë yïk nɔm.

Dhek 14:9

Ëtɛ̈ɛ̈n Bɛ̈nydït abï ya Melik de pinynɔm ëbɛ̈n. Abïï ë raan ëbɛ̈n lam ke ye Nhialic ku abïk ŋic në ee rin manë.

Dhek 8:11

Ku ënɔɔnë, kɔc lik cï döŋ, acä keek bï bɛ luööi arac cït man ë kɔc ɣɔn tueŋ, kë lueel ë Bɛ̈nydït de rɛm ka.

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.

Romai 11:15

Ku na cuɛt cuɛtë ke wei, të ee yen mɛ̈ɛ̈t bï piny nɔm määt, ku döm bï ke bɛ dɔm, bï ciët ŋö, cïï bï aa pïïr ë kɔc cï thou yiic?