Yith 11:9 - JAM DE NHIALIC 2011

⁹ Në Dhiɔn nɔm kuur ɣeric de Nhialic, abï ciɛ̈n kë bï raan luöi buɔ̈t ku nɔn ee kërac. Piny abï nɔm thiäŋ ke ŋïny de Bɛ̈nydït cït man ee wɛ̈ɛ̈r thiäŋ në pïïu.

Yith 11:9 ပူးပေါင်းရင်းမြစ်များ

Jop 5:23

Domduön ee puur abï yic aa ciën kɔi ku läi roor acïk yï bï aa gëëm.

Diɛt 72:19

Pianykï rinkɛn ke dhuëëŋ aɣet athɛɛr! Në dhuëëŋde thiɔ̈ŋ pinynɔm ëbɛ̈n. Amiin! Amiin!

Diɛt 78:54

Acï keek bɛ̈ɛ̈i pinydɛn ɣeric, të nu kuurdɛn ë rum në yen.

Yith 11:13

Ciɛɛŋ de Yithriɛl acïï tiɛɛl bï bɛ aa dɔ̈m këde Juda, ku Juda acïï bï aa raan ater de Yithriɛl.

Yith 11:8

Acakaa meth acïn kë bï ye wääth të ciɛk en thuëëc në kërɛɛc de thok wurïï lɔ̈ɔ̈m.

Yith 2:4

Abï ateer tɔ kääc në kɛm ke juöördït ke piny nɔm. Abïk abätɛ̈ɛ̈uken thɔ̈ɔ̈th ke ke ye pur, ku tɔɔŋken ke ke ye leem ke tëm. Juöör acïkï tɔŋ bï bɛ aa lɛɛr, ku nɔn bekï tɔŋ kiëët.

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 32:16

Ago yic jɔ aa looi ë jɔ̈ɔ̈ric, ku tɔ̈u piathëpiɔ̈u në duum ee luɔk yiic.

Yith 33:6

ku gämë jur rëër adïu. Ee kɔcke gël anandu ku gëm keek pɛlënɔm ku ŋïnydekäŋ. Ku riëëu bï kek Bɛ̈nydït riëëu yen aye wëukɛn juëc.

Yith 35:9

Acïn kɔ̈ɔ̈r bï nu ëtɛ̈ɛ̈n, acïn län rɛɛc bï tëëk ë kueerë. Ee kɔc cïï Bɛ̈nydït luök, kek abï cath në ee kueerë yic ke ke lɔ baai.

Yith 45:6

Yɛn aa loi ee kënë ago raan ëbɛ̈n ŋic në aguuk ke pinynɔm ëbɛ̈n, gɔ̈l në bɛ̈n aköl thok, ku gɔ̈l të lɔ aköl athɛ̈i, nɔn ee Yɛn Bɛ̈nydït, ku acïn yanh däŋ.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Yith 59:19

Gɔl në të lɔ aköl amiäk leer të lɔ aköl athɛ̈i, raan ëbɛ̈n abï riɔ̈ɔ̈c në yen ku në riɛldïïtde. Abï bɛ̈n cï kuëër kiir, ku cït yom ril.

Yith 65:25

Aŋuööth ku thök abïk aa cam ëtök, kɔ̈ɔ̈r abïk nyuäth ë wal cï ɣɔ̈k ku karɛc ee mol piny acïï ke bï bɛ ya diɛɛr në wurïï. Në Dhiɔn kuurdiën ɣeric nɔm, abï ciën kë bïï kɔc bɛ riɔ̈ɔ̈c në biäk de karɛc.”

Yith 66:18

Yɛn ŋic täŋden ku ka yek looi. Yɛn bɔ̈ bä kɔc ke juöör ëbɛ̈n määt yiic. Të cïï kek kenïïm mat abïk jɔ tïŋ yen kë duëër riɛldï looi

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Jeremia 31:23

Acïï Bɛ̈nydït de rɛm, Nhialic de Yithriɛl lueel an, “Të lan kɔc pɔ̈k nïïm pinyden, abïk bɛ aa lueel piny de Juda ku në wuötken yiic an, ‘Në Bɛ̈nydït thiei tëde piathëpiɔ̈u, Yïn kuur ɣeric ee Yen rëër thïn.’

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Edhekiɛl 34:25

Yɛn bï mät looi wo keek, män bï rëërdɛn tɔ tiëc. Yɛn bï läi rac tɔ̈u roor në piny yic nyaai, ago amɛ̈lkï ciën kë bï ke bɛ cam në duum yiic ku yek nïn roor.

Edhekiɛl 47:5

Go bot kadhïc ku thiërdhetem ke akeem bɛ them, go nyin yic thuth ku cä lëu në tɛ̈m, ee kuaŋ yen duëër ë raan ye teem kɔ̈u.

Danyel 11:45

Ku abï paanydɛndït ë bääny jɔ tääu piny në kaam de wɛ̈ɛ̈r kekë kuur ɣeric kɛ̈ɛ̈c ë Luaŋdït ë yenɔm. Ku abï thou, ke cïn raan töŋ nu ëtɛ̈ɛ̈n bï yen luök.”

Danyel 12:4

Go ë tunynhial lɛ̈k ɛn an, “Ku ënɔɔnë, Danyel, thiɔ̈k awerek ku bot thok aɣët cï thök de piny nɔm. Ku kɔc juëc abïk kaamdït thöl ke ke kɔɔr luöi bï kek kë loi rɔt yökic.

Ɣodh 2:18

Ku ëtɛ̈ɛ̈n, Yɛn bï mät looi wokë läi roor, ku diɛt, ku ka ee mol piny, në biäk cïï kek kɔckï bï bɛ luöi kërac. Ku këriëëc de tɔŋ ëbɛ̈n, abä ke nyaai pinyden: abätäu, ayï dhaŋ abïk liu, ke kɔckï ë ke bï tɔ̈c ë läŋ kedhie.

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Ɣabakuk 2:14

Ku piny abï thiäŋ kekë ŋïnydekäŋ de dhuëëŋ de Bɛ̈nydït, cït wɛ̈ɛ̈r thiäŋ kekë pïïu.

Dhek 14:9

Ëtɛ̈ɛ̈n Bɛ̈nydït abï ya Melik de pinynɔm ëbɛ̈n. Abïï ë raan ëbɛ̈n lam ke ye Nhialic ku abïk ŋic në ee rin manë.

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

1 Theth 5:15

Mäthdhiën, ë cïn raan ee raan luöi kërac raan cï e kɔn luöi kërac, yak këpiɛth kuany cök anandun, ë ŋɛk ë ye ŋɛk luöi këpiɛth, ayï raan ëbɛ̈n.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.