Yith 11:16 - JAM DE NHIALIC 2011

¹⁶ Abï dɛ kueer dït ee jäl në Athiriya, bïï kɔckɛn ke Yithriɛl cï döŋ apïïr ëtɛ̈ɛ̈n tëëk ke ke bɔ̈, cït man ɣɔn de yen kueer ë bïï kuarken bei paan ë Rip.

Yith 11:16 ပူးပေါင်းရင်းမြစ်များ

Bɛ̈n 14:22

Go kɔc ke Yithriɛl wɛ̈ɛ̈r teem ke ke cath tëril, ku päny ke pïïu në keŋɛŋ, baŋ cuëc ku baŋ cam.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 10:20

Ade kööl bɔ̈, kööl cïï kɔc lik ke Yithriɛl cï döŋ apïïr röt bï bɛ kan në juöör cï keek duɛ̈ɛ̈r riɔ̈ɔ̈k. Abïk aŋäthden tääu ë yic në Bɛ̈nydït guöp, Nhialic Ɣeric de Yithriɛl.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 19:23

Të lee köölë bɛ̈n, abï dɛ kueer lääuwic në kaam de Rip ku Athiriya. Kɔc ee wuötkë kaarou abïk aa lɔ ku lek bɛ̈n në kɛmken, ku ee juöör kaarou abïk aa lam ëtök.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 49:11

“Yɛn bï kueer dït looi në kur kɔ̈ɔ̈th ku guiɛɛr kueer bïï kɔckï cath thïn.

Yith 49:12

Kɔckï abïk bɛ̈n të mec, në biäk të lɔ rut, ku të lɔ aköl athɛ̈i, ku në Athwan në biäk de wöuwic.”

Yith 51:10

Aa ye yïn ë tɔ wɛ̈ɛ̈r tɔ dëu aya ku loi kueer në pïïu yiic, ago kɔckuön kɔɔr bä ke kony wɛ̈ɛ̈r teem.

Yith 57:14

Aye Bɛ̈nydït lueel an, “Takkï kɔckï bɔ̈ ciëën tëdï. Nyaaikï ka ee keek gël në kuɛɛr yiic! Yiɛ̈kï kueer, ku guiɛɛrkï!

Yith 62:10

Kɔc ke Jeruthalem, lakkï biic në pänydït yic Ku luɔikï kueer de kɔckuön dök ciëën! Guiɛɛrkï kueer dït yic, nyaaikï kur thïn! Tääukï beer nhial ke bï ë juöör ŋic.

Dhep 2:7

Kɔc ke Juda cï döŋ apïr abïk pinydun dɔm. Yen bï kek ɣɔ̈k aa nyuääth thïn, ëlë thëën ke ke lɔ tɔ̈c në ɣööt ke Acekelon yiic. Bɛ̈nydït Nhialicden abï bɛ tɔ̈u ke keek, ku puk kenïïm athiɛɛiden.