Yith 11:14 - JAM DE NHIALIC 2011

¹⁴ Keek kedhie abïk Pilithiin aa mak të lɔ aköl athɛ̈i, ku yiɛkkï kɔc rɛ̈ɛ̈r të lɔ aköl amiäk. Ku abïk piiny ke kɔc ke Edom ku Mowap peec, ku abï ë kɔc ke Ammon keek riëëu.

Yith 11:14 ပူးပေါင်းရင်းမြစ်များ

Yith 14:29

Kɔc ke Pilithiin, thieny ɣɔn ee we dui ë dhuɔɔŋ, ku acïn kë duëër we tɔ mit piɔ̈ɔ̈th. Të thou ë kërac tök ke däŋ wär en ë rac ee rɔt lɔ̈ɔ̈k jɔt tëde. Tuɔŋ de kërac ee ŋuäl ee päär nhial kuem.

Yith 15:1

Kënë ee jam në biäk de Mowap. Pɛ̈ɛ̈nydït ke Ar ku Kir acï ke riɔ̈ɔ̈k në wɛ̈ɛ̈r tökic, ku jɔ piny de Mowap lɔ dïu ëbɛ̈n

Yith 16:14

Ku ënɔɔnë aye Bɛ̈nydït lueel an, “Në run kadiäk yiic ëdhöc, kuɛth dïït de Mowap abï määr. Ayï kɔc juëcke abïk thök, ee kɔc lik kek bï döŋ apïïr, ku abïk nïïm ciën riɛl.”

Yith 25:10

Bɛ̈nydït abï kuur ë Dhiɔn gël, ku kɔc ke Mowap abï ke dum yiic ë kɔc cök, cït man ye anin dum yic të nuɛɛi ë tiɔp.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Yith 59:19

Gɔl në të lɔ aköl amiäk leer të lɔ aköl athɛ̈i, raan ëbɛ̈n abï riɔ̈ɔ̈c në yen ku në riɛldïïtde. Abï bɛ̈n cï kuëër kiir, ku cït yom ril.

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Yith 63:1

“Eeŋa ë kë bɔ̈yë në pänydïït de Bothera nu ë Edom? Ku eeŋa kë ceŋ lupɔ amujuŋë, raan ril laath ë riɛl.” Ee Bɛ̈nydït, raan dïït ril ee kɔc kony, abɔ̈ bïï tiëmde bɛ̈n lɛ̈k kɔc.

Yith 9:12

Kɔc ke Thiriya të lɔ aköl amiäk ku Pilithiin të lɔ aköl athɛ̈i, acïk kethook ŋaam bïk Yithriɛl cuääl. Ku kënë aŋoot ke kën agönh ë Bɛ̈nydït tɔ thök, aŋoot ke nu ciin biic ke kɔɔr bï këtuc looi.

Jeremia 40:11

Na wën ke piŋ ë kɔc ke Judai kedhie, kɔc rɛ̈ɛ̈r ë Mowap, ku Ammon, ku Edom, ku wuöt kɔ̈k yiic, nɔn cïï melik de Babilonia kɔc ke Yithriɛl kɔ̈k tɔ rëër ë Juda, ku luɔi cï yen Gadalia tɔ ee bɛ̈ny.

Jeremia 48:40

Bɛ̈nydït acï gutguut lueel an, jur abï pɛ̈ɛ̈r ë Mowapic cït man ye cuɔɔr ye wuök peer,

Jeremia 49:2

Ku akööl abïkï akööl bän kɔc ke Rabba tɔ piŋ awuɔɔu de tɔŋ, ku abï nyääŋ piny ke cï riääk, ku bɛ̈ike abïï ke nyuɔp piny ë mac. Ku ëtɛ̈ɛ̈n Yithriɛl abï pinyde pɔ̈k nɔm ciëën tëde kɔc ɣɔn cï ye nööm tëde keek.

Jeremia 49:22

Kɔc ke ater abïk Bothera mak, cït man ye cuɔɔr lööny piny ke cï ye wuök peer. Yen ee köölë rem de tɔŋ de Edom abï riɔ̈ɔ̈c ë riɔ̈ɔ̈c de tiiŋ rɔ̈p.”

Jeremia 49:28

Kën ë lueel Bɛ̈nydït kï në biäk de dhiën de Kedar ku lɔ wuöt mɛc ë Ɣadhor keek, wuöt cï Nebukadnedhar melik de Babilon ke peec ë Edom an, “Makkï kɔc ke Kedar, ku riäk dhiën de kɔc nu të lɔ aköl amiäk!

Edhekiɛl 25:14

Kɔckiën ke Yithriɛl abïk yɛn guöör në Edom, ku abïk Edom tɔ yök agönhdï tuc në kegup. Yen abïï Edom ye ŋic nɔn cïï yen aa këdiën guöör Ɛn rɔt.” Bɛ̈nydït Awärjäŋ yen aa jam.

Danyel 11:41

Abï piny cï thiɛɛi yiɛ̈n tɔŋ aya, ku nɛ̈k aguum kathiëër ë kɔc, ku wuöt ke Edom ku Mowap, ku wuöt kɔ̈k ke kɔc ke Ammon cï döŋ abïk ban.

Jowɛl 3:19

“Rip abï döŋ ke ye jɔ̈ɔ̈r, ku Edom abïï puɔ̈l ke cï riääk, në luɔi cïï kek kɔc ke Juda kuur, ku näkkï kɔc cïn kë cïk wööc pinyden.

Amoth 9:12

Ka kɔc ke Yithriɛl abïk të cï döŋ në piny de Edom peec, ku peckï juöör ɣɔn ee ya cɔɔl rin ëbɛ̈n. Yen kë ë lueel ë Bɛ̈nydït bï kakë tɔ loi röt ëbɛ̈n ka.

Ɣabakuk 1:8

“Jöŋgöörken aŋickï riŋ awärkï kuëc. Ku ayek ŋɛny wär aŋuööth nɛ̈k cɔk. Ku remdɛn de tɔŋ cath ë jöŋgöör kɔ̈ɔ̈th, ayek bɛ̈n tëmec. Abïk ciët cuɔɔr nyuc ë lɛ̈n ŋueet kɔ̈u.

Dhep 2:5

Amawoou në week, wek kɔc cieŋ wɛ̈ɛ̈r yɔu, jur de Kereth! Bɛ̈nydït abï we luöi këtuc, wek Pilithiin cieŋ piny de Kanaan. Abï we riɔ̈ɔ̈k wedhie abïï ciën raan töŋ dɔ̈ŋ.

Dhep 2:7

Kɔc ke Juda cï döŋ apïr abïk pinydun dɔm. Yen bï kek ɣɔ̈k aa nyuääth thïn, ëlë thëën ke ke lɔ tɔ̈c në ɣööt ke Acekelon yiic. Bɛ̈nydït Nhialicden abï bɛ tɔ̈u ke keek, ku puk kenïïm athiɛɛiden.

Dhep 2:9

Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.

Kuɛ̈n 24:17

Yɛn ë ke bɔ̈ tueŋ tïŋ, aguɔ Yithriɛl tïŋ. Melik riäu cït man ë kuel abï tïc paan ë Jakop, Ku tiëc thieny ë baai de Yithriɛl. Abï bäny ke Mowap riɔ̈ɔ̈k, ku nɛ̈k kɔc ke Theth kedhie.

Math 8:11

Ku alɛ̈k week an, “Kɔc juëc abïk bɛ̈n të lɔ aköl amiäk, ku të lɔ aköl athɛ̈i, bïk ku nyuckï piny në Abraɣam ëtök, ku Yithaak, ku Jakop, ë ciɛɛŋ de paannhialic.

Bäny 6:3

Të de yen kɔ̈th ke rap cïï kɔc ke Yithriɛl ke com, ke kɔc ke Midian ku kɔc ke Amalek ku juöör kɔ̈k nu të lɔ aköl amiäk ayek bɛ̈n ku mɛkkï keek.