Yith 11:10 - JAM DE NHIALIC 2011

¹⁰ Ade kööl bɔ̈, kööl bïï ë melik däŋ bɛ dɔm në mei de Jethe ke yen ee kïn bï juöör aa nyuööth. Abïk kenïïm mat pänydɛn dït ë bääny ku gëmkï riëëu.

Yith 11:10 ပူးပေါင်းရင်းမြစ်များ

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

1 Lëk 2:12

Obed, ku Jethe.

Diɛt 116:7

Yɛn bï yapiɔ̈u päl piny ë määth, në biäk piɛth ë Bɛ̈nydït kekë yɛn.

Diɛt 145:11

Abï aa jam në biäk riɛl ë bäänydu ku jamkï ë biäk de riɛlduön dït,

Diɛt 149:5

Tɔ kɔc ke Nhialic mit piɔ̈ɔ̈th ë tiëmden ku bïk ruu ke ke ket diɛt ke miɛtëpiɔ̈u ë wɛ̈ɛ̈ric ëbɛ̈n.

Diɛt 91:1

Raan ëbɛ̈n raan ee lɔ thiaan tëde Bɛ̈nydït, raan ëbɛ̈n raan ye Nhialic Awärjäŋ gël.

Diɛt 91:4

Abï yï kum ë Yewuök, ku abï yï muk në Yeciin, piathëpiɔ̈nde ee köt ku abï yïn kony.

Yith 11:1

Acït man ye tim cï yep lɔ̈ɔ̈k nyok, yen acït mei de Jethe abï käude rɔt jɔt, ka melik cï piac dɔm abï bɛ̈n bei në käu de Debidic.

Yith 11:12

Bɛ̈nydït abï beer jat nhial, ke bï ë juöör ŋic nɔn mɛ̈ɛ̈t En kɔckɛn ke Yithriɛl ku kɔckɛn ke Juda yiic, kɔc cï thiäi. Ku bïï ke ciëën në aguuk ke piny yiic kaŋuan.

Yith 14:3

Bɛ̈nydït abï kɔc ke Yithriɛl tɔ dem në arɛɛmden ku nuanden ku luɔi tuc ɣɔn ye kuöt keek në riɛl an loikï.

Yith 2:11

Ade kööl bɔ̈, kööl bïï dït ye raan rɔ tɔ dït kääc, ku riäk lɛc. Ku ëtɛ̈ɛ̈n Bɛ̈nydït Yetök Yen abï aa mɔ̈k nhial.

Yith 2:2

Në akööl bï bɛ̈n tueŋë, kuur ee yen kɛ̈ɛ̈c ë Luaŋdït ë yenɔm abï aa yen ee tëde naamde në keek kedhie, aloocdïït bäär wär kur nïïm ëbɛ̈n. Juöör ke piny nɔm, abïk aa bɛ̈n kekë wɛ̈l röt ëtɛ̈ɛ̈n,

Yith 2:3

Ku abï kɔcke aa lueel an, “Bäkkï, lokku ë kuur ë Bɛ̈nydït nɔm të nu ë Luaŋdïït de Nhialic de Yithriɛl thïn, ku ëtɛ̈ɛ̈n abï wo nyuöth kë buk looi, wok bï cath në kueerdɛn cï lɔcic. Në biäk ye wëët ë Bɛ̈nydït bɛ̈n ë Dhiɔn, në Jeruthalem yen En jam ke kɔcke.”

Yith 28:12

Ë we gäm lɔ̈ŋ wedhie ku duöt ë piɔ̈u, ku wek cïï jaai bäk këde piŋ.

Yith 42:4

Acïï piɔ̈u bï bäp në aŋäth ku cïï bäp ë riëtëpiɔ̈u, abï yic looi ë pinynɔm. Piiny mec atitkï wëëtde aläl.”

Yith 49:22

Acïï Bɛ̈nydït Awärjäŋ lɛ̈k kɔcke: “Yɛn bï kïït nyuöth juöör, ku abïk mïthkun pɔ̈k nïïm baai.

Yith 59:19

Gɔl në të lɔ aköl amiäk leer të lɔ aköl athɛ̈i, raan ëbɛ̈n abï riɔ̈ɔ̈c në yen ku në riɛldïïtde. Abï bɛ̈n cï kuëër kiir, ku cït yom ril.

Yith 60:3

Juöör abï ke bɛ̈ɛ̈i në manydu nɔm, ayï meliik abïk bɛ̈n adurduur de köölduön ë piac ruu.

Yith 60:5

Wek bï ee kënë tïŋ ku wek bï thiäŋ në miɛtëpiɔ̈u, wek bïï ke lath, në miɛt cä wek piɔ̈ɔ̈th miɛt. Kajuëc ke juöör abïï ke yiɛ̈n week, Kajuëcken abïk bɛ̈n në wɛ̈ɛ̈r lɔŋ tui.

Yith 62:10

Kɔc ke Jeruthalem, lakkï biic në pänydït yic Ku luɔikï kueer de kɔckuön dök ciëën! Guiɛɛrkï kueer dït yic, nyaaikï kur thïn! Tääukï beer nhial ke bï ë juöör ŋic.

Yith 66:19

ku abïk ŋic nɔn ee Yɛn ee kɔc luöi këtuc. “Ku yɛn bï kɔ̈k pɔ̈l në keyiic ku tuɔɔc keek në juöör yiic ëbɛ̈n, ë piiny mec yiic, kɔc kën kɛkdï kɔn piŋ, ku kënkï dïtdï ku riɛldï tïŋ: të lɔ Tarcic, ku Put, ku Ludia, kekë kɔckɛn ŋic muny de dhaŋ, ku lee Tubal ku Girikii. Në ye juöörkë yiic abïk dïtdï lɔ luɛɛl.

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Ɣagai 2:9

Luaŋdït cï piɛc yïk, abï läk arëët awär ɣön wään tueŋ. Ku yɛn bï kɔckï tɔ kueth, ku gäm keek mät, Bɛ̈nydït de rɛm Yen aa jam.

Dhek 6:13

Ee yen abï Luaŋdït bɛ yïk, ke bï dhuëëŋ guöp cï melik, ku abï nyuc në thööny nɔm ke ye bɛ̈ny de kɔcke. Ku bɛ̈ny de kake Nhialic abï ya tɔ̈u në yelɔ̈ɔ̈m. Ku abïk dɛ rëër lɔ dïu në kaamden kaarou.’

Kuɛ̈n 10:33

Na wën, aa jäl kɔc ke Yithriɛl në kuur ë Bɛ̈nydït lɔ̈ɔ̈m, kuur ɣeric, acïk nïn kadiäk bɛ̈n nööm ke ke cath. Ku athänduŋde män ë Bɛ̈nydït ë keek bɛ̈n wat në ee nïnkë yiic kadiäk ke köör keek të bï kek lɔ piɔ̈ɔ̈t thïn.

Math 12:21

Ku rinke abï juöör ke aa ŋɔ̈ɔ̈th.”

Math 8:11

Ku alɛ̈k week an, “Kɔc juëc abïk bɛ̈n të lɔ aköl amiäk, ku të lɔ aköl athɛ̈i, bïk ku nyuckï piny në Abraɣam ëtök, ku Yithaak, ku Jakop, ë ciɛɛŋ de paannhialic.

Luk 2:32

Abï aa many bï juöör aa nyuööth, ku bï aa dhuëëŋ de jurduön Yithriɛl.”

Jɔn 12:32

Ku yɛn, të cï a jat nhial ë piny nɔm, kɔc kedhie abä ke miɛɛt të nuö yɛn.”

Luɔi 11:18

Na wën, aa cïk kake piŋ, ke ke jɔ lɔ lik, ku leckï Nhialic an, “Ee yic, Nhialic acï Juöör dhil gäm puŋdepiɔ̈u aya ke ke bï pïïr!”

Luɔi 28:28

Yen ŋiɛc wek cöökë, an, “Jam ë Nhialic ë biäk de kunydewëi acï tɔ yïnë Juöör, ku abïk dhil piŋ!”

Ɣeberuu 4:1

Ye ka, cït man ŋoot ë Nhialic ke cöl wook lɔ̈ŋ aɣet cï ënɔɔnë, jɔku röt tiit ke bï ciën kɔc bï döŋ ke ke cïï lɔ në ee lɔ̈ŋë yic.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.

Nyuuth 5:5

Na wën, ke ya yöökë raan tök ë röördït yiic, an, “Du dhiau: tïŋ, Köör ë dhiën ë Juda, ee Meei de Debid, acï tiam, në liëm bïï en awerek liep ku në kuëŋ bï en adɔ̈k kadhorou kuek.”