Yith 10:3 - JAM DE NHIALIC 2011

³ Eeŋö bä looi të le Nhialic yï luöi këtuc? Eeŋö bäk looi të le we lɔ yiɛ̈n riääk wun mec? Ee tënou bä wek kuɔɔny lɔ yök thïn? Ee tënou bä wek kajuëckun lɔ thiaan thïn?

Yith 10:3 ပူးပေါင်းရင်းမြစ်များ

Cäk 31:1

Ago Jakop aa piŋ ke ye mïth ke Laban lueel an, “Jakop ë kake wää nööm ëbɛ̈n. Ka kuɛthdɛnë ëbɛ̈n, ee kake wääda.”

2 Mel 7:15

Gokï ke kuany cök abïk ɣet në wɛ̈ɛ̈r de Jordan kɔ̈u, gokï kueer yökic ëbɛ̈n ke cï yic thiäŋ ke lupɔɔ, ku wëu ke ɣöötiic cï kɔc ke Thiriya cuat wei të wën riŋ kek ke ke bɛɛn röt wei. Go tuuc röt lɔ pɔ̈k ciëën ku lëkkï melik.

Jop 31:14

ke ya duëër lɔ në Nhialic nɔm adï? Duɛ̈ɛ̈r bɛ̈ɛ̈r adï të le Yen a bɛ̈n tïŋ?

Kɛ̈ŋ 11:4

Kuɛth acïn kony në kööl ë agɔ̈th, ee piathëpiɔ̈u yen ee raan kony wëi në thuɔɔu.

Yith 13:6

Arɔ̈ɔ̈l në arɛɛm! Kööl ë Bɛ̈nydït ë thiɔ̈k, kööl bï Nhialic Awärjäŋ riääk bɛ̈ɛ̈i.

Yith 17:4

Go Bɛ̈nydït lueel an, “Ade kööl bɔ̈, kööl bïï dhuëëŋ de Yithriɛl thök, ku juëc de kake abïï ë kuany ë nyin löökic.

Yith 20:6

Të lee köölë bɛ̈n, kɔc rɛ̈ɛ̈r në akɛɛth ke Pilithiin abïk lueel an, “Tiëŋkï kë cï rɔt luöi kɔc ye wok röt kan ë keek, bïk wo kony në melik de Athiriya! Buk be pïïr adï?”

Yith 26:14

Ënɔɔnë acïk thou ku acïkï bï bɛ pïïr, Atïïpken acïkï röt bï jɔt, në luɔi cïï Yïn ke luöi këtuc ku riäk keek. Acïn raan be ke tak ananden.

Yith 26:21

Bɛ̈nydït abɔ̈ të rëër en thïn paannhial, bï kɔc ke piny nɔm bɛ̈n luöi këtuc në biäk de awɛ̈ɛ̈cken. Kɔc ɣɔn ye luc në cuëër abïk ke nyuɔɔth, ku piny acïï kɔc ɣɔn cï nɔ̈k bï bɛ thiaan.

Yith 28:20

Wek bï jɔ ciët raan nu ë kääŋ yic, raan cï ye them bï tɔ̈c në agen cek aläl nɔm, ka acïn luöi ee yen rɔt riny, ku lupɔ ciek cï ye lëu në kum.

Yith 29:6

Bɛ̈nydït de rɛm abï we luök në rel ye deŋ rel arëët ku lɛthë piny. Abï amaŋdïït ril kekë many dɛ̈p arëët tuööc,

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Yith 30:5

kɔc ke Juda abïk röt tak në kë ŋɛ̈ɛ̈th kek jur cïn guöp kony, jur ee keek päl wei të kɔɔr kek kuɔɔny.”

Yith 30:7

Kuɔɔny ye Rip gam acïn naamde. Ka Rip acä cäk an, ‘Ŋuäl cïn kë lëu.”’

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Yith 39:3

Na wën ke tiët ë Nhialic Yithaya lɔ tëde melik Ɣedhekia, ku lop an, “Ë ke bɔ̈ tënou ku eeŋö cïk lueel?” Go ë Ɣedhekia bɛ̈ɛ̈r an, “Aake bɔ̈ piny mec, në Babilonia.

Yith 5:14

Paan ë thuɔɔu acïï cɔk dɔm në këden, acï yethok ŋaam arëët. Abï bäny ke Jeruthalem liek ëtök në kuut ke kɔc baai lɔ ke ke wou.

Yith 5:26

Abï kïït nyuɔɔth kïn cɔl En jur nu tëmec. Ku koth kaaŋ bïï ë kɔc piŋ ë piny thar. Agokï dap bɛ̈n ke ke riŋ aläl!

Jeremia 22:7

Yɛn tooc kɔc bï ye lɔ riɔ̈ɔ̈k. Abïk yëëpken bɛ̈ɛ̈i kedhie, ku yepkï waikɛn bɛ̈ɛ̈r ke tiim ke thidar piny, ku cuɛtkï keek ë macic.

Jeremia 4:30

Amawoou Jeruthalem! Eeŋö ee yïn cieŋ ë lupɔ amujuŋ thith? Eeŋö ee yïn adhɛ̈p tääu ku giit yïnyin? Yïn tɔ rɔt läk ke cïn kë bä yök thïn! Kɔc nhiaar yïn acïk yïn rɛɛc ku kɔɔrkï bïk yï nɔ̈k.

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Jeremia 9:9

Cä keek duëër luöi këtuc ë biäk de ee kakë? Cä rɔt duëër guöör ë jur cït ee kënë? Acä lueel, Yɛn Bɛ̈nydït.”

Ɣodh 5:13

“Na wën, aacï Yithriɛl rɔt yök acï tɔŋ thueet cït raan de jɔk, ku yök ë Juda rɔt acï thueet cït kë de guöp tëtöök, acïk bɛ̈n lɔ tëde meliŋdïït de Athiriya, le ke kony. Ku akën ë melik keek bɛ̈n lɔ kuɔny ku cïï keek tɔ ŋuɛ̈ɛ̈n, ku cïï tëtöökken tɔ dem.

Ɣodh 9:5

Ka bäk ŋö jɔ looi në akööl ke dhuëŋ ke Bɛ̈nydït cï lɔ̈c week?

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Amoth 5:19

Abï rac, ka abï ciët raan ë kɔt në köör, ku le piny rɔ̈m kekë köörayuääl. Ku cït raan ë lɔ ɣönde, na wën aa kɛn yeciin në päny, ke kɛc ë kërac.

Maika 7:4

Kɔc arackï kedhie, ku raan ŋuän ë keyiic acït kou, ku adhuɛ̈ŋden acït thil. Akööl acïk bɛ̈n, akööl ɣɔn cï tïtkun week yɔ̈ɔ̈k, akööl bï Nhialic we luöi këtuc. Ka ënɔɔnë, wek cï nïïm nuɔɔn.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Luk 19:44

Ku abïk yï rai piny abä nɔm kït we piny, yïn wekë mïthkuön nu ë yïyic, ku acïn kuur töŋ bïk nyääŋ piny ë kuur däŋ nɔm ë yïyic, luɔi kuc yïn kööl ë nɛ̈mduön cï yï neem!”

Nyöŋ 28:49

Bɛ̈nydït abï week yiɛ̈n jur bï bɛ̈n ë piny thar, jur kuöc wek thoŋde. Abïk lööny ë we kɔ̈ɔ̈th cï cuɔɔr.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.