Yith 10:27 - JAM DE NHIALIC 2011

²⁷ Të lee köölë bɛ̈n, wek bä lony yiëth në riɛl de Athiriya, ku kathieken acïkï bï bɛ aa ka dït thiek ë weyiëth.”

Yith 10:27 ပူးပေါင်းရင်းမြစ်များ

2 Tham 1:21

“Tɔ cïn thäc ayï deŋ tueny ë kur ke Gilbowa nïïm, ku tɔ duumken gäk ke ke cïï lok! Në biäk cïï kööt ke jööt döŋ ëtɛ̈ɛ̈n në ayäär, kön ë Thaulo akënë bɛ tɔc kɔ̈u ë miök.

Diɛt 105:15

“Duökï awuutkï cï lɔc jak, duökï tïtkï jak.”

Diɛt 132:10

Yïn cï gutguut luöi awundu Debid, du Yïnyin wel wei në melikduön cï lɔc guöp.

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 20:6

Ënɔɔnë aŋiɛc luɔi bïï Bɛ̈nydït melikdɛn cï lɔc luök, abï këde bɛ̈ɛ̈r paannhialdɛn ɣeric, ku abï gäm tiëmdït ë riɛlde.

Diɛt 45:7

Yïn nhiaar piathëpiɔ̈u ku man rɛ̈ɛ̈c. Yeka cïï Nhialic, Nhialicdu yïn tɔc në miök de miɛtdepiɔ̈u awär meliik kɔ̈k.

Diɛt 81:6

“Yɛn cï kathiek jat piny në yïkɔ̈u, Yïn cä tɔ tɛ̈ɛ̈u kutduön de thoop piny.

Diɛt 84:9

Thiei könda Nhialic, thiei raanduön cï tɔc!

Yith 14:25

Yɛn bï Athiriya riɔ̈ɔ̈k pinydiën ë Yithriɛl, ku duöm ke yiic në kurkï nïïm. Yɛn bï kɔckï luöny bei në yaaŋ de Athiriya yic, ku bɛ̈ɛ̈i kathiek ɣɛ̈ɛ̈ckï bei.

Yith 30:23

Të la wek kɔ̈thkun com, Bɛ̈nydït abï deŋ tuööc bï ke tɔ goŋ ku tɔ kakun lok abäk kajuëc tem, ku ɣɔ̈kkun abïk dɛ wal juëc nyuäthkï.

Yith 37:35

Yɛn bï ee pänydïïtë kony në biäk de dhuëëŋdï ku në biäk de gutguut cä lɛ̈k awundï Debid.’”

Yith 52:2

Teŋ rɔt abä nɔm lääu, Jeruthalem! Jɔt rɔt në abuui yic ku nyuc në thöönydu nɔm! Däkkï kuɛɛt cïï ë we duöt, wek yï nyan de Dhiɔn cï peec!

Yith 55:2

Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Yith 9:4

Në biäk cï yïn jonh cï ke duut dhuööŋ kɔ̈ɔ̈th ku thieec ɣɔn ye ke dui kët. Yïn ë juöör tiaam ɣɔn ee kɔcku yɔŋ ku rumkï keek, cït man wään tiɛɛm Yïn rem de tɔŋ de Midian.

Jeremia 30:8

Acïï Bɛ̈nydït de rɛm lueel an, “Të le ee köölë bɛ̈n, yɛn bï tïm cï duööt ë keyiëth dhoŋ kɔ̈u, ku bɛ̈ɛ̈i joth rek kek bei, ku acïkï bï bɛ aa lïïm ke alɛi.

Edhekiɛl 30:18

Mɔ̈ɔ̈th abï lööny ë Tapaneɣeth kɔ̈u, të le Yɛn riɛl de Rip dhoŋ kɔ̈u, ku ja riɛldɛn wään ye kek kenïïm lɛc tɔ thök. Luät abï Rip kuöm piny, ku kɔc ke pɛ̈ɛ̈nydïtke kedhie abï ke peec ke ke mac.

Lebai 7:35

Kënë ee biäk de miɔ̈c Bɛ̈nydït, miɔ̈c ye looi në mac, miɔ̈c wään cï gäm Aron kekë wɛ̈ɛ̈tke, në kööl ɣɔn gëm ë keek Bɛ̈nydït. Bïk Bɛ̈nydït aa luööi ke ke ye bäny ke kake Nhialic.

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Jɔn 1:41

Go Thimon mänhë guöp kɔn yök, ku lëk en, an, “Wok ë Mathia yök (yen aye Kërtho, në thoŋda).

Luɔi 4:27

Kɔc acïk guëër në yic, kɔc de ater në Yecu Wënduön ɣeric, Wënduön cï tɔc, yï Ɣerod ayï Pontio Pilato, kekë Juöör ku kɔc ke Yithriɛl, aake guëër tëtöŋë,

1 Jɔn 2:20

Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.