Yith 10:21 - JAM DE NHIALIC 2011

²¹ Kɔc lik ke Yithriɛl abïk bɛ̈n ciëën tëde Awärjäŋ Nhialicden.

Yith 10:21 ပူးပေါင်းရင်းမြစ်များ

Edhr 1:4

Ku raan cï döŋ ke pïïr ëbɛ̈n ë wuöt rëër kek thïn, ŋɛk abï kɔc jël ë yelɔ̈ɔ̈m aa kuɔny në atek, ku adhɛ̈p, ku ka kɔ̈k, ku läi ee käŋ ɣääc, ku miɔ̈c de dhuëëŋ, bï lɛɛr ɣön ë Nhialic në Jeruthalem.”

Yith 19:22

Bɛ̈nydït abï kɔc ke Rip luöi këtuc, ku ëtɛ̈ɛ̈n abï ke tɔ dem. Abïk röt pɔ̈k En, ku abï lɔ̈ŋden piŋ ku tɔ keek dem.

Yith 37:31

Kɔc nu ë Juda bï döŋ apïïr abïk thäär lɔ piny cït man ë tim cï meike ɣet ë tiɔpic ku lokkï ë mïth juëc.

Yith 46:3

“Piɛŋkï këdï, wek kuat de Jakop, wek baai de Yithriɛl cï döŋ ë bɛ̈n. Wek cä muk gɔl të wään ë dhiëëthë yïn.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 59:20

Aye Bɛ̈nydït lɛ̈k kɔcke an, “Yɛn bï bɛ̈n Jeruthalem bä we bɛ̈n luök, ku kuɔny week wedhie, wek kɔc cï luɔiduön de awɛ̈ɛ̈c pɔ̈l.

Yith 7:3

Go Bɛ̈nydït lɛ̈k Yithaya an, “Jɔt wënduön Ciir Jacup, ku lɔ kaŋ melik Aɣadh nɔm. Abä lɔ yök në kueer ye kɔc ee lupɔɔ kɔɔc luui thïn, të ye awuöl thok thök, awuöl ee pïïu bɛ̈ɛ̈i të thöny.

Yith 9:13

Kɔc ke Yithriɛl akënkï kepiɔ̈ɔ̈th puk, cakaa nɔn cï Bɛ̈nydït de rɛm ke luöi katuc, akënkï röt pɔ̈k En.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 50:20

Të le köölë bɛ̈n, acïn kërɛɛc bïï yök ë Yithriɛl, ku acïn luɔi rac ë Juda, në biäk bän kɔc cän wëiken pɔ̈l, päl awɛ̈ɛ̈c. Acä Lueel, Yɛn Bɛ̈nydït.”

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Ɣodh 7:10

Lɛc ye Yithriɛl rɔ leec, ee ye nyuɔɔth ë gɔk. Ku në ee kakë yiic kedhie, akënkï kenïïm puɔ̈k Bɛ̈nydït Nhialicden, ku kënkï kɔɔr.

Ɣodh 7:16

Acïkï röt ee be puɔ̈k Nhialic Awärjäŋ. Acïkï Yɛn ee bɛ cɔɔl në kepiɔ̈ɔ̈th ëbɛ̈n. Acïk röt goŋ cït dhaŋ ŋɔl kɔ̈u, bänyken abïk thou tɔɔŋ, në luɔi ye bänyken A läät. Abïk thou në akuöörkuöör, ku lee ke leeŋ piɔ̈ɔ̈th paan de Rip.

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.