Yith 10:13 - JAM DE NHIALIC 2011

¹³ Melik de Athiriya aɣɛ̈ɛ̈c yenɔm an, “Ee köŋdï yen ë loi yen ëbɛ̈n. Yɛn ril ku pɛl nɔm ku ŋiɛc käŋ. Yɛn cï akɛɛth nu ë kɛm ke juöör nyaai ku nääm kajuëc cïk kuɛ̈t röt. Yɛn ee cath ë kɔc tɔ̈u ëtɛ̈ɛ̈n kɔ̈ɔ̈th cït man ë thɔn.

Yith 10:13 ပူးပေါင်းရင်းမြစ်များ

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 16:8

Go Aɣadh ateek ku adhäm ë yök Luaŋdït, ku kak ë yök të ye käŋ tɔ̈ɔ̈u thïn ɣöndïït ë melik tɔ leerë ë kɔc, ke ke ye miɔ̈c yïnë melik de Athiriya.

2 Mel 17:24

Go melik de Athiriya kɔc bɛ̈ɛ̈i në Babilon, ku Kuth ku Yiwa ku Ɣamath, Theprapiam, ku tɛ̈ɛ̈u keek në wuöt ke Thamaria yiic wɛɛr kek kɔc ke Yithriɛl, gokï Thamaria nööm ku rëërkï në wuötke yiic.

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

2 Mel 18:11

Go melik de Athiriya kɔc ke Yithriɛl peec leerë ke Athiriya, ku tɔ kɔ̈k rɛ̈ɛ̈r wun cɔl Ɣala, ku tëthiääk ke Kiir de Ɣabor piny de Godhan, ku tɛ̈ɛ̈u kɔ̈k në wuöt ke Media yiic.

2 Mel 18:15

Go melik Ɣedhekia ye tuöc ateek ëbɛ̈n ku adhäm ë tɔ̈u Luaŋdït, ku kake yök të ye käŋ tɔ̈ɔ̈u thïn ɣön ë melik.

2 Mel 18:32

aɣet të bï melik de Athiriya we lɛɛr piny kït aläl kekë pinydun, piny bï yic de duum ke enap bï ke mɔ̈u aa looi, ku duum ke rap ago kuïn aa thaal, ee piny de tiim ke olip, ago miök de olip aa looi, ku miök de kiëc. Na lak kë cï yen we yɔ̈ɔ̈k looi, we cï bï thou, ku we bï pïïr. Duökï röt tɔ mɛth ë Ɣedhekia an bï Bɛ̈nydït we luök.

1 Lëk 5:26

Go Nhialic de Yithriɛl, Pul melik de Athiriya ku acɔl Tiglath Pilethar aya, go tɔ rum pinyden. Go dhiën de Ruben, ku dhiën de Gad, ku kɔc dhiën ë Manatha nu të lɔ aköl amiäk, ago keek peec. Ku nyuuc keek në Ɣala, ku Ɣabor, ku Ɣara, ku në Kiir de Godhan kɔ̈u, bïk ɣap aɣët ee köölë.

Kɛ̈ŋ 28:11

Raan kueth aduëër rɔt tïŋ cït ke pel nɔm, ku raan kuanynyin tiëër nɔm ee täu de ëraanë guɔ ŋic.

Yith 10:8

Ee rɔt leec an, “Raan ëbɛ̈n në bäny ke remdiën ke tɔŋ yiic, ee melik!

Yith 5:21

Amawoou në week! Kɔc ee röt tïŋ cï ka ŋic käŋ ku pɛlkï nïïm.

Jeremia 46:8

Rip ee thiɔɔr cï Kiir, acït kiir cï thiɔɔr në yekëc. Acïï Rip lueel an, ‘Yɛn bï rɔt jɔt ku kuöm piny nɔm ëbɛ̈n, yɛn bï pɛ̈ɛ̈nydït ku kɔc cëŋ ëtɛ̈ɛ̈n riɔ̈ɔ̈k.

Jeremia 48:14

“Röör ke Bethel, eeŋö ya wek ye lueel an yak jööt, jööt cï kɔn lɔ tɔŋ?

Edhekiɛl 25:3

lɛ̈kë keek bïk kë bä lueel yɛn Bɛ̈nydït Awärjäŋ piŋ: wek aake mit piɔ̈ɔ̈th bäk tëdiën ɣeric tïŋ ke cï dhiöök, ku tiëŋkï piny de Yithriɛl ke cï riɔ̈ɔ̈k, ku tiëŋkï kɔc ke Juda ke ke pec leer ë keek piny lei.

Edhekiɛl 26:2

“Mɛnh ë raan, kënë ee kë ye kɔc nu në pänydït de Tayer lueel ke ke mit piɔ̈ɔ̈th. Ayek cööt an, ‘Jeruthalem acï riääk! Riɛldɛn de ɣɛɛc ë käŋ ë jäl! Acïï bï bɛ teer ke wook taitai!’

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Edhekiɛl 35:13

Yɛn cï jam rɛɛc de lɛc ya wek ya jääm guöp piŋ.”

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Danyel 4:30

ke lueel an, “Tiëŋkï luɔi dïït ë Babilon! Aa yiɛ̈k ke ee pänydiëndït bän riɛldï kekë bäänydï ku dhuëëŋdï nyuɔɔth.

Amoth 5:27

të la Yɛn week tɔ pec, leerë week paan tɔ̈u në Damathko kɔ̈u ciëën.” Yen kë cïï Bɛ̈nydït lueel ka, ku rinke acɔl keek Nhialic Awärjäŋ.

Amoth 6:13

Wek ee röt lɛɛc në luɔi cä wek pänydït de Lodebar peec, ku lɛckï wenïïm an, ë we rum Karnaim në riɛldun. Yïn ee rɔt lɛɛc, “Wok aake ril buk Karnaim nööm.”

Ɣabakuk 1:11

Ku barkï yic ëthiäu cït man ë yom. Kɔc de gup gääk, ye riɛlden yanhden.

Ɣabakuk 1:16

Na lë, ke ke jɔ boiken lam, ku nyupkï keek miɔ̈c ë wɛ̈ɛ̈l ŋïr, ku lueelkï an, “Kek ë boikë, ayek yiëth ee kek tɔ wo kueth.

Ɣabakuk 2:6

Ku ade kööl bɔ̈ kööl bïï kɔc cïk peec keek bɛ dɔl gup, ku lëkkï keek an, “Wek ee kajuëc cie kakun nööm, Amawoou në week, Nhialic abï we luöi këtuc. Agut cï nɛn bä wek kuɛth cuuth në wëu yak dhɛ̈n kɔc ku bɛkï ke kɔ̈ɔ̈ny në riɛl?

Nyöŋ 8:17

Ka duökï ee tak nɔn cä wek röt tɔ kueth në riɛldun ku aŋoŋdun wapäc.

Bäny 7:2

Go Bɛ̈nydït Gidiɔn yɔ̈ɔ̈k an, “Kɔc rɛ̈ɛ̈r në yïn ajuëckï tëde yɛn, në luɔi bän ke tɔ tiam kɔc ke Midian abïk aa tak nɔn ë tiëm kek në riɛlden ku cïkkï ya be dhuëëŋ guöp.