Yith 10:12 - JAM DE NHIALIC 2011

¹² Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 10:12 ပူးပေါင်းရင်းမြစ်များ

2 Mel 19:31

Abï dɛ kɔc bï döŋ apïr ë Jeruthalem ku kuur ë Dhiɔn, cït man cïï Bɛ̈nydït e lueel an bï rɔt looi.

Diɛt 18:27

Yïn ee kɔc cï röt kuɔɔr piny kony, ku Ye kɔc ee röt lɛɛc kuɔɔr piny.

Diɛt 21:10

Acïn kuatdɛn bï döŋ ke pïïr, abïï melik ke nɔ̈k kedhie.

Diɛt 76:10

Agönh de kɔc ee rɔt puk ke ye lɛc leecë Yïnɔm tei, kɔc bï pïïr në tɔɔŋ thook, abïk Yïn aa luöi dhuëëŋ.

Diɛt 76:5

Jöötkɛn ril ke tɔŋ, acï keek yak ë kakɛn tɔ̈u tëde keek kedhie ku ënɔɔnë aninkï ë nïn ë thuɔɔu, riɛlden ëbɛ̈n kekë pɛlden ëbɛ̈n acï ciën naamde.

Kɛ̈ŋ 21:4

Daai de yic lɛc ku piɔ̈n cï thiäŋ ë lɛc, yen ee many alath ë kɔc ee karɛc looi ku yen ee kërac.

Kɛ̈ŋ 30:13

Ade kɔc kɔ̈k ee kenïïm ɣääc, ku ayek daai ke ke biɔn kɔc gup.

Yith 2:11

Ade kööl bɔ̈, kööl bïï dït ye raan rɔ tɔ dït kääc, ku riäk lɛc. Ku ëtɛ̈ɛ̈n Bɛ̈nydït Yetök Yen abï aa mɔ̈k nhial.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 24:21

Kööl abɔ̈, kööl bï Bɛ̈nydït riɛl nu nhial luöi këtuc, ku bäny mac piny.

Yith 27:7

Bɛ̈nydït akën Yithriɛl luöi këtuc arëët cït këtuc cï luöi kɔc ke aterden, ku akën näk në ke yiic aläl cït man ë kek.

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Yith 29:14

Në biäk de ee kënë, yɛn bï kagɛ̈iyë looi në kɔc yiic. Ku ta pɛlënɔm de röör pelnïïm tɔ cïn naamden, ku ta kɔc de ŋïnydekäŋ tɔ kuc käŋ.”

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Yith 37:23

Eeŋa ye tak, raan läätë ku dɔl guöp? Yïn cïï A riëëu Yɛn Nhialic Ɣeric de Yithriɛl.

Yith 37:29

Yɛn cï awerek jam në luɔi mëën yïn we Yɛn yök, ku lɛc leec yïn rɔt, ku ënɔɔnë yïn bä gɔn wum në alabithɔ, ku mäc yïthok joth, ku jat yïn pɔ̈k yïnɔm në kueer ɣɔn bï yïn.”

Yith 5:15

Raan ëbɛ̈n abï biɔɔn guöp, ku kɔc ee kenïïm mɔ̈k nhial në dït enɔm abï ke kuɔɔr piny.

Yith 50:11

Wek kɔc ee kiɛɛr rac luöi kɔc kɔ̈k wedhie wek bïï kiɛɛrduön rac yak luöi kɔc kɔ̈k nɔ̈k. Bɛ̈nydït guöpde abï ee kënë tɔ loi rɔt, wek bï nuan arëët.

Yith 65:7

në biäk de awɛ̈ɛ̈cken, ku awɛ̈ɛ̈c ke kuarken. Acïk wal ŋïr nyop në kur ke yiëth nïïm, ku luelkï karɛc në biäkdï. Ka abä keek luöi këtuc rɔ̈ŋ ke kathɛɛr cïk looi.”

Yith 9:9

Abï ë kɔc ke Yithriɛl ëbɛ̈n ŋic ayï raan rɛ̈ɛ̈r ë pänydït ë Thamaria abï ee kënë ŋic. Ku keek ënɔɔnë aɣɛ̈ɛ̈ckï kenïïm. Ayek lueel an,

Jeremia 25:29

Yɛn bï luɔidiën ë riääk gɔl ë pänydïïtdï. Yek tak bïk jäk ke kën luöi këtuc? Ei, abïï keek luöi këtuc, Yɛn lɔ tɔŋ tuöc kɔc ke piny nɔm kedhie. Acä lueel, Yɛn Bɛ̈nydït de rɛm.

Jeremia 50:18

Në biäk de ee kënë, Yɛn Bɛ̈nydït de rɛm, Nhialic de Yithriɛl, Yɛn bï melik Nebukadnedhar luöi këtuc kekë pinyde, cït man wään cän melik de Athiriya kɔn luöi këtuc.

Jeremia 50:32

Jurduön e guöp lɛc, abï tuëk ku wïïk, acïn raan bï ye kuɔny bä rɔt jat nhial. Yɛn bï pɛ̈ɛ̈nydïtku ɣök mac, ku këriëëc tɔ̈u ëtɛ̈ɛ̈n ëbɛ̈n abï riääk.”

Edhekiɛl 31:10

“Ku ënɔɔnë, Yɛn Bɛ̈nydït Awärjäŋ, yïn bä lëk kë bï rɔt lɔ luöi ee tim cï dït abï jɔ ɣet ë luäät yiic. Të le yen ke dït ee lɔ ke dït nɔm,

Edhekiɛl 31:14

Ku gɔl ënɔɔnë lee tueŋ, acïn tim bï bɛ dït ke bäär ke lɔ nhial cï yen, ku jiëp yenɔm nhial ë luäät yiic, cakaa yen ë ye piɔɔk. Keek kedhie abïk ŋoot ke ke thou cït mɛnh ë raan, abïk lɔ piny cï kɔc ee lɔ paan ë thuɔɔu.”

Danyel 11:45

Ku abï paanydɛndït ë bääny jɔ tääu piny në kaam de wɛ̈ɛ̈r kekë kuur ɣeric kɛ̈ɛ̈c ë Luaŋdït ë yenɔm. Ku abï thou, ke cïn raan töŋ nu ëtɛ̈ɛ̈n bï yen luök.”

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Kuɛ̈n 24:24

Kɔc rum baai abïk bɛ̈n në Kitim, Abïk Acuur kekë Eber peec, ku keek aya, abïk thou aɣet athɛɛr.”

Math 12:33

Yak tim tɔ piɛth, ku takï mïthke piɛth ayadäŋ, ku be an, “Cäk e tïŋ, ke we tɔ tim nhiany, ku takï mïthke nhiany ayadäŋ, tim aye ŋic në mïthke.

Math 15:19

Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac.

Nyöŋ 32:27

Ku yɛn cïï kɔc ke aterden bï tɔ lec röt, an, cïk kɔckï tiaam, ku ee yɛn në guöpdï yɛn ë dhoŋ ke piny

1 Pet 4:17

Kööl bï löŋ gɔl ë guiëër ɣön ë Nhialic kï, cï bɛ̈në: ku të cï e kɔn gɔl ë wook, ku kë bï kɔc yök rial bï ciët ŋö kekë kɔc ee wëlpiɛth ke Nhialic rɛɛc piŋ?