Yith 1:28 - JAM DE NHIALIC 2011

²⁸ Ku Yen abï raan ëbɛ̈n dhuɔŋ piny, raan lɔ Yen rɛɛc thok ku looi kë rac, abï raan cïï këde ee piŋ ëbɛ̈n nɔ̈k.

Yith 1:28 ပူးပေါင်းရင်းမြစ်များ

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 21:10

Kɔc ke Edom acïk Juda rɛɛc ku nömkï nɔmlääu ë kaam mec. Ku në ee kaamë yic pänydït de Libna acï Juda rɛɛc, në biäk cï Jeɣoram Bɛ̈nydït pɔ̈l Nhialic de kuarken.

2 Lëk 28:23

Go miɔ̈c näk gäm yiëth ke Thiriya wään cï yen tiaam ë tɔŋic. Ku lueel an, “Yiëth kë acïk melik de Athiriya kony, na cä keek näk, ka bïk yɛn dhil kony aya.” Kënë acï riäŋ dït bɛ̈n bɛ̈ɛ̈i ë yeguöp ku Yithriɛl ëbɛ̈n.

2 Lëk 28:6

Ee Bɛ̈nydït Nhialic de kuarken, Yen aa tɔ ee riäŋë tɔ bɔ̈ tëde keek, në biäk cïï kɔc ke Juda yen nyääŋ piny.

Jop 31:3

Ee kɔc ee karɛc looi tuöc riääk.

Jop 34:26

Yen ee kɔc ee karɛc looi kuum, ke ke woi raan ëbɛ̈n.

Jop 34:27

Në biäk cï kek mɔ̈l ke cïkï be kuany cök, ku yekï jamde dhɔɔtic.

Diɛt 1:6

Në biäk ŋic ë Bɛ̈nydït kueer de kɔc piɛthpiɔ̈ɔ̈th, ku kueer de kɔc rac ee thuɔɔu.

Diɛt 104:35

Në kɔc ee kërac looi riɔ̈ɔ̈r nyïïn ë pinynɔm, kɔc rac acïkï bï bɛ nu. Wek wëikï, thiɛikï Bɛ̈nydït! Lɛckï Bɛ̈nydït!

Diɛt 125:5

Ku të lui yïn kɔc rac këtuc luöiyë këtuc kɔc ee lööŋku rɛɛc aya. Mät abï tɔ̈u ke Yithriɛl.

Diɛt 37:38

ku kɔc de gup awɛ̈ɛ̈c abï ke riɔ̈ɔ̈k taitai, ku mïthken abï ke nyaai nyïïn.

Diɛt 5:6

Yïn ee kɔc ee lueth töör riɔ̈ɔ̈k kedhie, Yïn man kɔc ke akuöörkuöör, ayï kɔc ee mɛth.

Diɛt 73:27

Kɔc ee Yïn nyääŋ piny abïk thou ë yic, Yïn bï kɔc cïn adöt tëde Yïn riɔ̈ɔ̈k.

Diɛt 9:5

Yïn ë juöör ke pinynɔm nen, ku riäk kɔc ee karɛc looi. Acïï ke bï bɛ tak taitai.

Diɛt 92:9

Aŋicku nɔn bïï kɔc dɛk wek ater thou, ku kɔc ee karɛc looi abïï ke thiäi piny.

Kɛ̈ŋ 29:1

Raan ee cool ë jiëënyë yen ku cïï gäm, ee bɛ̈n dhuɔŋ ëthiäu ku acie bɛ piath anande.

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Yith 24:20

Piny guöpde abï tuëk ë käŋkäŋ cï raan cï wiɛɛt, ku tɛɛny rɔ cï kät beŋ ë amaŋ. Piny nɔm acïï awɛ̈ɛ̈cke tiaam, abï wïïk ku acïï rɔt bï bɛ jɔt.

Yith 30:13

Wek de gup awäc. Wek cït päny bäär cï kɔ̈u ɣaar nhial bïï piny, wek bï wïïk ëthiäu.

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Yith 50:11

Wek kɔc ee kiɛɛr rac luöi kɔc kɔ̈k wedhie wek bïï kiɛɛrduön rac yak luöi kɔc kɔ̈k nɔ̈k. Bɛ̈nydït guöpde abï ee kënë tɔ loi rɔt, wek bï nuan arëët.

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Yith 64:6

Wok de gup awɛ̈ɛ̈c wodhie, cakaa nɔn ye luɔidan piɛth ŋoot ke rac. Në biäk de awɛ̈ɛ̈ckuɔ, wok cï ciët yïth ke tiim ee biɔɔr ku gɔp yom keek.

Yith 65:11

“Ku abï wöc ke week, wek kɔc cï ya pɔ̈l, kɔc ee Dhiɔn biɔɔn, kuurdiën ɣeric. Ku lamkï Gad ku Meni, yiëth ke miɛtëguöp ku thök de pïïr ë raan.

Yith 66:17

Aye Bɛ̈nydït lueel an, “Thök de piny acï thiɔ̈k tëde kɔc ee röt waak në biäk de läm ë yiëth, kɔc ee lam në duum yaath yiic: ku yek cuet në rïŋ ke cuɔl ku kudhuur kacaam kɔ̈k mɛɛn Bɛ̈nydït.

Yith 66:24

“Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Jeremia 17:13

Bɛ̈nydït yïn aye aŋäth de Yithriɛl, kɔc cï yïn rɛɛc kedhie abïï keek tɔ yäär. Abïk määr cï rin cï gɔ̈ɔ̈r ë abuui yic, kɔc cï lɔ paan ë thuɔɔu, në biäk cï kek Yïn pɔ̈l, Yïn Bɛ̈nydït, Yïn awaŋ de pïïu piɛth.

Jeremia 44:12

Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

1 Tham 12:25

Ku na ŋuɔɔtkï ke we loi kërac, week ku melikdun wek bïï riɔ̈ɔ̈k.