Yith 1:23 - JAM DE NHIALIC 2011

²³ Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 1:23 ပူးပေါင်းရင်းမြစ်များ

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Bɛ̈n 23:8

Du yïthok ee tɔ kum, kumthok ee raan tɔ bai yic, ku mɛ̈ɛ̈r yic de kɔc cïn guöp awäc.

Kɛ̈ŋ 17:23

Raan ee karɛc looi ee kum thok nööm në cuëër, ke bï löŋ cï ŋiëc guiir riɔ̈ɔ̈k.

Kɛ̈ŋ 29:24

Raan ee cath ke cuɛ̈ɛ̈r aman pïïrde, në luɔi yen kuëŋ tëthiëëcë en ke cïï yic nyoth.

Yith 1:17

ku wɛ̈ɛ̈tkï bäk yic aa looi. Abäk dhil tïŋ ke yic ye looi, ku kuɔnykï kɔc cï yɔŋ, ku yak mïth abɛɛr gäm yicden ku kuɔnykï diëër abɛɛr.”

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Yith 1:22

Jeruthalem ɣɔn tueŋ yïn aa cït ateek, ku ënɔɔnë yïn ë ciɛ̈n naamdu, yïn aa cït mɔ̈u piɛth, ku ënɔɔnë yïn ë döŋ ke yï ye pïïu.

Yith 28:14

Në biäk de ee kënë piɛŋkï thöŋ bɔ̈yë tëde Bɛ̈nydït wek bäny ɣɛ̈ɛ̈c wenïïm nu ë Jeruthalem.

Yith 3:14

Bɛ̈nydït abï röördït ke wut, ku bäny ke kɔcke bɛ̈ɛ̈i ë luk nɔm. Aake gɔɔny an, “Wek ë duum ke tiim yak, ka ɣöötkun acïk thiäŋ në kak ë nämkï tëde kɔc kuanynyïïn.

Yith 30:1

Acïï Bɛ̈nydït lueel an, “Amawoou në kɔc mac Juda në biäk cïï kek ɛn rɛɛc. Akuanykï kïït kɛ̈n looi cök, ku gamkï män cie këde piɔ̈ndï, athɔckï awäc në awäc nɔm.

Yith 33:15

Wek duëër pïïr të ya wek yic lueel ku luɔikï. Duökï riɛldun tɔ ye kë math wek kɔc kuanynyïïn ku duökï kumthok ee nööm. Duökï ee mat në kɔc loi kiɛɛr de nääk de raan, ku nɔn loikï karɛc kɔ̈k.

Yith 5:23

Në kumthok yen aya wek kɔc de guöp gääk pɔ̈l, ku pɛ̈nkï kɔc cïn kë cïk wööc yicden.

Yith 65:2

Yɛn aaye rɔt guiir ë ceŋ bä kɔckï loor nïïm, kɔc ril nïïm ee awäc looi, ku loikï kakɛn kɔ̈k.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 32:32

në biäk de karɛc juëc cï kɔc ke Juda ku kɔc ke Jeruthalem ke looi, mɛ̈tkï ëtök në meliiken ku bänyken, ku bäny ke kake Nhialicden ku tïtken.

Jeremia 4:17

ku abïk pänydït de Jeruthalem tuɔɔk, cï kɔc tit dom, në biäk cïï kɔcke Bɛ̈nydït rɛɛc. Acïï Bɛ̈nydït lueel.

Jeremia 5:5

Yɛn bï lɔ tëde röördït, ku jam wo keek. Ee yic aŋickï kë kɔɔr ë Nhialicden, kë kɔɔr ë Bɛ̈nydït bïk looi.” Ku keek kedhie acïk bääny de Bɛ̈nydït rɛɛc ku acïk jaai bïk riëëu.

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Edhekiɛl 12:2

“Mɛnh ë raan, yïn rɛ̈ɛ̈r we kɔc cï löŋ rɛɛc. Keek adekï nyïïn, ku acïn kë yek tïŋ, adekï yïth, ku acïn kë yek piŋ, në biäk cï kek löŋ rɛɛc.

Edhekiɛl 22:27

Bäny ke luɔi de miric acïtkï aŋuööth tëër lɛ̈n cïk nɔ̈k. Ayek kɔc nɔ̈k në biäk bï kek kuɛth.

Ɣodh 4:18

Amatnɔm de dëëk ke mɔ̈u, të cï kek dek, ke ke lɔ diäär kɔɔr. Ayek piɔ̈ɔ̈th miɛt në ayäär, awär dhuëëŋden.

Ɣodh 5:10

Aye Bɛ̈nydït lueel an, “Bäny ke Juda acïtkï kɔc akɛɛth cïïc, ku nömkï piny biäk. Abä keek mool në agönhdï, ka abïk nuan.

Ɣodh 9:15

Aye Bɛ̈nydït lueel an, “Acä keek maan në biäk de awɛ̈ɛ̈ckɛn cïk wööc kedhie në Gilgal. Acä keek bï bɛ nhiaar. Abä keek cuɔp wei ɣöndï, në biäk de karɛckɛn cïk looi. Bänyken acïk wöc në Yɛn kedhie.

Amoth 5:12

Në biäk ŋiɛc Ɛn karɛckuön juëc cäk looi, ayï awɛ̈ɛ̈c tuc thook cäk keek wuööc. Wek ee kɔc piɛth wɛ̈l nïïm ater, ku nämkï kumthok, ku pɛ̈nkï kɔc kuanynyïïn yicden tëde gööny.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 3:9

Piɛŋkï ee kënë apiɛth, wek bäny dït ke baai de Yithriɛl. Wek kɔc man yic, ku yak yith puɔ̈ɔ̈k kɔ̈ɔ̈th ëbɛ̈n.

Maika 6:12

Kɔckɛn kueth ayek kɔc kuur, ku kɔcken ayek lueth töör, acïn yicdɛn yek lueel.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Dhek 7:10

Duökï diäär cïn nïïm röör ee yɔŋ, ayï abɛɛr, ku kamaan, ku kɔc kuanynyïïn. Ku cïn raan ee mänhë kiëër kiɛɛr rac në yepiɔ̈u.’

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Kuɛ̈n 22:7

Go röördït ke Mowap mɛ̈tkï në röördït ke Midian ariöp de cäär nööm ku jëlkï, lekkï tëde Balaam. Na wën acïk ɣet tëde Balaam, ke lëkkï ke cïï Balak lɛ̈k en.

Math 21:13

ku yöök keek an, “Acï gɔ̈ɔ̈r an, ‘Ɣöndï abï aa cɔl ɣön ë lɔ̈ŋ, ku week, acäk tɔ ye ɣön ë kɔc ee käŋ rum!”

Mak 11:17

Go ke wɛ̈ɛ̈t, yöök keek an, “Kënë gɔ̈ɔ̈r an, ‘Ɣöndï abï aa cɔl ɣön ye juöör lɔ̈ŋ thïn ëbɛ̈n?’ Ku week, acäk tɔ ye ruŋ ë kɔc ee käŋ rum!”

Luk 19:46

ku yöök keek an, “Ë gɔ̈ɔ̈r an, ‘Luaŋdiën dït ee ɣön de lɔ̈ŋ.’ Ku week, acäk tɔ ye ɣön ë cuɛ̈ɛ̈r.”

Luk 24:27

Na wën, ke ke wëër jam nu ë kacïgɔ̈ɔ̈r yiic kedhie, jam de yenguöp, gɔl ë Mothe aɣɔ̈l tït kedhie.

Nyöŋ 16:19

Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.

1 Tham 8:3

Ku mïth ke Thamwɛl akënkï luɔɔi de wunden kuany yic, gokï röt yal ë ruëëny yic, ku yek kum thok nööm, ku cïkï lööŋ ee ŋiëc guiir.