Yith 1:14 - JAM DE NHIALIC 2011

¹⁴ Yɛn man Dhuëëŋduön ë pɛɛi piac wil, ku akööl ke lɔ̈ŋ, ayek kathiek cän ke bäp në ɣɔ̈ɔ̈cden.

Yith 1:14 ပူးပေါင်းရင်းမြစ်များ

1 Lëk 23:31

ku tëde yen miɔ̈c ye nyop ëbɛ̈n gëmë Bɛ̈nydït ë kööl de thabath, ku dhuëëŋ de pɛɛi ë piac wil, ku dhuëŋ kɔ̈k. Lööŋ acï ke looi, lööŋ bï kuën de kɔc ke Lebai bï ee luɔiyë lɔ looi në ee kaamë yic ŋic. Kɔc ke Lebai acï ke gäm luɔi de läm ë Bɛ̈nydït aköölnyïïn kedhie.

Yith 29:1

Amawoou në Jeruthalem guöpde, yïïŋ de Nhialic! Amawoou në pänydïït ɣɔn cieŋ ë Debid! Takï ruöön ku nɔn ee run kaarou ke dhuëëŋ tëk,

Yith 29:2

ku ëtɛ̈ɛ̈n Nhialic abï riääk bɛ̈ɛ̈i pänydïït ye cɔl an, “yïïŋ de Nhialic.” Abï dɛ dhiëëu ku dhuöör, ku pänydït ëbɛ̈n abï ciët yïïŋ cï riɔk ëbɛ̈n në riɛm.

Yith 43:24

Wek kën a ɣɔ̈c wal ŋïr, nɔn takï ya kueth në kɔɔl ke läikun. Në nyinden yic wek cï ya doony në awɛ̈ɛ̈c, we cï ya tɔ bäp në awɛ̈ɛ̈ckuön yak ke looi.

Yith 61:8

Aye Bɛ̈nydït lueel an, “Yɛn nhiaar yic ku maan yaaŋ ku luɔi de karɛc. Yɛn bï kɔckï thieei në piɔ̈n piɛth ku luɔi män bï tɔ̈u athɛɛr wo keek.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Yith 7:13

Go Yithaya bɛ̈ɛ̈r an, “Piɛŋkï ënɔɔnë wek kuat ë melik Debid. Arac aläl tëde week bäk kɔc tɔ bäp piɔ̈ɔ̈th, ku kaarkï bäk Nhialic tɔ bäp piɔ̈u aya?

Ɣodh 2:11

Ku akööl ke dhuëŋken ëbɛ̈n, abä ke tɔ kääc kedhie. Dhuëŋ ke ruöön, ku dhuëëŋ de wil ë pɛɛi, ayï dhuëëŋ de Thabath, ku jɔ aa yen dhuëŋ cïk mäc röt ëbɛ̈n.

Ɣodh 5:7

Acïk Bɛ̈nydït luööi të cïn gäm. Ku mïthken acïkï ee mïth ke Nhialic. Ku abïï Nhialic keek riɔ̈ɔ̈k ayï duumken në biäk de dhuëëŋdɛn de wil ë pɛɛi ye kek yiëth guöt.

Amoth 2:13

Ku ënɔɔnë, wek bä miɛn piny, ka wek bï teer cït man ë jöŋgör mit abël cï thiɔ̈ɔ̈ŋ në rap.

Amoth 5:21

Aye Bɛ̈nydït lueel an, “Yɛn man kueer ya wek dhuëŋ ke Nhialic looi. Acä kɔɔr bä amɛɛtkun tïŋ taitai.

Dhek 11:8

Yɛn ë piɔ̈u bɛ̈n riääk wokë tïït kɔ̈kkë kadiäk, tïït man ɛn, guɔ ke nyaai nyïïn kedhie në pɛɛi tökic.

Malakai 2:17

Wek ë Bɛ̈nydït nuaan në jam. Ku wek ee lop an, “Cuk nuaan adï? Acäk nuaan në luɔiduön ya wek en lueel an, “Kɔc ee karɛc looi ëbɛ̈n, kek aye kɔc piɛth tëde Bɛ̈nydït. Ku luɛlkï an, ye Bɛ̈nydït piɔ̈u miɛt ke keek. Ku ayï lop ya wek lop ayadäŋ an, “Nu Nhialic ë nou, Nhialic de yic?