Yith 1:13 - JAM DE NHIALIC 2011

¹³ Acïn naamde të bɛ̈ɛ̈i wek miɔ̈ckun, ee gök de kërɛɛc maan yen miɔ̈c de wal ŋïr cäk nyop, ku yɛn cïï dhuëŋkuön ke yï pɛɛi ë piac wil duëër gam, ayï kööl ë Thabath ku lɔ kööl de lɔ̈ŋ de amatnɔm, acïï awɛ̈ɛ̈ckun ke riɔ̈ɔ̈k ëbɛ̈n.

Yith 1:13 ပူးပေါင်းရင်းမြစ်များ

2 Mel 4:23

Ago lueel an, “Eeŋö lɔ kɔɔr tëde yen ee köölë? Acie Thabath, ku cie Dhuëëŋ de wil ë Pɛɛi.” Go pɔ̈k nɔm en an, “Ee këpiɛth.”

1 Lëk 23:31

ku tëde yen miɔ̈c ye nyop ëbɛ̈n gëmë Bɛ̈nydït ë kööl de thabath, ku dhuëëŋ de pɛɛi ë piac wil, ku dhuëŋ kɔ̈k. Lööŋ acï ke looi, lööŋ bï kuën de kɔc ke Lebai bï ee luɔiyë lɔ looi në ee kaamë yic ŋic. Kɔc ke Lebai acï ke gäm luɔi de läm ë Bɛ̈nydït aköölnyïïn kedhie.

Diɛt 78:40

Ee raandï yen cï kek agɔ̈th looi në yen ë jɔ̈ɔ̈ric, ee raandï yen ye kek En tɔ göth!

Bɛ̈n 12:16

Wek bï lɔ̈ŋ de amatnɔm ɣeric looi në kööl tueŋ, ku be amatnɔm ɣeric lɔ̈ŋ në kööl ye akööl dhorou. Acïn luɔi bï ya looi në aköölkë yiic, ee këcam yen abï ya thaal.

Kɛ̈ŋ 21:27

Ka näk ye kɔc ee karɛc looi gam ee gök de kërac mɛɛn Bɛ̈nydït, ku ee jɔ rac arëët tëde yenic kiɛɛr rac.

Kɛ̈ŋ 7:14

“Yɛn aa gɛm miɔ̈cdï ee köölë, ka yɛn de nɔm rïŋ.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Yith 66:3

“Kɔc ayek ka nhiaarkï looi. Käŋ ëbɛ̈n akïtkï tëde keek: raan cï thɔn nɔ̈k acït raan ë näk raan, ku raan cï nyɔɔŋ amääl nɔ̈k acït raan ë dhoŋ jö yeth, ku raan ë gɛm miɔ̈c ë rap acït raan ë gɛm riɛm de kudhur, ku raan ë gɛm wal ŋïr nɔn ee läŋ acït raan ë lam yiëth. Ayek piɔ̈ɔ̈th miɛt në kuɛɛr rac ke läm.

Dhiëëu 2:6

Acï Luaŋdït ye wok E lɔ̈ŋ thïn riɔ̈ɔ̈k abï lɔ thorthor. Bɛ̈nydït acï akööl ɣeriic ku akööl ke Thabath tɔ kääc. Melik ayï bɛ̈ny de kake Nhialic keek kedhie, acïk atuöc de agönhde yök.

Edhekiɛl 20:39

Acïï Bɛ̈nydït Awärjäŋ lueel an, “Ku ënɔɔnë, wek baai de Yithriɛl, takï we piɔ̈ɔ̈th mit! Luööikï yiëthkun! Ku wek jääny, në ee kake cök, wek bï ya dhil riëëu, ku pälkï luɔi ya wek rinkiën ɣeriic yɔ̈ɔ̈r, në gɛm ya wek miɔ̈c gäm yiëthkun.

Ɣodh 2:11

Ku akööl ke dhuëŋken ëbɛ̈n, abä ke tɔ kääc kedhie. Dhuëŋ ke ruöön, ku dhuëëŋ de wil ë pɛɛi, ayï dhuëëŋ de Thabath, ku jɔ aa yen dhuëŋ cïk mäc röt ëbɛ̈n.

Jowɛl 1:14

Caalkï thɛ̈k ɣeric, calkï amatnɔm! Matkï röördït nïïm ku kɔc cieŋ piny ë Juda kedhie bäk lɔ Luaŋdïït de Bɛ̈nydït Nhialicdun, ku läŋkï Bɛ̈nydït.

Jowɛl 2:15

Kuɔthkï kaaŋ në kuur ë Dhiɔn nɔm, caalkï thɛ̈k, ku calkï amatnɔm ɣeric!

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Kuɛ̈n 10:2

“Loi kɛŋ ke atek kaarou në atek cï deŋ, ke bï yïn ke akutnɔm de kɔc aa cɔɔl, ku lueel yïn ke kuɛth kuëëth ë kɔc.

Math 15:9

Läm lɛm kek ɛn ee këɣɔ̈ric tei, Na wëët ee kek kɔc wɛ̈ɛ̈t ë lööŋ ke kɔc tei.

Luk 11:42

“Amawoou në week, wek Parithai! We ye wal juaar, yï mint, ku rue, ku wäl ëbɛ̈n, gämkï Nhialic töŋ wën thiëër kek, ku yak guiëërëlöŋ wööc yic kekë nhiëër ë Nhialic. Kakë adï cäk ke dhil aa looi, ku cäkï kakë awën ee pɔ̈l ayadäŋ.

1 Kor 11:17

Ku në cöökë cöök bä lɛ̈k week ënɔɔnë, we cä lec, ënɔn ë ya wek guëër, acie piathdun, ee rac en aya wek guëër.

Epethiei 4:30

Duökï Wëidït ɣer ke Nhialic tɔ dhiau piɔ̈ɔ̈th, Wëi cï we gɔ̈ɔ̈r piɔ̈ɔ̈th ë keek aɣet kööl ë wɛ̈ɛ̈r wëërë kɔc bei ëliŋliŋ.

Pilipoi 1:15

Kɔ̈k ayek ka ke Kërtho guiir në tiɛɛl tei, kekë ater, ku guiir kɔ̈k në piɔ̈n piɛth aya.