Wɛ̈ɛ̈t 9:2 - JAM DE NHIALIC 2011

² Acïn akeu, Yen ee thon töŋë ee bɛ̈n tëde kɔc ee karɛc looi ku kɔc piɛthpiɔ̈ɔ̈th, ku kɔc piɛth ku kɔc rac, ee kë töŋë yen ee raan ëbɛ̈n yök, ee kë töŋë tëde raan piɛthpiɔ̈u ku raan ee karɛc looi, ku ee kë töŋë tëde raan piɛth ku raan rac, ee kë töŋë tëde raan ee miɔ̈c näk gam ku raan cïn kë ye gam. Cït man nu yen kekë raan piɛth anu kekë raan rac aya, ku nu kekë raan ee gutguut lueel anu kekë raan ee riɔ̈ɔ̈c në luɛl ë gutguut.

Wɛ̈ɛ̈t 9:2 ပူးပေါင်းရင်းမြစ်များ

Cäk 24:3

Yïn kaar nɔn bï yïn kuëëŋ në rin ke Bɛ̈nydït, Nhialic de paannhial ku piny, nɔn cïn wëndï bï lɔ̈c tik në duet ke Kanaaniic, duet ke kɔc rɛ̈ɛ̈r ɛn wo keek.

Jop 9:22

Akït ëbɛ̈n, yen a luɛɛl ɛn en an, aye ke riɔ̈ɔ̈r nyïïn kedhie, kek kɔc cïn guup awɛ̈ɛ̈c ayï kɔc ee karɛc looi.

Diɛt 73:3

në luöi cï tiɛɛl ya dɔm në biäk de kɔc ee röt lɛɛc, wën tiëŋ ɛn pïïr ke piɛth ke kɔc ee karɛc looi.

Wɛ̈ɛ̈t 2:26

Raan ee Nhialic tɔ mitpiɔ̈u aye gäm pɛlënɔm, ku ŋïnydekäŋ ku miɛtëpiɔ̈u, ku raan ee karɛc looi aye Nhialic gäm luɔɔi de mɛ̈ɛ̈t ë käŋiic ku kun de käŋ nïïm, bï ke lɔ gäm raan mit ë Nhialic piɔ̈u ke yen. Kënë ayadäŋ ee ɣɔ̈ric, acït cum de yom cök.

Wɛ̈ɛ̈t 3:19

Ku cït man ee raan thou, lɛ̈i ee thou ayadäŋ, ayek wëi kedhie, ku ayek thou kedhie. Raan acïï ŋuän në lɛ̈i, këriëëc ëbɛ̈n ee ɣɔ̈ric.

Wɛ̈ɛ̈t 6:6

Cakaa yen ë duëër pïïr agum de ruöön raanrou, ku cïn miɛtëpiɔ̈u cï cak yök në kake yiic, ke yen ee tëtöŋë yen ale kek thïn.

Wɛ̈ɛ̈t 7:18

Apiɛth bä kënë looi, ku du däŋë päl, ye tɔ̈u në kaamic, ku raan ee Nhialic riëëu aduëër poth në keyiic kedhie.

Wɛ̈ɛ̈t 7:2

Lɔ de raan ɣön ë dhiëëu aŋuän në lɔ ɣön ë dhuëëŋ, në luɔi ye thuɔɔu kɔc pïïr täk nïïm nɔn yen kueer le ë mɛnh ë raan thïn ëbɛ̈n ka.

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Wɛ̈ɛ̈t 9:3

Kënë ee kërac në käŋ kedhie ka ye looi ë piny nɔm, ee kë töŋë ee bɛ̈n tëde kɔc kedhie. Ku ayadäŋ, të pïïr kek ë piny nɔm ayek piɔ̈ɔ̈th thiäŋ në karɛc ku tɔ̈u miɔ̈ɔ̈l në kepiɔ̈ɔ̈th, ku ëtɛ̈ɛ̈n ke ke jɔ lɔ paan ë thuɔɔu.

Jeremia 43:6

Gokï röör, ku diäär, ku mïth, ku duet ke melik jɔt. Ku jɔtkï kɔc kedhie kɔc wään cïï Nebudharadan bɛ̈ny tueŋ de rem de tɔŋ nyäŋ Gadalia bïï ke tiit, ayï Baruk kekë tiët Jeremia.

Malakai 3:15

Cït man ye wok en tïŋ ënɔɔnë, luɔi yen kɔc ɣɛ̈ɛ̈c kenïïm kek ee röt yök cït ka cï thieei. Ku kɔc ee karɛc looi kek akueth, ku ayek Nhialic them aya në karɛckɛn yek looi, ku cïn kë yök keek.’

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

1 Tham 14:26

Wën cï kek lɔ rooric gokï kiëcdït tïŋ ke wɛ̈t bei, ku acïn raan cï ye bɛ̈n jak, në baŋ riɔ̈ɔ̈c kek në gutguut.