Wɛ̈ɛ̈t 9:11 - JAM DE NHIALIC 2011

¹¹ Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Wɛ̈ɛ̈t 9:11 ပူးပေါင်းရင်းမြစ်များ

2 Tham 17:14

Na wën ke lueel Abthalom ku kɔc ke Yithriɛl an, “Kë cïï Ɣucai raan de Arkit lueelë yen aŋuän në kën ë lëk ë Aɣithopel wook.” Acïï Bɛ̈nydït guiir nɔn cïï täŋ piɛth de Aɣithopel bïï gam, ke bï riääk bɛ̈ɛ̈i në Abthalom guöp.

2 Tham 17:23

Na wën aacï Aɣithopel ye tïŋ nɔn cïï Yithriɛl jamde rɛɛc, go mulde duöt kɔ̈u ku jël lee paanden. Na wën cï kake guiir kedhie, ke jɔ rɔt lɔ nöök. Go thou ku tɔ̈ɔ̈u në raŋ de yïï wun yic.

2 Lëk 20:15

Go Jaɣadhiel lueel an, “Yïn melik ku wek ke kɔc ke Juda ku Jeruthalem, acïï Bɛ̈nydït lueel nɔn cä wek piɔ̈ɔ̈th bï jiɛth, ku cäkï riɔ̈c bäk lɔ rɔ̈m në ee rem dïïtë. Tɔŋ ee këde Nhialic, acie këdun.

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Diɛt 76:5

Jöötkɛn ril ke tɔŋ, acï keek yak ë kakɛn tɔ̈u tëde keek kedhie ku ënɔɔnë aninkï ë nïn ë thuɔɔu, riɛlden ëbɛ̈n kekë pɛlden ëbɛ̈n acï ciën naamde.

Kɛ̈ŋ 1:5

Kek ee kɛ̈ŋkë aduëërkï raan pelnɔm ŋuak aya në pɛlënɔm, ku gëmkï raan ë käŋ yökiic kïït lɔ gɔk.

Wɛ̈ɛ̈t 2:12

Guɔ rɔt jɔ puk, ku tak yanɔm bä pɛlënɔm kekë miɔ̈ɔ̈l ku pialëpiɔ̈u tïŋ. Eeŋö duëërë raan bɔ̈ ë melik cök jɔ looi, kë kën ë kɔn looi?

Wɛ̈ɛ̈t 3:14

Aŋiɛc an, këriëëc ëbɛ̈n ee Nhialic looi, abï rëër aɣet athɛɛr. Acïn kë duëërë ye ŋuak nyin ku acïn kë duëërë nööm thïn. Aye Nhialic looi ago kɔc yen riëëu.

Wɛ̈ɛ̈t 3:17

Guɔ jɔ lɛ̈k rɔt an, “Nhialic abï löŋ de kɔc guiir atuc kedhie, kɔc piɛth piɔ̈ɔ̈th ku kɔc rac. Në biäk de yen kööl cï Nhialic kiëët në baŋ ë luɔɔi ku këriëëc ëbɛ̈n.

Wɛ̈ɛ̈t 4:1

Guɔ bɛ daai, ku tiëŋ yaaŋ loi rɔt ëbɛ̈n ë piny nɔm, dhiën dhiɛɛu ë kɔc yɔŋ keek, ku acïn raan dut ke piɔ̈ɔ̈th ku kony keek: ku kɔc ee keek yɔŋ adekï nïïm riɛl.

Wɛ̈ɛ̈t 4:4

Ku yɛn cï kënë kɔc tɔ lui aläl ŋic, ee biäk ye kek kakë kɔc thiääk ë keek woi, ku ee kë ɣɔ̈ric, acït cum de yom cök.

Wɛ̈ɛ̈t 7:13

Ye luɔɔi de Nhialic tak. Eeŋa duëër kë cï Nhialic tɔ ŋɔl bɛ nyɔk ë rïc?

Wɛ̈ɛ̈t 9:2

Acïn akeu, Yen ee thon töŋë ee bɛ̈n tëde kɔc ee karɛc looi ku kɔc piɛthpiɔ̈ɔ̈th, ku kɔc piɛth ku kɔc rac, ee kë töŋë yen ee raan ëbɛ̈n yök, ee kë töŋë tëde raan piɛthpiɔ̈u ku raan ee karɛc looi, ku ee kë töŋë tëde raan piɛth ku raan rac, ee kë töŋë tëde raan ee miɔ̈c näk gam ku raan cïn kë ye gam. Cït man nu yen kekë raan piɛth anu kekë raan rac aya, ku nu kekë raan ee gutguut lueel anu kekë raan ee riɔ̈ɔ̈c në luɛl ë gutguut.

Wɛ̈ɛ̈t 9:3

Kënë ee kërac në käŋ kedhie ka ye looi ë piny nɔm, ee kë töŋë ee bɛ̈n tëde kɔc kedhie. Ku ayadäŋ, të pïïr kek ë piny nɔm ayek piɔ̈ɔ̈th thiäŋ në karɛc ku tɔ̈u miɔ̈ɔ̈l në kepiɔ̈ɔ̈th, ku ëtɛ̈ɛ̈n ke ke jɔ lɔ paan ë thuɔɔu.

Jeremia 46:6

Kɔc ee riŋ aläl acïkï bï ban, ku rem ë tɔŋ acïkï bï poth. Abïk kɔ̈th ë kueer lɔ të lɔ rut ku wïïkkï ë wɛ̈ɛ̈r ë Yuparat yɔu.”

Jeremia 48:14

“Röör ke Bethel, eeŋö ya wek ye lueel an yak jööt, jööt cï kɔn lɔ tɔŋ?

Jeremia 9:23

Aye Bɛ̈nydït lueel an, “Kɔc pelnïïm ë ke cïï röt ee leec në pɛlënɔmden, ku kɔc ril ë ke cïï röt ee leec ë riɛlden, ku kɔc kueth ë ke cïï röt ee leec ë kuɛthden.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Nyöŋ 8:17

Ka duökï ee tak nɔn cä wek röt tɔ kueth në riɛldun ku aŋoŋdun wapäc.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

1 Tham 17:50

Ku ëtɛ̈ɛ̈n, Debid ë Goliath bɛ̈n nɔ̈k në kɔɔi ë nipla të cïn abätäu.

1 Tham 6:9

Ku woikï na bïï lɔ, na le yenɔm wɛl wun cɔl Beth Cemec, ke ŋiɛckï nɔn Yen Nhialic de Yithriɛl Yen ë yïn wook ee jɔɔkë. Ku na kën yenɔm wɛl Beth Cemec, ka abuk jɔ ŋic nɔn cie Yen ë yïn wook ee jɔɔkë, ka jɔɔk aake bɔ̈ kapäc tei.”