Wɛ̈ɛ̈t 9:10 - JAM DE NHIALIC 2011

¹⁰ Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Wɛ̈ɛ̈t 9:10 ပူးပေါင်းရင်းမြစ်များ

Cäk 37:35

Ago wɛ̈ɛ̈tke guëër ë yelɔ̈ɔ̈m, ayï duetke, bïk bɛ̈n luk piɔ̈u. Go kɛ̈n gam në luk. Go lueel an, “Yɛn bï mɛnhdï dhiëëu agut të bän lɔ paan ë thuɔɔu.” Ku ŋoot ke dhiëëu Jothep wënde.

1 Lëk 22:19

Ënɔɔnë luööiyë Bɛ̈nydït Nhialinydu në piɔ̈ndu ëbɛ̈n, ku wëiku ëbɛ̈n. Gɔl yïŋ de tëɣeric, ke yï bï Athänduŋ de män de Bɛ̈nydït tääu thïn, ku lɔ ka kɔ̈k ɣer yiic ye kɔc ke läm looi.”

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

Neɣe 2:12

Na ɣɔnakɔ̈u ke ya jɔt rɔt wokë kɔc lik cath në yɛn, ku lɛ̈n töŋ ëtɔ̈u ke wook ee mul ëcath ɛn ë yekɔ̈u, ku cïn raan töŋ cä lɛ̈k kë cïï Nhialic tääu në yapiɔ̈u bä luöi Jeruthalem.

Neɣe 4:2

në kɔcken nïïm ku rem de tɔŋ de Thamaria nïïm lueel an, “Eeŋö ye Judai tak bïk looi kek ee kɔc kɔ̈ckë? Kɔɔrkï bïk pänydït nyɔk në yïk? Yek tak në miɔ̈c yek gam, duëër luɔi tɔ thöl në kööl tök? Duëërkï kur ke yïk looi në thomthoom ke kur cï nyop?”

Neɣe 4:6

Ëtɛ̈ɛ̈n wok cï jɔ lɔ ke wo nyɔk kal në yïk, ku acuk wil thok ëbɛ̈n në yïk, ku jɔ kɔ̈ɔ̈c ë kaamic ke lɔ nhial në biäk ë de kɔc piɔ̈ɔ̈th luɔi arëët.

Jop 10:21

Ke ya kën kɔn lɔ të cïï raan e nɔm ee bɛ lɔ dɔ̈kë, ee të col ë cut ku ee gök de mɔ̈ɔ̈th,

Jop 10:22

ee gök de paan de atïïp, ku mɔ̈ɔ̈th, ku anuɔɔn, ku ɣɛɛr ee yen ee mɔ̈ɔ̈th ëtɛ̈ɛ̈n.

Jop 21:13

Kek ee kɔckë ayek aköölken thöl në miɛtëpiɔ̈u, ku jɔkï bɛ̈n lɔ ë määth paan ë thuɔɔu.

Diɛt 6:5

Acïn raan ee Yïn tak paan ë thuɔɔu, acïn raan duëër Yïn leec ëtɛ̈ɛ̈n.

Kɛ̈ŋ 3:28

Du kɔn lɛ̈k kɔc rɛ̈ɛ̈r në yïn an, “Abä tïŋ tei miäk, të lëu yïn en nɔn duëër yïn ke kony ee köölë.

Wɛ̈ɛ̈t 11:3

Na cï luäät thiäŋ ë pïïu, aye wäl ë piny nɔm, ku na cï tim wïïk të lɔ wöuwic, ku nɔn ee të lɔ rut, të cï yen wïïk thïn, yen aye yen tɔ̈u thïn.

Wɛ̈ɛ̈t 11:6

Ye com miäk rial ku thëën ayadäŋ. Në baŋ kuc yïn nɔn ee cum tök yen bï piath awär däŋë, ku nɔn bï kek luɔk kedhie.

Yith 38:10

an, “Aa ya cät an aköölkiën ke miɛtëpiɔ̈uwë. Yɛn bï lɔ paan ë thuɔɔu runkiën kɔ̈k ke pïïr abï ke tɛɛm wei.

Jeremia 29:13

Yïn bï ya kɔɔr, ku yïn bï Yɛn yök, në biäk bï yïn Yɛn kɔɔr ë piɔ̈ndu ëbɛ̈n.

Kuɛ̈n 13:30

Go Kalep kɔc wën cï guëër në Mothe lɔ̈ɔ̈m miɛɛm thook, ku lueel an, “Jëlku ënɔnthiinë, lok rumku piny. Wok ril, abuk rum.

Math 20:7

Gokï bɛ̈ɛ̈r an, “Ee luɔi cïn en raan cï wo tɔ lui wëu. Go ke yɔ̈ɔ̈k an, “Lakï domic week, ke we bï miɔɔc ë këpiɛth.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Jɔn 4:34

Go Yecu ke yɔ̈ɔ̈k an, “Luɔi luɔi ɛn këde piɔ̈n ë raan ë toc ɛn, ayï thöl bän luɔide thöl, yen aye këcamdï.

Jɔn 5:4

Ade tunynhial ë Bɛ̈nydït ee bɛ̈n piny le ë awuölic ëkööl mɛɛn, bï pïïu bɛ̈n weer: ku raan ë kɔn lɔ ë pïïu yiic, të cï ke weer, ka bï waar ë juändɛn nu ë yeguöp.

Jɔn 9:4

Yɛn bï luɔi dhil aa looi, luɔi ë raan ë toc ɛn, të ŋootë piny ke ye aköl: wakɔ̈u abɔ̈, të cïn raan duëër luui.

Romai 12:11

Ë cïn raan ë rɔt dak ë luɔide, yak yiic lëth në Wëidït, yak ka ke Bɛ̈nydït looi.

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

1 Kor 16:10

Të cï Timotheo bɛ̈n, ke takï rɛ̈ɛ̈r kekë week ke cïn riɔ̈ɔ̈c, ee luɔi de Bɛ̈nydït looi acït man ë yɛn aya.

1 Kor 9:24

Ku na kɔc ë wöör, kuöckï keek nɔn wɛ̈ɛ̈r kek kedhie, ku raan tök en aye miɔɔc ë këdäŋ? Yen aa wek wöör wäkya, ke we bï miɔɔc.

1 Kor 9:26

Yen aya yɛn riŋ aya, ku acïï cït ke cïn naamde, ku yɛn ee biök aya, ku acït nɔn aa yɛn pëëric biɔ̈ɔ̈k tei:

Epethiei 5:16

Yak ka ke ënɔɔnë wɛ̈ɛ̈r bei ë këracic, në rac rɛɛc akööl.

Kolothai 3:23

Na de kë luɔikï, ke luɔikï ë wepiɔ̈ɔ̈th thïn, cït man aa wek Bɛ̈nydït luööi, ku cäkkï kɔc ee luööikï tei.

1 Tham 10:7

Ku të cïï ee kakë röt looi, ke yï loi kë cïï Nhialic lɛ̈k yïn an bä lɔ looi.