Wɛ̈ɛ̈t 8:15 - JAM DE NHIALIC 2011

¹⁵ Ka kë duɛ̈ɛ̈r piɔɔny ee pinyë nɔm ee piɔ̈n mit de raan, në biäk cïn en kë cï yök: kë cï yök yetök ee luɔɔi bï yen cam ku dëk ku jɔ piɔ̈u miɛt, yen ee kënë aduëër läk ke yen në luɔide yic, në ee pïïr cïï Nhialic gäm en ë piny nɔm.

Wɛ̈ɛ̈t 8:15 ပူးပေါင်းရင်းမြစ်များ

Diɛt 42:8

Në Bɛ̈nydït nyooth nhiëërdɛn agɔk aköl, ku wakɔ̈u dinde ee tɔ̈u kekë yɛn, ke ya läŋ Nhialic de pïïrdï.

Wɛ̈ɛ̈t 2:1

Guɔ rɔt jɔ yɔ̈ɔ̈k an, apiɛth tei, yɛn bï miɛtëpiɔ̈u jɔ them ënɔɔnë. Ku tïŋ, kënë ayadäŋ acä yök ke ee ɣɔ̈ric.

Wɛ̈ɛ̈t 2:10

Kë ye piɔ̈ndï kɔɔr ëbɛ̈n aya nööm, yɛn kën rɔt pɛ̈n miɛtëpiɔ̈u. Yɛn cï piɔ̈u miɛt në luɔɔi dït cä looi, ku kënë aaye ariöp de luɔɔidï ëbɛ̈n.

Wɛ̈ɛ̈t 2:24

Acïn këpiɛth duëër raan looi, të cïn cäm kekë dëk, ku yök miɛtëpiɔ̈u në luɔɔidïtde yic, kënë ayadäŋ, acä tïŋ aa bɔ̈ tëde Nhialic.

Wɛ̈ɛ̈t 2:3

Në baŋ kɔɔr ë piɔ̈ndï pɛlënɔm, ku kaar bä pialëpiɔ̈u tiaam, guɔ lueel an, bä yapiɔ̈u tɔ mit në mɔ̈u, ku ja piɔ̈u lɔ yum. Ku aya tak nɔn duëër en aa kueer piɛth, kueer bï raan pïïrdɛn thiinë thöl ë piny nɔm.

Wɛ̈ɛ̈t 3:22

Aya tïŋ nɔn cïn en këpiɛth duëër ë raan looi, ee luɔɔi bïï yen piɔ̈u miɛt ë luɔɔide yic, në baŋ ee yen biäkde ë pïïric. Ku eeŋa bï ye bɛ̈ɛ̈i, raan bï ye bɛ̈n tɔ tïŋ kë bï rɔt lɔ̈ɔ̈k looi ë yecök të cï en thou?

Wɛ̈ɛ̈t 5:18

Tiëŋkï, kë cä yök kë rɔ̈ŋ ee luɔɔi bïï ë raan cam ku dëk, ku bï kuɛth yök në luɔɔide yic në akööl lïk ke pïïr ë piny nɔm, akööl cïï Nhialic gäm en ke ye biäkde.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.