Wɛ̈ɛ̈t 8:14 - JAM DE NHIALIC 2011

¹⁴ Ku tïŋ ɣɔ̈ric däŋ ee rɔt looi ë piny nɔm, në akööl kɔ̈k, kɔc piɛth piɔ̈ɔ̈th ayek ariöp de kɔc ee karɛc looi yök, ku yök kɔc ee karɛc looi ariöp de kɔc piɛth piɔ̈ɔ̈th, guɔ lueel an, kënë ayadäŋ ee ɣɔ̈ric.

Wɛ̈ɛ̈t 8:14 ပူးပေါင်းရင်းမြစ်များ

Jop 1:22

Në ee kakë yiic kedhie, Jop akën wäc bïï Bɛ̈nydït gɔ̈k.

Jop 21:7

Eeŋö ye kɔc ee karɛc looi pïïr abïk dhiɔp, ku kaken ayek lɔ ke ke ŋuak röt?

Jop 27:12

ku week wedhie acäk tïŋ wapäc, ku eeŋö bɛ wek jam në ɣääriic?

Diɛt 73:3

në luöi cï tiɛɛl ya dɔm në biäk de kɔc ee röt lɛɛc, wën tiëŋ ɛn pïïr ke piɛth ke kɔc ee karɛc looi.

Wɛ̈ɛ̈t 10:5

Yɛn cï kërac tïŋ ë piny nɔm, awäny ye bɛ̈ny looi.

Wɛ̈ɛ̈t 2:14

Raan pelnɔm ee daai, ku raan piɔlpiɔ̈u ee cath ë mɔ̈ɔ̈thic.” Ku acä bɛ̈n yök aya, nɔn ye kek thou kedhie.

Wɛ̈ɛ̈t 4:4

Ku yɛn cï kënë kɔc tɔ lui aläl ŋic, ee biäk ye kek kakë kɔc thiääk ë keek woi, ku ee kë ɣɔ̈ric, acït cum de yom cök.

Wɛ̈ɛ̈t 4:8

Ade raan rɛ̈ɛ̈r yetök, acïn nɔm meth, ku acïn nɔm mänhë, ku ee tɔ̈u aköölnyïïn, ke cïï piɔ̈u kueth në kajuëc tɔ̈u në yen, eeŋa jɔ luööi aläldïïtë aya ke cïï rɔt tɔ lɔ̈ŋ? Kënë ee ɣɔ̈ric ayadäŋ, ku ee pïïr de yic nuɛɛn.

Wɛ̈ɛ̈t 7:15

Në ë pïïrdiën ɣɔ̈ricë yɛn ë käŋ tïŋ kedhie, ade raan piɛthpiɔ̈u ë thou në piathëpiɔ̈nde yic, ku rɛ̈ɛ̈r raan ee karɛc looi ë run juëc në karɛcke yiic.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Malakai 3:15

Cït man ye wok en tïŋ ënɔɔnë, luɔi yen kɔc ɣɛ̈ɛ̈c kenïïm kek ee röt yök cït ka cï thieei. Ku kɔc ee karɛc looi kek akueth, ku ayek Nhialic them aya në karɛckɛn yek looi, ku cïn kë yök keek.’