Wɛ̈ɛ̈t 8:1 - JAM DE NHIALIC 2011

¹ Eeŋa cït raan pelnɔm? Ku ŋic wɛ̈ɛ̈r de käŋiic? Pɛlënɔm ee ye riaau nyin, ku wɛ̈ɛ̈r täu ye raan yenyin nyuiin.

Wɛ̈ɛ̈t 8:1 ပူးပေါင်းရင်းမြစ်များ

Cäk 40:8

Gokï puɔ̈k nɔm en an, “Wok ë nyuöth wën akɔ̈u, ku acïn raandan wëër keyiic wook.” Go Jothep lɛ̈k keek an, “Ee Nhialic Yen ee raan gäm riɛl yen nyuöth weeriic, ka week guiëërkï yɛn nyuöthkun.”

Jop 33:23

ku nɔn duëër tunynhial guɔ bɛ̈n ke kony en, töŋ de aguum ke tuuc ke Nhialic, ee kɔc täk nïïm në luɔiden.

Bɛ̈n 34:35

Ku aaye kɔc en tïŋ luɔi riɛɛu en nyin. Ku ëtɛ̈ɛ̈n, aaye yenyin bɛ kum në lupɔ de kum ë nyin agut të bï yen rɔt bɛ puk le jam kekë Bɛ̈nydït.

Kɛ̈ŋ 1:6

Agokï kääŋ cï thiaan aa yökiic, ku yökkï meek de kɔc pelnïïmiic.

Kɛ̈ŋ 12:8

Kɔc pel nïïm aye ke lɛ̈c pɛlënɔmden, ku ciën yöŋ de käŋiic ee biɔ̈n ë guöp bɛ̈ɛ̈i.

Kɛ̈ŋ 17:24

Raan ee käŋ yökiic ee yenɔm wɛ̈l pɛlënɔm, ku jɔ raan piɔlpiɔ̈u nyin kɛɛc ë piny thar.

Kɛ̈ŋ 21:29

Täk në kueer piɛth ee këde kɔc piɛthpiɔ̈ɔ̈th, ku kɔc ee karɛc looi ayek röt guɔ tɔ cït kɔc piɛth.

Kɛ̈ŋ 24:5

Raan pelnɔm aril arëët awär raan ril ë guöp, ku ŋuak riɛl në ŋïnydekäŋ.

Danyel 2:22

Ee ka nu të thuth ku kacïmoony nyuɔɔth, aŋic kë cï thiaan ë mɔ̈ɔ̈thic, ku Yen guöpde acï ɣɛɛr gɛɛu cil.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Math 17:2

go yeguöp puk aye guöp däŋ ë kenïïm, go nyin lɔ riauriau cït man ë akɔ̈l, ku ɣer lupɔde ëwic cït ɣɛɛrëpiny.

Luɔi 4:13

Na wën, aa cïk ŋeeny de Petero tïŋ kekë Jɔn, ku ŋickï keek nɔn ee kek röör kënë wɛ̈ɛ̈t, acïn kajuëc ŋickï agokï gäi, ku jɔkï kenïïm tak në cath ë ye kek cath në Yecu wään.

Luɔi 4:29

Ku ënɔɔnë, Bɛ̈nydït, piŋ wɛ̈i ee kek wo waai, ku gämë lïïmku riɛl, bïk jamdu aa guiir ke ke ye ŋeeny,

Luɔi 6:15

Na wën, ke kɔc kedhie kɔc rɛ̈ɛ̈r ë löŋic, ke ke tom Thepano guöp, gokï tïŋ nyin, acït nyin tunynhial.

Romai 13:5

Yen abä wek jamde dhil aa piŋ, acie baŋ de agönh ë Nhialic e tök, ee baŋ de löŋ ee raan yök ë yepiɔ̈u aya.

Epethiei 6:19

Ku në biäkdï aya, luɔi bï a miɔɔc ë jam bän athok liep ke ya cïï riɔ̈c, aguɔ këcïmoony ɣɔn tɔ ŋic, kek aye wëlpiɛth.

Nyöŋ 28:50

Jur bï we luöi ka tuc thook, ku acïn kokdepiɔ̈u bïk nyuöth raan ëbɛ̈n, mɛnh koor ayï raan dït.

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

2 Pet 1:20

Ku kankï cöökë ŋic, an, acïn jam töŋ de tiët jam de kacïgɔ̈ɔ̈r jam ë lueel raan ë këde nɔmde.