Wɛ̈ɛ̈t 7:6 - JAM DE NHIALIC 2011

⁶ Dɔl de raan piɔlpiɔ̈u acït atenyteny de many de thil ë töny thar, ku kënë ayadäŋ ee ɣɔ̈ric.

Wɛ̈ɛ̈t 7:6 ပူးပေါင်းရင်းမြစ်များ

Diɛt 118:12

Acïk a tuɔɔk cil cït man ë kiëc, ku acïk dap nyop piny cït man ë many de kuɔɔth, ku në riɛl de Bɛ̈nydït acä keek riɔ̈ɔ̈k kedhie.

Diɛt 58:9

Të ŋoot kek ke kënkï ŋic, abïï ke tɛɛm piny cï wal, në ŋeenyde abï ë Nhialic ke kuɔɔth wei, ke ke ŋoot ke ke pïïr.

Kɛ̈ŋ 29:9

Kaam de raan pelnɔm kekë raan piɔl piɔ̈u acïn kë ye rɔt tiiŋ. Aye raan piɔl piɔ̈u dhuth në dɔl agɔ̈th ku lɛ̈ɛ̈t.

Wɛ̈ɛ̈t 2:2

Guɔ lueel an, dɔl ee miɔ̈ɔ̈l, ku nɔmde akou yen miɛtëpiɔ̈u?

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.

Luk 16:25

Go Abraɣam lueel an, ‘Wëndï, cätë yïnɔm, wään pïïr yïn, yïn ee këpiɛth yök, ku yök Ladharo karɛc, ku ënɔɔnë acï duut piɔ̈u, ku yïn dhiau piɔ̈u.

Luk 6:25

“Amawoou në week wek kɔc cï kuɛth, we bïï cɔk nɔ̈k! “Amawoou në week, wek kɔc dɔl ënɔɔnë, we bï dhuöör ë dhiëëu!