Wɛ̈ɛ̈t 7:14 - JAM DE NHIALIC 2011

¹⁴ Ye piɔ̈u miɛt në akööl piɛth, ku akööl ke nuan, ye takic ayadäŋ nɔn Yen Nhialic Yen ee keek looi kedhie, ku acïn raan ŋic kë bï rɔt lɔ̈ɔ̈k looi miäk.

Wɛ̈ɛ̈t 7:14 ပူးပေါင်းရင်းမြစ်များ

1 Mel 8:47

jɔ lɔ̈ŋ de kɔcku piŋ. Të nu kek ee pinyë, ku cï kepiɔ̈ɔ̈th puk në awänyden Yic, ku lɛ̈ŋkï Yïn ke ke gam awɛ̈ɛ̈c, an, wok cï awɛ̈ɛ̈c looi, ku karɛc ëbɛ̈n. Bɛ̈nydït piŋ lɔ̈ŋden.

Jop 2:10

Go lɛ̈k tiiŋde an, “Yïn e jam tei ë jam ë raan piɔlpiɔ̈u. Na yok kapiɛth gam tëde Nhialic, eeŋö cïï wok katuc thook ee guum aya?” Në ee kakë yiic kedhie akën wäc në yeliep.

Diɛt 119:71

Luɔi cï yïn yɛn dui aa piɛth ke yɛn, në biäk cï yen yɛn tɔ ŋic lööŋku.

Diɛt 40:3

Ku yïk a thok din ë piɛcë cak, din lɛɛc ɛn Nhialicda. Kɔc juëc abïk ee kënë tïŋ ku lamkï Nhialic. Ku ëtɛ̈ɛ̈n abïk Bɛ̈nydït jɔ ŋɔ̈ɔ̈th.

Wɛ̈ɛ̈t 10:14

Raan piɔlpiɔ̈u ee jam cuuth. Acïn raan ŋic kë bï tuöl, ku acïn raan bï wok lɛ̈k kë bï rɔt lɔ̈ɔ̈k looi në wocök.

Wɛ̈ɛ̈t 11:9

Wek dhuök, miɛtkï piɔ̈ɔ̈th në dhuöökdunic. Yak piɔ̈ɔ̈th miɛt të ŋuɔɔt wek ke we ye dhuök. Luɔikï ka kaarkï bäk ke looi, ku kuanykï kake piɔ̈ɔ̈thkun cök. Ku ŋiɛckï nɔn bï Nhialic löŋdun guiir në këriëëc yak looi yic ëbɛ̈n.

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Wɛ̈ɛ̈t 12:8

Ke lueel raan kɔɔr pɛlënɔm an, këriëëc ëbɛ̈n ee ɣɔ̈ric, ee gökdïït ë ɣɔ̈ric.

Wɛ̈ɛ̈t 3:22

Aya tïŋ nɔn cïn en këpiɛth duëër ë raan looi, ee luɔɔi bïï yen piɔ̈u miɛt ë luɔɔide yic, në baŋ ee yen biäkde ë pïïric. Ku eeŋa bï ye bɛ̈ɛ̈i, raan bï ye bɛ̈n tɔ tïŋ kë bï rɔt lɔ̈ɔ̈k looi ë yecök të cï en thou?

Wɛ̈ɛ̈t 3:4

Ade kööl ë dhiëëu, ku kööl ë dɔl, ade kööl ë dhiënëpiɔ̈u, ku kööl ë miɛtëpiɔ̈u.

Wɛ̈ɛ̈t 5:17

Në pïïr de raan yic ëbɛ̈n raan ee rɛ̈ɛ̈r ë mɔ̈ɔ̈thic ku diɛɛric, ku agɔ̈thic ku juäi yic.

Wɛ̈ɛ̈t 8:7

Acïn raan ŋic kë bï rɔt looi ë woyiic, ku eeŋa duëër ye lɛ̈k wook?

Wɛ̈ɛ̈t 9:7

Lɔ tueŋ, cam kuïndu ke yï mit piɔ̈u, ku dek mɔ̈ndu në piɔ̈n mit, Nhialic amit piɔ̈u në kakuön cï looi.

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 42:25

Ago wook tɔ yök rac de agönhde ku gumku akuöörkuöör de tɔŋ. Go agönhde dëp cï mac në Yithriɛl yic ëbɛ̈n, ku wok kuc kë loi rɔt, acïn kë cïï wok wëët në ye yic taitai.

Jeremia 23:20

ku acïï bï kɔ̈ɔ̈c agut të bï yen kë kɔɔr bïï looi kɔn looi. Ku në akööl bï bɛ̈në kɔcke abïk ee kënë yökic apiɛth.”

Dhiëëu 3:38

Këpiɛth ku kërac kedhie ayek röt looi kedhie në jam de Bɛ̈nydït.

Maika 6:9

Aye Bɛ̈nydït lueel an, “Piɛŋkï, wek kɔc ke amatnɔm de pänydït, arɔ̈ŋ bäk dɛ pɛlënɔm në rïïu riëëu wek Ɛn.

Math 9:13

Lakï tei, kaarkï cöökë thar abäk yök, Yɛn kɔɔr kokdepiɔ̈u, acie kë bïï nɔ̈k en kaar, yɛn ë cïï bɔ̈ bä kɔc piɛth piɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Nyöŋ 26:11

Ye piɔ̈u miɛt wekë ka cï Bɛ̈nydït Nhialicdun gäm yïn wekë baaidu, ku yak Lebai ku kɔc lei rɛ̈ɛ̈r ë we yiic, tɔ mät në week ë dhuëëŋic.

Nyöŋ 28:47

Bɛ̈nydït acï week thieei në käŋiic ëbɛ̈n, ku akënkï luööi në miɛtëpiɔ̈u ku në piɔ̈ɔ̈th mit.

Nyöŋ 8:3

Ee week tɔ nɛ̈k cɔk ku gëm week mana bäk cam, kë cam kën ë kuarkun kɔn cam. Aa wëët week an raan acie pïïr ë këcam yetök raan ee pïïr ë jam cïï Bɛ̈nydït lueel.

Nyöŋ 8:5

Yak tak nɔn Ye Bɛ̈nydït Nhialicdun we kiɛm piny ku dui week cït man ye wun mïth mïthke dui.

Jakop 5:13

De raan ë weyiic raan gum këtuc? Ë läŋ. De raan mit piɔ̈u? Ë leec Nhialic ë dit.