Wɛ̈ɛ̈t 6:12 - JAM DE NHIALIC 2011

¹² Ku eeŋa ŋic këpiɛth rɔ̈ŋ kekë mɛnh ë raan në ye nïn lik ɣɔ̈ric ee tëëk cït man ë atiëp ë piny nɔm? Eeŋa bï raan lɛ̈k kë bï rɔt looi në yecök të cï yen jäl?

Wɛ̈ɛ̈t 6:12 ပူးပေါင်းရင်းမြစ်များ

1 Lëk 29:15

Aŋic, Yïn Bɛ̈nydït, nɔn ee wok tëëk ë pïïric cï alɛi ku kamaan, cït man ɣɔn cïï kuarkuɔ ke looi. Nïnkuɔ acïtkï atïm ee cath, ku wok cïï duëër kat ë thuɔɔu.

Jop 14:2

Ee guɔ luɔk cït gaak moc ë tim, ku go biɔɔr, ku yen ee guɔ määr cït atiëp.

Jop 14:21

Wɛ̈ɛ̈tke, na cï ke lɔ̈ɔ̈k dhuëëŋ gup ku nɔn cï ke lɔ̈ɔ̈k biɔɔn gup, acïn kë bï ŋic thïn.

Jop 8:9

Në biäk cït wok kak ë dhiëth wään thëën, ka cïn kë ŋicku, në lïk ë nïnkuɔn ye wok ke jäl ë piny nɔm cït atiëp.

Diɛt 102:11

Pïïrdï acï ciët atïm athɛ̈i, yɛn cït wal cï riɛl.

Diɛt 109:23

Yɛn kɔɔr bä määr cït atïm athɛ̈i, yɛn ee biäk wei cït kɔ̈m.

Diɛt 144:4

Acït awuööu de yom, nïnke acïtkï atïm tëëk.

Diɛt 16:5

Bɛ̈nydït, ee Yïn aye këdï Yïtök, ku yïn ee ya gäm kë kaar ëbɛ̈n, wadäŋdï anu ë Yïcin.

Diɛt 17:15

Ku yïn bä tïŋ në luɔi ë piathëpiɔ̈u cä looi, na la lɔ pääc, yɛn bï piɔ̈u miɛt në dhuëëŋdu.

Diɛt 4:6

Ade kɔc juëc ee lɔ̈ŋ an, “Ee tënou bï këpiɛth bɛ̈n thïn? Ye ɣɛɛrdu tɔ mer wook!”

Diɛt 47:4

Acï wo lɔ̈c piny rɛ̈ɛ̈r wok thïn, piny cï leec, piny de kɔckɛn nhiɛɛr.

Diɛt 89:47

Ye Yïnɔm tak në luöi lik ë nïnkiën ke pïïr, ku ŋic aya, nɔn cï Yïn wo cak ke wo ye kɔc tei!

Wɛ̈ɛ̈t 10:14

Raan piɔlpiɔ̈u ee jam cuuth. Acïn raan ŋic kë bï tuöl, ku acïn raan bï wok lɛ̈k kë bï rɔt lɔ̈ɔ̈k looi në wocök.

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Wɛ̈ɛ̈t 2:24

Acïn këpiɛth duëër raan looi, të cïn cäm kekë dëk, ku yök miɛtëpiɔ̈u në luɔɔidïtde yic, kënë ayadäŋ, acä tïŋ aa bɔ̈ tëde Nhialic.

Wɛ̈ɛ̈t 2:3

Në baŋ kɔɔr ë piɔ̈ndï pɛlënɔm, ku kaar bä pialëpiɔ̈u tiaam, guɔ lueel an, bä yapiɔ̈u tɔ mit në mɔ̈u, ku ja piɔ̈u lɔ yum. Ku aya tak nɔn duëër en aa kueer piɛth, kueer bï raan pïïrdɛn thiinë thöl ë piny nɔm.

Wɛ̈ɛ̈t 3:22

Aya tïŋ nɔn cïn en këpiɛth duëër ë raan looi, ee luɔɔi bïï yen piɔ̈u miɛt ë luɔɔide yic, në baŋ ee yen biäkde ë pïïric. Ku eeŋa bï ye bɛ̈ɛ̈i, raan bï ye bɛ̈n tɔ tïŋ kë bï rɔt lɔ̈ɔ̈k looi ë yecök të cï en thou?

Wɛ̈ɛ̈t 6:11

Të dïït ë jam, ke ɣɔ̈ric ee dït, ku eeŋö bï raan yök thïn?

Wɛ̈ɛ̈t 7:15

Në ë pïïrdiën ɣɔ̈ricë yɛn ë käŋ tïŋ kedhie, ade raan piɛthpiɔ̈u ë thou në piathëpiɔ̈nde yic, ku rɛ̈ɛ̈r raan ee karɛc looi ë run juëc në karɛcke yiic.

Wɛ̈ɛ̈t 8:13

Ku acïï bï dikëdik kekë kɔc ee karɛc looi. Acïkï bï ceŋ, cït man atiëp, në biäk cïï kek Nhialic ee riëëu.

Wɛ̈ɛ̈t 8:7

Acïn raan ŋic kë bï rɔt looi ë woyiic, ku eeŋa duëër ye lɛ̈k wook?

Wɛ̈ɛ̈t 9:6

Nhiëërden, ku mänden ku tiɛɛlden, acïk riäär në keek ëtök. Acïn kë cï döŋ taitai kë bïk bɛ rɔm në kɔc pïïr në ka loi yiic ëbɛ̈n ë piny nɔm.

Wɛ̈ɛ̈t 9:9

Ye piɔ̈u miɛt wekë tiiŋdu, në aköölkuön ɣɔ̈ric ke pïïr cïï Nhialic gäm yïn ë piny nɔm, ye piɔ̈u miɛt wekë yen, në baŋ yen këduön ë yök në luɔi riildu yic ëbɛ̈n cï looi ë piny nɔm.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Jakop 4:14

Ku wek kuc kë bï tïc miäk. Wëikun yek käŋö? Ayek ruu tei, ruu ee tïc tëthiinakäŋ, na ëlë, ke jɔ guɔ riäär.