Wɛ̈ɛ̈t 5:8 - JAM DE NHIALIC 2011

⁸ Të tïŋ yïn piny ayɔŋë kɔc kuanynyïïn thïn ku jɔt yicden në riɛl, ke yï du gäi. Në luɔi ye bɛ̈ny nɔm dɛ raan mät ke yen nu në yenɔm, ku ade bäny dït kɔ̈k mät ë keek nu ë kenïïm.

Wɛ̈ɛ̈t 5:8 ပူးပေါင်းရင်းမြစ်များ

2 Lëk 26:10

Ku yïk ɣööt ril bär në jɔ̈ɔ̈ric ku wec yith ke pïïu, në biäk de yen nɔm ɣɔ̈k juëc në kur nu të lɔ aköl athɛ̈i ku në riaaŋ nɔm. Ku në biäk nhiɛɛr en pɔ̈ɔ̈r, aaye kɔc riit piɔ̈ɔ̈th bïk duum ke enap com ë kur thäär ku në tiɔɔm piɛth yic.

Jop 24:23

Aye ke tɔ rɛ̈ɛ̈r ke ke cïï piɔ̈ɔ̈th riɔ̈c, ku döt ke në daai.

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 55:9

Bɛ̈nydït, riäk kiɛɛr rɛɛc de kɔc ke aterdï, ku liääpë jamden! Yɛn cï akuöörkuöör ku awuɔɔu tïŋ ë pänydït yic,

Diɛt 82:1

Nhialic ë nyuc tëde ë löŋdɛn athɛɛr nɔm, ku jɔ löŋ guiir ë tuucnhial yiic,

Diɛt 83:18

Tɔ ŋickï nɔn ee Yïn Bɛ̈nydït Yïtök, Bɛ̈nydït ee Awärjäŋ ë pinynɔm ëbɛ̈n.

Diɛt 95:3

Në biäk ye Bɛ̈nydït Nhialic Awärjäŋ, ku Ye Meliŋ dïït wär yiëth kedhie.

Kɛ̈ŋ 22:16

Yaaŋ de kɔc kuanynyïïn kɔɔr ë raan kajuëc ku miɔ̈c de kɔc kueth, ayek raan bɛ̈n nyääŋ kuany ë nyin.

Kɛ̈ŋ 24:12

Na lueel en an, acïn kë ŋiɛc në biäk de ee kënë, ku cie Nhialic Raan wën ee kɔc thɔ̈ɔ̈ŋ piɔ̈ɔ̈th ku Yen muk wëiku, cie Yen ŋic yïn ku woi yï? Cïï raan ëbɛ̈n bï gäm ariöp rɔ̈ŋ ke luɔide?

Kɛ̈ŋ 8:17

Yɛn nhiaar raan ee yɛn kɔɔr ëbɛ̈n, ku raan ee yɛn kɔɔr ëbɛ̈n, ee ya yök.

Wɛ̈ɛ̈t 3:16

Ku ayadäŋ yɛn cï këdäŋ tïŋ ë piny nɔm, tëde guiëër de löŋ acïn löŋ ye ŋiëc guiir thïn, ku tëde piathëpiɔ̈u kërac anu thïn.

Wɛ̈ɛ̈t 4:1

Guɔ bɛ daai, ku tiëŋ yaaŋ loi rɔt ëbɛ̈n ë piny nɔm, dhiën dhiɛɛu ë kɔc yɔŋ keek, ku acïn raan dut ke piɔ̈ɔ̈th ku kony keek: ku kɔc ee keek yɔŋ adekï nïïm riɛl.

Wɛ̈ɛ̈t 5:9

Ku keek kedhie, ayïï melik aya ee tëm de rap ŋɔ̈ɔ̈th.

Wɛ̈ɛ̈t 7:7

Ee yic, të cï raan pelnɔm lɔ në mɛthic ka cï dhɔ̈n, ku kumthok ee raan riɔ̈ɔ̈k.

Wɛ̈ɛ̈t 8:9

Yɛn aa tïŋ ee kakë kedhie, wën jan ka loi röt ë piny nɔm thɔ̈ɔ̈ŋ, ade kööl ye raan ril kathiek tääu në kɔc yiëth, jieeth ke piɔ̈ɔ̈th.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 3:15

Wek cïn nïïm yic bäk kɔckï duöm piny, ku yaŋkï kɔc kuanynyïïn, ee Yɛn Bɛ̈nydït Awärjäŋ yɛn ajam.”

Yith 37:36

Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Edhekiɛl 18:18

Wun aaye kɔc math ku rum kɔc, ku ye cool ë lui kërac raan ëbɛ̈n. Abï jɔ thou në biäk de awɛ̈ɛ̈c cï ke looi yen guöpde.

Amoth 5:12

Në biäk ŋiɛc Ɛn karɛckuön juëc cäk looi, ayï awɛ̈ɛ̈c tuc thook cäk keek wuööc. Wek ee kɔc piɛth wɛ̈l nïïm ater, ku nämkï kumthok, ku pɛ̈nkï kɔc kuanynyïïn yicden tëde gööny.

Amoth 6:12

Duëër jöŋgöör riŋ në awiɛn ke kur nïïm? Ku duëër raan wɛ̈ɛ̈r puuric në miöör? Ku ka ye piathëpiɔ̈u ke luɔk, acäk ke puk ke ke ye kake kɛcëpiɔ̈u.

Maika 2:9

Wek ë diëër ke kɔckï cuɔp wei në ɣöötkɛn läk yiic. Ku kualkï athiɛɛidï tëde mïthken aɣet athɛɛr.

Dhek 8:6

Kë cï Bɛ̈nydït de rɛm lueel kï an, “Kënë abï kɔc lik cï döŋ ye tïŋ cït kë cï rɔt bï lëu ënɔɔnë. Ku abï rɔt lëu tëde yɛn.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Luk 1:32

Abï dït arëët ku abï cɔl wën ë Nhialic Awärjäŋ: ku abïï Bɛ̈nydït Nhialic yiɛ̈n thööny de kuɛɛrëdɛn Debid:

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Luk 1:76

“Ku yïn, wëndï, yïn bï cɔl tiët de Nhialic Awärjäŋ: Yïn bï kɔn lɔ ë Bɛ̈nydït nɔm tueŋ, bä kuɛɛrke lɔ looi.

Luɔi 12:23

Na wën, ee tëthiinë, ke yup tunynhial de Bɛ̈nydït, luɔi kën en Nhialic leec, go käm cam, go thou.

Romai 11:33

Eeŋö dïïtë pɛlënɔm de Nhialic aya, ayï ŋïny ŋic en käŋ! Lööŋkɛn cï guiir bï raan ke gii thäär nɛn, ku kuɛɛrke bï raan ke yök adï?

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

1 Pet 4:12

Wek kɔc nhiaar, duökï gäi ë thëm tuc cït mac nu ë weyiic, thëm ee we them ënɔɔnë, duökï e lueel an, ee këgäi mɛɛn pei kë cï tuöl tëde week.

1 Jɔn 3:13

Duökï ee gäi, wek mïthëkɔckuɔ, të mɛɛnë kɔc ke piny nɔm week.