Wɛ̈ɛ̈t 3:22 - JAM DE NHIALIC 2011

²² Aya tïŋ nɔn cïn en këpiɛth duëër ë raan looi, ee luɔɔi bïï yen piɔ̈u miɛt ë luɔɔide yic, në baŋ ee yen biäkde ë pïïric. Ku eeŋa bï ye bɛ̈ɛ̈i, raan bï ye bɛ̈n tɔ tïŋ kë bï rɔt lɔ̈ɔ̈k looi ë yecök të cï en thou?

Wɛ̈ɛ̈t 3:22 ပူးပေါင်းရင်းမြစ်များ

Jop 14:21

Wɛ̈ɛ̈tke, na cï ke lɔ̈ɔ̈k dhuëëŋ gup ku nɔn cï ke lɔ̈ɔ̈k biɔɔn gup, acïn kë bï ŋic thïn.

Wɛ̈ɛ̈t 10:14

Raan piɔlpiɔ̈u ee jam cuuth. Acïn raan ŋic kë bï tuöl, ku acïn raan bï wok lɛ̈k kë bï rɔt lɔ̈ɔ̈k looi në wocök.

Wɛ̈ɛ̈t 11:9

Wek dhuök, miɛtkï piɔ̈ɔ̈th në dhuöökdunic. Yak piɔ̈ɔ̈th miɛt të ŋuɔɔt wek ke we ye dhuök. Luɔikï ka kaarkï bäk ke looi, ku kuanykï kake piɔ̈ɔ̈thkun cök. Ku ŋiɛckï nɔn bï Nhialic löŋdun guiir në këriëëc yak looi yic ëbɛ̈n.

Wɛ̈ɛ̈t 2:18

Ku yɛn cï luɔɔidït cä looi ëbɛ̈n ë piny nɔm maan, në biäk bän ke dhil nyäŋ raan bï lɔ̈ɔ̈k bɛ̈n ë yacök.

Wɛ̈ɛ̈t 2:24

Acïn këpiɛth duëër raan looi, të cïn cäm kekë dëk, ku yök miɛtëpiɔ̈u në luɔɔidïtde yic, kënë ayadäŋ, acä tïŋ aa bɔ̈ tëde Nhialic.

Wɛ̈ɛ̈t 6:12

Ku eeŋa ŋic këpiɛth rɔ̈ŋ kekë mɛnh ë raan në ye nïn lik ɣɔ̈ric ee tëëk cït man ë atiëp ë piny nɔm? Eeŋa bï raan lɛ̈k kë bï rɔt looi në yecök të cï yen jäl?

Wɛ̈ɛ̈t 7:14

Ye piɔ̈u miɛt në akööl piɛth, ku akööl ke nuan, ye takic ayadäŋ nɔn Yen Nhialic Yen ee keek looi kedhie, ku acïn raan ŋic kë bï rɔt lɔ̈ɔ̈k looi miäk.

Wɛ̈ɛ̈t 8:15

Ka kë duɛ̈ɛ̈r piɔɔny ee pinyë nɔm ee piɔ̈n mit de raan, në biäk cïn en kë cï yök: kë cï yök yetök ee luɔɔi bï yen cam ku dëk ku jɔ piɔ̈u miɛt, yen ee kënë aduëër läk ke yen në luɔide yic, në ee pïïr cïï Nhialic gäm en ë piny nɔm.

Wɛ̈ɛ̈t 8:7

Acïn raan ŋic kë bï rɔt looi ë woyiic, ku eeŋa duëër ye lɛ̈k wook?

Wɛ̈ɛ̈t 9:12

Acïn raan ee köölde ŋic, ee lööny ë kërac yic ëthiäu cït man ye dit kɛɛc në wïn ë dɛ̈pic ku cït man ye rec kɛɛc ë bɔi yic.

Wɛ̈ɛ̈t 9:6

Nhiëërden, ku mänden ku tiɛɛlden, acïk riäär në keek ëtök. Acïn kë cï döŋ taitai kë bïk bɛ rɔm në kɔc pïïr në ka loi yiic ëbɛ̈n ë piny nɔm.

Danyel 12:13

“Ku yïn Danyel, rɛ̈ɛ̈rë ke yï ye piɔ̈u adöt agut cï thök de käŋ. Ku ëtɛ̈ɛ̈n yïn bï thou, ku yïn bï rɔt jɔt, bä ariöpdu bɛ̈n nööm në kööl ciëën.”

Math 6:34

Yen duö wek ë diɛɛr në këde miäk, miäk abï diɛɛr ë ka ke yenguöp. Kööl tök abï kuɛth ë jam rɛɛcde yetök.

Nyöŋ 12:18

Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 28:47

Bɛ̈nydït acï week thieei në käŋiic ëbɛ̈n, ku akënkï luööi në miɛtëpiɔ̈u ku në piɔ̈ɔ̈th mit.