Wɛ̈ɛ̈t 3:19 - JAM DE NHIALIC 2011

¹⁹ Ku cït man ee raan thou, lɛ̈i ee thou ayadäŋ, ayek wëi kedhie, ku ayek thou kedhie. Raan acïï ŋuän në lɛ̈i, këriëëc ëbɛ̈n ee ɣɔ̈ric.

Wɛ̈ɛ̈t 3:19 ပူးပေါင်းရင်းမြစ်များ

2 Tham 14:14

Wok bï thou wodhie, wok cït pïïu cï lɔ wei, pïïu cïï duëërë bɛ määt yiic. Ayï Nhialic acïï kɔc cï thou ee bɛ tɔ pïïr, ku melik aduëër kueer bïï yen raan cï kat tɔ puk yenɔm wut.

Diɛt 104:29

Të cïn keek nyääŋ piny, ayek riɔ̈ɔ̈c, ku të cïn wëiku jɔt ayek thou ku dɔkkï kenïïm në abuuidɛn wään bïï kek thïn.

Diɛt 49:12

Kajuëc ke raan acïkï yen ee luök në thuɔɔu, abï ŋoot ke thou cït man ë läi.

Diɛt 49:13

Tïŋ kë ye tuöl tëde kɔc ee röt ŋɔ̈ɔ̈th, thon ë kɔc cï lɔ̈ŋ në kakɛn juëc yiic,

Diɛt 49:20

Juëc de kake ku dïtde acïï yen bï pɛ̈n thuɔɔu, abï ŋoot ke thou cï läi.

Wɛ̈ɛ̈t 1:14

Yɛn cï luɔɔi ee looi ë piny nɔm ëbɛ̈n tïŋ, keek kedhie ayek ɣɔ̈ric, cït cum de yom cök.

Wɛ̈ɛ̈t 1:17

Ku ja yanɔm kiɛm piny bä ŋïnydekäŋ kekë pɛlënɔm ŋic, ku ŋiɛc miɔ̈ɔ̈l kekë pialëpiɔ̈u. Guɔ ee kënë yök ayadäŋ nɔn cït en cum de yom cök.

Wɛ̈ɛ̈t 2:14

Raan pelnɔm ee daai, ku raan piɔlpiɔ̈u ee cath ë mɔ̈ɔ̈thic.” Ku acä bɛ̈n yök aya, nɔn ye kek thou kedhie.

Wɛ̈ɛ̈t 2:16

Në biäk ë raan pelnɔm ku raan piɔlpiɔ̈u, acïï keek ee tak kedhie, kɔc abïk nïïm määr të cïï ë kaam tëëk. Amawoou! Eeŋö ye raan pelnɔm thou cït raan piɔlpiɔ̈u.

Wɛ̈ɛ̈t 7:2

Lɔ de raan ɣön ë dhiëëu aŋuän në lɔ ɣön ë dhuëëŋ, në luɔi ye thuɔɔu kɔc pïïr täk nïïm nɔn yen kueer le ë mɛnh ë raan thïn ëbɛ̈n ka.

Wɛ̈ɛ̈t 9:12

Acïn raan ee köölde ŋic, ee lööny ë kërac yic ëthiäu cït man ye dit kɛɛc në wïn ë dɛ̈pic ku cït man ye rec kɛɛc ë bɔi yic.

Wɛ̈ɛ̈t 9:2

Acïn akeu, Yen ee thon töŋë ee bɛ̈n tëde kɔc ee karɛc looi ku kɔc piɛthpiɔ̈ɔ̈th, ku kɔc piɛth ku kɔc rac, ee kë töŋë yen ee raan ëbɛ̈n yök, ee kë töŋë tëde raan piɛthpiɔ̈u ku raan ee karɛc looi, ku ee kë töŋë tëde raan piɛth ku raan rac, ee kë töŋë tëde raan ee miɔ̈c näk gam ku raan cïn kë ye gam. Cït man nu yen kekë raan piɛth anu kekë raan rac aya, ku nu kekë raan ee gutguut lueel anu kekë raan ee riɔ̈ɔ̈c në luɛl ë gutguut.

Kuɛ̈n 16:29

Të le kɔckë thou në thon ë jäŋ ke cïn kë lui ë Bɛ̈nydït keek, ke Bɛ̈nydït akën Ɛn tooc.